რაჭა-ლეჩხუმ სვანეთის მაჟორიტარი დეპუტატი, გოჩა ენუქიძე, covid-19-თან დაკავშირებით მოსახლეობას მიმართავს
Read Time:36 Second
რაჭა-ლეჩხუმ სვანეთის მაჟორიტარი დეპუტატი, გოჩა ენუქიძე, covid-19-თან დაკავშირებით მოსახლეობას მიმართავს.
„ჩემო რაჭველებო, ლეჩხუმლებო, სვანებო!ქვეყანაში და მათ შორის ჩვენს რეგიონში შექმნილი
ეპიდემიოლოგიური მდგომარეობა მეტად საყურადღებოა და თუ როგორ განვითარდება მოვლენები მხოლოდ ჩვენს სოციალურ პასუხისმგებლობაზეა დამოკიდებული.
კიდევ ერთხელ მოგიწოდებთ ყველას, გაითვალისწინოთ ჯანდაცვის სფეროს რეკომენდაციები, ატაროთ პირბადე, დაიცვათ სოციალური დისტანცია და პირადი ჰიგიენა.
ინფიცირებულთან კონტაქტის შემთხვევაში დაუყონებლივ გადადით იზოლაციაში და სიმპტომების გამოვლენისთანავე დაუკავშირდით 112-ს ან ოჯახის ექიმს.
იმ შემთხვევაში თუ დაგიდასტურდათ covid-19, საკუთარი გამოცდილებით გირჩევთ დარჩეთ სახლში, არ აყვეთ პანიკას და იმოქმედოთ მხოლოდ ექიმების რეკომენდაციით.
გაუფრთხილდით საკუთარ თავებს და ერთმანეთს.
კიდევ ერთხელ გთხოვთ, გამოიჩინოთ მაღალი სამოქალაქო პასუხისმგებლობა, რათა თავიდან ავიცილოთ ვირუსის უფრო ფართომაშტაბიანი გავრცელება და წერტილოვანი შეზღუდვებით გავაგრძელოთ ჩვენი ქვეყნის სწორი განვითარება.
გისურვებთ ჯანმრთელობას!”-აცხადებს გოჩა ენუქიძე
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
