ირაკლი ღარიბაშვილი: მჯერა, რომ თელავი ხმას მისცემს პროგრესს, კიდევ ერთხელ უარს ეტყვის ძალადობას, წამებასა და ყველა იმ დემაგოგიას, რომელიც მომდინარეობს სააკაშვილის პარტიისგან
Read Time:48 Second
მჯერა, რომ თელავი ხმას მისცემს პროგრესს, კეთილსინდისიერებას, მშვიდობას, სტაბილურობას, განვითარებასა და კიდევ ერთხელ უარს ეტყვის ძალადობას, წამებასა და ყველა იმ დემაგოგიას, რომელიც მომდინარეობს სააკაშვილის პარტიისგან, – ამის შესახებ საქართველოს პრემიერ-მინისტრმა, ირაკლი ღარიბაშვილმა ჟურნალისტებს განუცხადა.
მან თელავში „ქართული ოცნების“ მიერ ჩატარებულ შეხვედრებზე ისაუბრა.
„დღეს შეხვედრა გვქონდა თელავის საარჩევნო შტაბთან. მოგეხსენებათ, ჩვენ გვყავს ძალიან ღირსეული კანდიდატი, ლევან ანდრიაშვილი. ძალიან კეთილსინდისიერი, გამოცდილი საჯარო მოხელე, რომელმაც თავისი საქმიანობით დაამტკიცა, რომ იგი არის წარმატებული ახალგაზრდა კაცი. მოტივირებული თავისი თელავისა და თელაველებისთვის“, – განაცხადა ღარიბაშვილმა.
მისივე თქმით, თელავში თვითმმართველობის პირველ ტურში ანდრიაშვილს გარკვეული ხმები დააკლდა. ღარიბაშვილმა აღნიშნულის მიზეზად ის ფაქტი დაასახელა, რომ გუნდის ყოფილმა წევრმა პარტიის დატოვების შემდეგ თელავში საკუთარი კანდიდატურა დაასახელა, რამაც მათი ამომრჩევლების ნაწილი დააბნია. შესაბამისად, მათ სრული გამარჯვებისთვის აღნიშნული ხმები დააკლდათ.
„მეორე ტურში ლევანი ღირსეულად გაიმარჯვებს. თელავის მოსახლეობის აბსოლუტური უმრავლესობა ძალიან კარგად და სწორად აფასებს არსებულ მოცემულობას. მჯერა, რომ თელავი ხმას მისცემს პროგრესს, კეთილსინდისიერებას, მშვიდობას, სტაბილურობას, განვითარებას და კიდევ ერთხელ უარს ეტყვის ძალადობას. წამებასა და ყველა იმ დემაგოგიას, რომელიც მომდინარეობს სააკაშვილის პარტიისგან“, – განაცხადა ღარიბაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
