სოზარ სუბარი: ოპოზიციამ ვერ გაითავისა, რომ ხალხი მათ დაძახებულზე არ გამოდის
Read Time:49 Second
ოპოზიციამ ვერ გაითავისა, რომ ხალხი მათ დაძახებულზე არ გამოდის, – ამის შესახებ რეგიონული პოლიტიკისა და თვითმმართველობის კომიტეტის თავმჯდომარემ, სოზარ სუბარმა ტელეკომპანია „იმედის“ ეთერში, გადაცემაში „დღის ქრონიკა“ განაცხადა.
„ბოლო რამდენიმე კვირაში, არაერთი განცხადება მოვისმინეთ არა მხოლოდ ჯაფარიძისგან თუ გიორგი ვაშაძისგან, არამედ სხვებისგანაც, რომ ოპოზიციის ძირითადი ნაწილი, წამყვანი პოლიტიკურ პარტიებს ვინც უწოდებენ საკუთარ თავს, რომ ისინი არ აპირებდნენ პარლამენტში შესვლას და მათთვის დიალოგი იყო მცდელობა, რომ უცხოელებთან სახე შეენარჩუნებინათ. მათ საერთოდ არ აინტერესებდათ, როგორ დასრულდებოდა ეს მოლაპარაკებები. მათი მთავარი სურვილი სიტუციის ადუღება იყო. ყველას გვახსოვს თაკო ჩარკვიანის განწირული ყვირილი, თუ როგორ უნდა ხალხის ქუჩაში გასვლა. ამას ამბობდნენ სხვებიც. მათ ექნებათ კიდევ ერთი მცდელობა, რომ ნიკა მელიას საკითხი ვითარების დასაძაბად გამოიყენონ. როცა ეს არ გამოუვათ, დაელოდებიან, შემდეგი მსგავსი მომენტი როდის ჩაუვარდებათ ხელში. ოპოზიციამ ვერ გაითავისა, რომ ხალხი მათ დაძახებულზე არ გამოდის“ – განაცხადა სოზარ სუბარმა.
მან სალომე სამადაშვილის იმ განცხადებასაც უპასუხა, რომლის მიხედვითაც, ნიკა მელიას შესაძლო პატიმრობის გასაპროტესტებლად, ხალხი ქუჩაში გამოვა.
„გარწმუნებთ, რომ ეს ასე არ იქნება და ამას დავინახავთ თუ 24 საათში არა, 48 საათში მაინც“ – აღნიშნა სოზარ სუბარმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
