მარინა კალიურანდი: არ მესმის მათი, ვინც პარლამენტში არ შევიდა, პარლამენტის გარეთ ყოფნა ქვეყნის ინტერესებს არ ემსახურება – გთხოვთ, შეუერთდით პარლამენტს
Read Time:46 Second
წლების განმავლობაში, ჩვენ მივეჩვიეთ იმ ფაქტს, რომ როდესაც საქმე აღმოსავლეთ პარტნიორობას ეხება, საქართველო საუკეთესოა, – განაცხადა ევროპარლამენტის წევრმა, მარინა მარინა კალიურანდმა.
მარინა კალიურანდმა ასევე ისაუბრა 2020 წლის საპარლამენტო არჩევნებზე და აღნიშნა, რომ ეუთო/ოდირის დასკვნის თანახმად, საპარლამენტო არჩევნები სამართლიანი და დემოკრატიული იყო.
„დიახ, რაღაცები გასაუმჯობესელია, ადგილი ჰქონდა რაღაც ინციდენტებს, მაგრამ საერთო შეფასება დადებითია. ამიტომაც მნიშვნელოვანი იყო, რომ საქართველოს პარლამენტს მუშაობა დაეწყო ყველა არჩეული პარლამენტარის მონაწილეობით. ამიტომაც მოვუწოდებდი და ახლაც მოვუწოდებ ყველა პოლიტიკოსს, თავიანთი მანდატი აიღონ და მუშაობა დაიწყონ ქვეყნისა და ხალხის სასიკეთოდ. ყველა პარლამენტს სჭირდება ოპოზიცია. დემოკრატიულ პარლამენტს აქტიური ოპოზიცია სჭირდება. ასე ხორციელდება პოლიტიკური რეფორმები“, – აღნიშნა მარინა კალიურანდმა.
ევროპარლამენტარმა ასევე განაცხადა, რომ ევროკავშირი ყოველთვის ვერ გადაჭრის პოლიტიკურ კრიზისებს აღმოსავლეთ პარტნიორობის ქვეყნებში.
„საქართველოს მთავრობამ, ქართველმა პოლიტიკოსებმა, ქართველმა ხალხმა პასუხისმგებლობა უნდა აიღონ და იმოქმედონ ისე, რომ ეს სიტუაცია აღარ განმეორდეს. მოხარული ვარ, რომ თითქმის ყველა ოპოზიციური ძალა პარლამენტში შევიდა. არ მესმის მათი, ვინც პარლამენტში არ შევიდა. პარლამენტის გარეთ ყოფნა ქვეყნის ინტერესებს არ ემსახურება. გთხოვთ, შეუერთდით პარლამენტს“, – განაცხადა მან.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
