ლევან დავითაშვილი: პოლიტიკური ველი დაცლილია აზრიანი კრიტიკისგან, სანაცვლოდ ვიღებთ უშინაარსო გამოხტომებს და პრემიერის მხრიდან ამაზე არის აბსოლუტურად ადეკვატური პასუხი
Read Time:35 Second
ვფიქრობ, რომ პრემიერის შეფასებები არის შესაბამისი იმ რეალობის, რაც ჩვენ გვაქვს, – ამის შესახებ ლევან დავითაშვილმა მთავრობის სხდომის დასრულების შემდეგ გამართულ ბრიფინგზე განაცხადა. გარემოს დაცვისა და სოფლის მეურნეობის მინისტრის თქმით, ირაკლი ღარიბაშვილის კომენტარები არის ძალიან კონკრეტული.
„ჩვენ საარჩევნო კამპანიაში ერთად ვიღებთ მონაწილეობას, შესაბამისად, ერთად გვაქვს შეხვედრები რეგიონებში და რასაც ვუყურებ, ეს არის აბსოლუტურად ადეკვატური შეფასება ნებისმიერ საკითხში, რაშიც ბოლომდე ვეთანხმები პრემიერს. ეს ეხება როგორც ჩვენი ოპონენტების წარსულ დანაშაულებრივ ქმედებებს, ისე დღევანდელ ქმედებებს, ხშირ შემთხვევაში უსაფუძვლო, არაკომპეტენტურ კრიტიკას. სამწუხაროდ, შეგვიძლია ვთქვათ, რომ პოლიტიკური ველი არის დაცლილი საქმიანი, აზრიანი კრიტიკისგან, რაც ნებისმიერ მთავრობას ასე სჭირდება, იმისთვის რომ ქვეყანა უკეთესად ვითარდებოდეს და დემოკრატიული პროცესები მიმდინარეობდეს ქვეყანაში. ამის სანაცვლოდ ვიღებთ უშინაარსო, არაკომპეტენტურ გამოხტომებს და პრემიერის მხრიდან ამაზე არის აბსოლუტურად ადეკვატური პასუხი“, – განაცხადა დავითაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
