ირაკლი კობახიძე: ოლიგარქი ყველგან ოლიგარქია – ეს უნივერსალური ცნება მოცემულია უკრაინულ კანონში და ზუსტად ეს არ მოსწონს დღეს ოპიზიციას, რადგან ოლიგარქები არიან მხოლოდ მათ მხარეს
Read Time:39 Second
საზოგადოებამ დაინახა, რომ ჩვენ ვართ დეოლიგარქიზაციის მომხრე და მხარი დავუჭირეთ ამ კანონპროექტს, რაც შეეხება ოპოზიციას, სწორედ ის არის ოლიგარქიზაციის მომხრე, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ გადაცემაში „იმედი LIVE“ განაცხადა.
მისივე თქმით, ოპოზიციის სუბიექტური სურვილია, რომ ძალაუფლება დაიბრუნონ ოლიგარქებმა.
„საუბარია იმ ადამიანებზე, რომლებმაც კორუფციის გზით იშოვეს ბევრი ფული, ასეულობით მილიონი. ესენი არიან: სააკაშვილი, კეზერაშვილი, ჭუტა და ა.შ. ესენი არიან ადამიანები, რომლებიც ხელს ითბობდნენ სისხლიან რეჟიმზე, რომელიც იყო ჩამოყალიბებული. მათი ხელისუფლებაში დაბრუნება არის დღეს რადიკალური ოპოზიციის მიზანი და სწორედ აქედან გამომდინარე არ დაუჭირეს ამ კანონს მხარი. ოლიგარქის ცნება არის უნივერსალური – ის ვერ იქნება სხვა უკრაინაში და სხვა საქართველოში, მოლდოვასა და აშშ-ში. ოლიგარქი ყველგან ოლიგარქია. ეს უნივერსალური ცნება მოცემულია უკრაინულ კანონში და ზუსტად ეს არ მოსწონს დღეს ოპოზიციას, რადგან ოლიგარქები არიან მხოლოდ მათ მხარეს“, – აღნიშნა ირაკლი კობახიძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
