მარნეულში ფერმერს 30 ძირი კაკლის ხე გაჩეხილი დახვდა
Read Time:26 Second
მარნეულის მუნიციპალიტეტის სოფელ საბირქენდში მცხოვრებ ელნურ მასიმოვს საკუთარ ბაღში 30 ძირი კაკლის ხე გაუჩეხეს. ფერმერმა მარნეულის სათემო რადიოსთან განაცხადა, რომ სულ 50-მდე კაკლის ხე ჰქონდა დარგული, პირველი მოსავალი კი გასულ წელს აიღო.
„ორი დღეა მიწის დასამუშავებლად გამოვედი და ხეები აღარ დამხვდა. არავისზე ეჭვი არ მაქვს, ვის ვუჩივლო, არც მინახავს. ვინც ეს ჩაიდინა, უნდა დაისაჯოს“, – ამბობს მასიმოვი.
შინაგან საქმეთა სამინისტროში განაცხადეს, რომ ხეების გაჩეხვასთან დაკავშირებით პოლიციაში შეტყობინება არ შესულა, დღეს კი გამოძიება სისხლის სამართლის კოდექსის 303-ე მუხლით დაიწყო, რაც ხე-ბუჩქნარის უკანონოდ გაჩეხვას გულისხმობს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
