პრეზიდენტი – არ არსებობს საზოგადოება, რომელიც პატივს არ სცემს თავის ვეტერანებს და ჰყავს ძლიერი ჯარი – ვეტერანების დაფასებით იზომება ჯარის დაფასება

Read Time:48 Second
ვეტერანების დაფასებით იზომება ჯარის დაფასება, ჯარის შემართებაც ვეტერანების დაფასებაზე დგას, – ამის შესახებ საქართველოს პრეზიდენტმა, სალომე ზურაბიშვილმა ვეტერანების დღესთან დაკავშირებით ღონისძიებაზე სიტყვით გამოსვლისას განაცხადა.
 
მან ვეტერანების ღვაწლზე ისაუბრა და მათ გაწეული სამსახურისთვის მადლობა გადაუხადა.
 
„ძვირფასო ვეტერანებო, თქვენ ხართ რეალურად ჩვენი საზოგადოების მაგალითი და ჩვენი საზოგადოების საყრდენი იმიტომ, რომ თქვენ გაიგივებული ხართ არა მხოლოდ ისტორიასთან და წარსულთან, არამედ მომავალთან. არ არსებობს საზოგადოება, რომელიც პატივს არ სცემს თავის ვეტერანებს და ჰყავს ძლიერი ჯარი. ვეტერანების დაფასებით იზომება ჯარის დაფასება, ჯარის შემართებაც ვეტერანების დაფასებაზე დგას და არა მხოლოდ. რეალურად, დღევანდელ დღეს ჩვენი რეზერვი ხართ თქვენ“, – განაცხადა ზურაბიშვილმა.
 
მან მადლიერება გამოხატა ვეტერანების მიმართ და აღნიშნა, რომ დღეს ქვეყანას პატრიოტიზმი სჭირდება.
 
„თქვენი დღევანდელი პროფესიონალიზმი არის ის, რაც ამ ქვეყანას სჭირდება, რაც ქვეყნის თანამედროვე ჯარს და საზოგადებას სჭირდება. საზოგადოების შემართება, საზოგადების გამოსვლა ერთგვარი დეპრესიიდან სწორედ თქვენს შემართებაზეა დამოკიდებული და ისეთ ადამიანებზე, რომლებმაც იციან, რისთვის იბრძოლეს წარსულში და რისთვის შეიძლება იყოს საჭირო მომავალში ბრძოლა. პატრიოტიზმი არის ის, რაზეც ჩვენ ვდგავართ, მითუმეტეს პატარა ქვეყანა მის გარეშე ვერ ვიდგებით“, – განაცხადა ზურაბიშვილმა.

About Post Author

ქეთევან ნინუა

საინფორმაციო სააგენტო tiflisnews.ge ჩვენი მიზანია მოგაწოდოთ ასი პროცენტით დადასტურებული ინფორმაცია ყველაზე მოკლე დროში კონტაქტი- ☎️ 557 13 16 73
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Comments

კომენტარები

Previous post ამირან გამყრელიძე – ვაქცინირებული უნდა იყოს სკოლაში მომუშავე ყველა ადამიანი, აცრა ჩატარებული უნდა ჰქონდეთ მშობლებს, მაშინ არ დაგვჭირდება დისტანციურ რეჟიმზე სკოლების გადაყვანა
Next post ზუგდიდში მამუკა წოწერიას მხარდამჭერთა ჯგუფი შეიქმნა