მარინა ენდელაძე: ვფიქრობ, რომ არ იქნება საწოლფონდის პრობლემა, რადგან ბევრია მსუბუქი პაციენტი და ისინი ბინაზე და სტაციონარებში რჩებიან
Read Time:49 Second
ვფიქრობ, რომ არ იქნება საწოლფონდის პრობლემა, რადგან ბევრია მსუბუქი პაციენტი და ისინი ბინაზე და სტაციონარებში რჩებიან, – განაცხადა თბილისის ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ.მისივე განცხადებით, ინფიცირებულები, რომელთაც, სამედიცინო დაწესებულებაში გადაყვანა დასჭირდებათ, გადავლენ კოვიდცენტრებში.
„ის პაციენტები, რომელთა მოთავსებაც იქნება აუცილებელი, მოთავსდებიან. ამისთვის ყველაფერს გავაკეთებთ“ – განაცხადა მარინა ენდელაძემ.
დღე-ღამეში საქართველოში კორონავირუსი კიდევ 1192 ადამიანს დაუდასტურდა, 233 პაციენტი გამოჯანმრთელდა, 8 კი გარდაიცვალა.
ამ დროისთვის საქართველოში კორონავირუსის 17 477 შემთხვევაა დადასტურებული, გამოჯანმრთელებულია 8 060 ადამიანი, გარდაიცვალა 136 პაციენტი.
კარანტინის რეჟიმში 6300 ადამიანი რჩება, სტაციონარში მეთვალყურეობის ქვეშ – 836, კოვიდ სასტუმროში – 1388, უცხოეთიდან სამკურნალოდ გადმოყვანილია საქართველოს 41 მოქალაქე.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
