სოზარ სუბარი: უკრაინელი მოქალაქეებისთვის რუსეთში დღესაც უვიზო მიმოსვლაა და გაცილებით მსუბუქი პირობებით, ვიდრე ახლა საქართველოს მოქალაქეებისთვის დაწესდა
„ხალხის ძალის“ წევრმა სოზარ სუბარმა „იმედი LIVE“-ში იმ გავრცელებულ მოსაზრებას უპასუხა, რომლის თანახმადაც, რუსეთის მიერ საქართველოს მოქალაქეებისთვის უვიზო რეჟიმის შემოღება და პირდაპირი ფრენების აღდგენა საქართველოს ევროინტეგრაციაზე მოახდენს გავლენას.
„საქართველოს ევროინტეგრაციის გზას ვერაფერი დააზიანებს, მათ შორის ვერც ჩვენი იმ ოპოზიციის მცდელობები, რომლებიც ასე ძალიან ცდილობენ, რომ ხელი შეუშალონ ამ პროცესს. იმის მოლოდინი, რომ ორ-სამ თვეში, ან ორ-სამ წელიწადში საქართველო იქნება ევროკავშირის წევრი, რა თქმა უნდა, არ უნდა გვქონდეს. საქართველო ძირითად საკითხებში არის უფრო წინ, ვიდრე მოლდოვა, უფრო წინ, ვიდრე უკრაინა. თუ დასაშვებია, რომ ევროკავშირის ქვეყნები ვაჭრობდნენ რუსეთთან, თანაც ვაჭრობდნენ ყველაფერი იმით, რაც მათთვის არის მისაღები. ვთქვათ გაზს და ნავთობს სტრატეგიული დანიშნულება აქვს ევროპის ქვეყნებისთვის, ამიტომ ასე ადვილად უარს ვერ იტყვიან, მაგრამ ბელგიაში არის მსოფლიოში ყველაზე დიდი ალმასების ბაზარი. ბელგიამ თქვა, რომ რუსულ ალმასებს არ უნდა დადებოდა ემბარგო, რადგან სჭირდებოდა და ამიტომ ციმბირულ ალმასებს არ დაედო ემბარგო. თურმე ფული უნდა აკეთონ კონკრეტულმა ქვეყნებმა და საქართველოს დაჩაგვრა რატომ უნდებათ ხოლმე, ეს კითხვა ხშირად ისმის. 2008 წელს მოხდა საქართველოს ტერიტორიების ოკუპაცია, როდესაც 20% დაიპყრეს, გორში შემოვიდნენ [რუსული ჯარი], ლამის თბილისთან მოვიდნენ, ზუგდიდში შემოვიდნენ, ფოთში ჩავიდნენ, სენაკის ბაზა აიღეს, ამის შემდეგ სააკაშვილმა გააუქმა ვიზები რუსეთის მოქალაქეებისთვის. ჩვეულებრივად დადიოდნენ რუსეთის მოქალაქეები საქართველოში, დაფრინავდნენ თვითმფრინავები და თითქოს მაშინ არანაირი პრობლემა არ იყო. არც ევროპელებს, არც უკრაინელებს არ უფიქრიათ, რომ ამის [რუსეთ-საქართველოს ომის] გამო შეეწყვიტათ საავიაციო მიმოსვლა რუსეთთან, არც ვიზები შემოუღია უკრაინას, მეტიც, უკრაინამ რუსეთის მოქალაქეებს ვიზები დაუწესა შარშან, ომის დაწყებიდან სამი თვის შემდეგ, ხოლო უკრაინელი მოქალაქეებისთვის რუსეთში დღესაც უვიზო მიმოსვლაა და გაცილებით მსუბუქი პირობებით, ვიდრე ახლა საქართველოს მოქალაქეებისთვის დაწესდა“, – განაცხადა სუბარმა.
About Post Author
ქეთევან ნინუა
Comments
გიორგი ვოლსკი: 2012 წლიდან მოყოლებული, ერთი მაგალითი დაგვისახელონ, როდესაც საქართველომ რუსეთის ინტერესებით იხელმძღვანელა. მე ათს დაგისახელებთ, თუ მეტს არა, როდესაც 2012 წლამდე ხელისუფლებამ რუსეთის ინტერესები გაატარა
ათს [მაგალითს ]დაგისახელებთ, თუ მეტს არა, როდესაც 2012 წლამდე ხელისუფლებამ არათუ რუსეთის ინტერესები გაატარა, რასაც დღეს ვხედავთ, რაც საქართველოს პრობლემაა,...
გიორგი გაბუნია: გუშინ მოვისმინე ერთ-ერთი ევროპელი პოლიტიკოსის განცხადება, რომ ევროკავშირში გაწევრიანება დაკავშირებულია მსაჯობის პრინციპთანო. ეს მომხვდა ყურში. ჩვენ არ გვჭირდება მსაჯები, საქართველოს სჭირდება მეგობრები, პარტნიორები
გუშინ მოვისმინე ერთ-ერთი ევროპელი პოლიტიკოსის განცხადება, რომ ევროკავშირში გაწევრიანება დაკავშირებულია მსაჯობის პრინციპთანო. ეს მომხვდა ყურში. ჩვენ არ გვჭირდება მსაჯები, საქართველოს...
გიორგი ვოლსკი აქციებზე: თუ ვკითხულობთ, ვინ აფინანსებს ამ ღონისძიებებს, ნანუკა ჟორჟოლიანი რომ არ კრებს ფულს, ხომ გასაგებია?!
ვინ აფინანსებს ამ ღონისძიებებს [აქციებს], ნანუკა ჟორჟოლიანი რომ არ კრებს ფულს, ხომ გასაგებია?!, - ამის შესახებ პარლამენტის პირველმა ვიცე-სპიკერმა, გიორგი...
რეჯეფ თაიფ ერდოღანი: ჩვენი შეხვედრის დროს, საქართველოს პრემიერ-მინისტრთან მქონდა საუბარი რეგიონულ და გლობალურ საკითხებზე
ჩვენი შეხვედრის დროს, საქართველოს პრემიერ-მინისტრთან მქონდა საუბარი რეგიონულ და გლობალურ საკითხებზე, - ამის შესახებ თურქეთის რესპუბლიკის პრეზიდენტმა რეჯეფ თაიფ ერდოღანმა...
ირაკლი კობახიძე: ოპოზიციის ფრონტის მთავარი მიზანი იქნება სწორედ ფრონტის გახსნა, თუ სალომე ზურაბიშვილს კოლექტიურ „ნაცმოძრაობაში“ გამოაცხადებენ ლიდერად, ეს იქნება კარგი ჩვენი საარჩევნო შედეგებისთვის
კოლექტიური „ნაცმოძრაობა“ ორ წელიწადზე მეტია იბრძვის, რომ რამენაირად არიონ ქვეყანა, ქვეყანაში გამოიწვიონ მეორე ფრონტი და ეს ფრონტი დააანონსა რეალურად სალომე...
ირაკლი კობახიძე ოთხი საგარეო საქმეთა მინისტრის საპროტესტო აქციაში მონაწილეობაზე: ეს აისახება არა მხოლოდ შესაბამისი ქვეყნების იმიჯზე უარყოფითად, არამედ ეს მთლიანობაში აისახება ევროკავშირის იმიჯზეც
პრემიერ-მინისტრის შეფასებით, საპროტესტო აქციებში ოთხი ქვეყნის საგარეო საქმეთა მინისტრის მონაწილეობა არასერიოზულია. როგორც მთავრობის მეთაურმა ჟურნალისტებს თურქეთში განუცხადა, ეს უარყოფითად აისახება...