პარლამენტის ეთიკის საბჭოს შემადგენლობა 14 დეპუტატით განისაზღვრა
Read Time:34 Second
პარლამენტის ეთიკის საბჭოს შემადგენლობა 8 წევრიდან 14-მდე იზრდება. საპროცედურო საკითხთა და წესების კომიტეტის თავმჯდომარის, ირაკლი ქადაგიშვილის განცხადებით, საბჭოს წევრთა გაზრდის აუცილებლობა პარლამენტში ახლად შექმნილმა პოლიტიკურმა ჯგუფებმა და ფრაქციებმა განაპირობა. ინფორმაციას საქართველოს პარლამენტის პრესსამსახური ავრცელებს.
„დღეს საპარლამენტო ოპოზიციაში უკვე 7 პოლიტიკური სუბიექტი გვყავს. გამომდინარე აქედან წინადადება არის წარმოდგენილი ეთიკის საბჭოს შემადგენლობა გაიზარდოს 14-მდე, რათა უმრავლესობასა და ოპოზიციას საბჭოში თანაბარი წარმომადგენლობა ჰყავდეს“, – აღნიშნა ირაკლი ქადაგიშვილმა.
პარლამენტის თავმჯდომარემ პოლიტიკური ჯგუფებისა და ფრაქციების წარმომადგენლებს მოუწოდა, დროულად წარმოადგინონ ეთიკის საბჭოს წევრთა კანდიდატურები.
„ეთიკის საბჭოს მუშაობა ძალიან მნიშვნელოვანია, მაგრამ მისი შექმნის შემდეგ მას ფუნქციონირება არ დაუწყია. ყველა პოლიტიკური ჯგუფისა და ფრაქციისთვის ჩემი თხოვნა იქნება დროულად მოგვაწოდოთ კანდიდატურები, რომ ზაფხულშივე, მაქსიმუმ სექტემბრისთვის, ეთიკის საბჭომ შეძლოს საქმიანობის განხორციელება“, – განაცხადა კახა კუჭავამ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
