ირაკლი ჩიქოვანი – ძალიან პოზიტიურია გზავნილები, რომლებსაც ჩვენი დელეგაციის წევრები აშშ-ში იღებენ
წარმატებული ვიზიტი მიმდინარეობს ამერიკის შეერთებული შტატების დედაქალაქში, ვაშინგტონში, პარლამენტის თავმჯდომარისა და ასევე საგარეო საქმეთა მინისტრის მხრიდან. ძალიან პოზიტიურია ის გზავნილები, რომლებსაც ჩვენი დელეგაციის წევრები იღებენ, – ამის შესახებ პრემიერ-მინისტრის მრჩეველმა საგარეო ურთიერთობათა საკითხებში და პრესსპიკერმა, ირაკლი ჩიქოვანმა განაცხადა.
მან ხაზი გაუსვა, რომ საქართველოს პარტნიორებისა და კოლეგების მხრიდან მკაფიოდ არის დანახული ის პროგრესი, რომელსაც ჩვენი ქვეყანა აღწევს და სწორედ ამ პროგრესის პირობებში არის საქართველოს მიმართ ასეთი დიდი მოთხოვნა.
პრემიერ-მინისტრის მრჩეველის თქმით, ყველა კარგად აცნობიერებს, რომ საქართველო არის მოწინავე ქვეყანა რეგიონში.
„ძალიან მნიშვნელოვანია ის ფაქტი, რომ საგარეო საქმეთა მინისტრი დავით ზალკალიანი სახელმწიფო მდივნის მოწვევით ესწრებოდა ღონისძიებას. საქართველოს პარლამენტის თავმჯდომარესა და საგარეო საქმეთა მინისტრს ჰქონდათ შეხვედრები, როგორც სენატორებთან, ასევე კონგრესმენებთან. ამ შეხვედრებზე, აბსოლუტურად ყველა საკითხზე, რომელიც ბოლო პერიოდში იქნა წამოჭრილი ჩვენი პარტნიორების მხრიდან მათ მიიღეს ამომწურავი ინფორმაცია, კონკრეტული განმარტებები, ის ხედვა და გეგმები, რომელიც ჩვენს ხელისუფლებას აქვს ამ ქვეყანაში დემოკრატიის გაძლიერებისთვის და რა თქმა უნდა, 2020 წლის საპარლამენტო არჩევნების დემოკრატიულ გარემოში ჩასატარებლად“, – განაცხადა პრემიერ-მინისტრის მრჩეველმა.
ირაკლი ჩიქოვანის თქმით, შეხვედრების განმავლობაში ცხადად გამოიკვეთა, რომ საქართველოსა და ამერიკას აქვს უპრეცენდენტოდ მაღალი თანამშრომლობის დონე.
„ჩვენს სახელმწიფოებს შორის არსებული ურთიერთობები ასეთ მაღალ ნიშნულზე არასდროს ყოფილა. ამის ნათელი დადასტურებაა ისიც, რომ რამდენიმე თვის წინ წარმომადგენელთა პალატის მხრიდან მიღებულ იქნა ორპარტიული მხარდამჭერი აქტი საქართველოს მიმართ. ცხადია, რომ ამ მიმართულებით საქართველო გააგრძელებს მუშაობას. ჩვენ კიდევ უფრო მეტად ინტენსიური კონტაქტები გვექნება ჩვენს პარტნიორებთან და კოლეგებთან და დარწმუნებულები ვართ, რომ ჩვენს საერთო ინტერესებსა და სტრატეგიულ ინტერესებს ერთობლივად მივაღწევთ“, – განაცხადა ირაკლი ჩიქოვანმა.
About Post Author
ქეთევან ნინუა
Comments
რატი იონათამიშვილი: ო’ბრაიენს არ უხსენებია „გამჭვირვალობის კანონის“ გაწვევა, ფაქტობრივად, ამ გზავნილებით ოპოზიციის დეზინფორმაციული კამპანია დასამარდა
ო'ბრაიენს არ უხსენებია „გამჭვირვალობის კანონის“ გაწვევა, ფაქტობრივად, ამ გზავნილებით ოპოზიციის დეზინფორმაციული კამპანია დასამარდა, - ამის შესახებ შესახებ „ქრონიკაში“ პარლამენტის ადამიანის...
თორნიკე მოლაშვილი: როგორც კი რუსეთი შევიდოდა უკრაინაში, მიხეილ სააკაშვილის უნდა ყოფილიყო აქ ხელისუფლებაში და მეორე ფრონტი უნდა გახსნილიყო აფხაზეთში და სამაჩაბლოში
ფაქტობრივად, როგორც კი რუსეთი შევიდოდა უკრაინაში, მიხეილ სააკაშვილის უნდა ყოფილიყო აქ ხელისუფლებაში და მეორე ფრონტი უნდა გახსნილიყო აფხაზეთში და სამაჩაბლოში,...
გივი მიქანაძე: ჩვენმა საზოგადოებამ ძალიან კარგად იცის, რომ ბიძინა ივანიშვილი არანაირ შანტაჟს არასოდეს არ დაექვემდებარება, როდესაც საქმე ეხება ქვეყნისა და ქართული საზოგადოების ინტერესებს
ბიძინა ივანიშვილი ის ადამიანია, რომელმაც საკუთარი და თავისი ოჯახის სიცოცხლე გადადო იმისთვის, რომ სააკაშვილის ხელისუფლება შეცვლილიყო ამ ქვეყანაში და ადამიანის...
არჩილ გორდულაძე: დიახ, ეკლესია არის ქართველი ხალხის სადარაჯოზე, ისევე როგორც ეროვნული ხელისუფლება იქნება ქართველი ხალხის სუვერენიტეტის და დამოუკიდებლობის სადარაჯოზე
არჩილ გორდულაძე გერმანელი პოლიტიკოსის მიხაელ როთის განცხადებას გამოეხმაურა, რომელმაც დასვა კითხვა - როგორ უნდა შექმნას ქვეყანამ ნათელი მომავალი საქართველოსთვის ახალგაზრდა თაობის გარეშე,...
მამუკა ხაზარაძე: დღეიდან მოთხოვნა უნდა იყოს – არა რუსულ ხელისუფლებას
მოთხოვნა დღეიდან უნდა იყოს - არა რუსულ ხელისუფლებას. უნდა მოვემზადოთ, უახლოეს ხანში თუ საჭირო გახდა საყოველთაო გაფიცვისთვის, - ასე მიმართა...
კახა კახიშვილი: სიდიდით კი არ იზომება ქვეყნის სუვერენიტეტი, ქვეყნიდან იზომება ქვეყნის სუვერენიტეტი და არა იმით თუ რამდენი ადამიანი ცხოვრებს იმ ქვეყანაში და რამდენი აქვს ფული
არ მიმაჩნია, რომ ორი პარტნიორი ქვეყნის წარმომადგენელი ერთმანეთს უნდა ელაპარაკებოდეს ასეთ ტონალობაში, - ამის შესახებ რეგიონული პოლიტიკისა და თვითმმართველობის კომიტეტის...