რუსეთი უკრაინაში მებრძოლებს ოკუპირებული აფხაზეთიდან და სამხრეთ ოსეთიდანაც აგზავნის – უკრაინის თავდაცვის სამინისტროს პრესსამსახური
Read Time:27 Second
„რუსეთი ე.წ. წვევამდელებს იღებს უკრაინის დროებით ოკუპირებული ტერიტორიებიდან, გარდა ამისა, უკრაინაში აგზავნის დაქირავებულ მებრძოლებს ოკუპირებული აფხაზეთიდან და სამხრეთ ოსეთიდან, ასევე პატიმრებს რუსეთის ფედერაციის სასჯელაღსრულების დაწესებულებიდან“, – ამის შესახებ უკრაინის თავდაცვის სამინისტროს პრესსამსახური იუწყება.
„პერსონალის უდიდესი დანაკარგების და სარეზერვო ნაწილებისა და დანაყოფების რეკრუტირებასთან დაკავშირებული პრობლემების გამო, რუსეთის ფედერაციის შეიარაღებული ძალების სარდლობა უკრაინაში საბრძოლო ოპერაციებში მონაწილეობისთვის ოკუპირებული ტერიტორიებიდან და სასჯელაღსრულებიდან წამოყვანილ ხალხს აგზავნის.
რუსები მანამდე დაკავებული პოზიციების დაბრუნებას ცდილობენ, მაგრამ წარმატებას ვერ აღწევენ. მტერი აგრძელებს სარაკეტო იერიშებსა და დაბომბვას ინფრასტრუქტურაზე, საცხოვრებელ ადგილებსა და აეროდრომებზე, ცინიკურად უგულებელყოფს საერთაშორისო ჰუმანიტარული სამართლის წესებს“, – აღნიშნულია განცხადებაში.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
