მამუკა მდინარაძე: საერთო ოპოზიციური ფორმატი უკვე ჩამოშლილია
Read Time:46 Second
საერთო ოპოზიციურ ფორმატს ხელი შეშლილი აქვს და ჩამოშლილიც არის უკვე, – ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ განაცხადა.
„დღე არ გავა, ეს ჩამოშლა რომ არ გაგრძელდეს. ლიდერები ტოვებენ პარტიებს. ჩვენ ვფიქრობთ, რომ ადამიანებმა, რომლებიც მიხვდნენ, რომ ის რადიკალიზმი, რომელსაც საფუძველია არ გააჩნია, არაა მისაღები და შედეგიანი და ამიტომ ხდება ოპოზიციის ჩამოშლა. რადიკალური ოპოზიცია ჩამოშლის პირასაა და პრაქტიკულად ჩამოიშალა, ამ ოპოზიციის წარმომადგენლები და მათი მედიასაშუალებები საუბრობენ „ქართულ ოცნებაში“ დაპირისპირებაზე, რომელიც ბუნებაში არ არსებობს. მთელი პასუხისმგებლობით შემიძლია გითხრათ, ყველა სიტყვა ტყუილია. დაპირისპირების მაგვარიც კი არაა. ერთადერთი, რაც მმართველ გუნდში ხდება ისაა, რომ დისკუსია მიდის რეალურ თემებსა და საქმეებზე“, – აღნიშნა მდინარაძემ.
მან ასევე აღნიშნა, რომ ოპოზიციის ჩამოშლა ყველაზე მეტად „ევროპულ საქართველოს“ ეხება.
„სამ პროცენტიანებს რომ ვეძახდით, სწყინდათ და ბოლოს სამი პროცენტი მიიღეს. მათ რაც საკუთარ თავს დამართეს და რაც ბოკერიამ საკუთარ პარტიას დამართა, ის ვერავინ ვერ დამართა ვერც ერთ პარტიას. საკუთარი გაუთვლელი, არასწორი ნაბიჯებით, ჩამოაქციეს საკუთარი პარტია და ბუნებრივია შიდა პრობლემებიც ექნებათ“, – განაცხადა მამუკა მდინარაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
