მამუკა მდინარაძე: სალომე ზურაბიშვილმა კანონი ერთადერთი ცვლილებით დააბრუნა, მან ერთი დღით იმოქმედოსო – სხვა ერთი სიტყვაც ვერ შეცვალა! ამით დისკუსიის შესაძლებლობაც დახურა

საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ, აკადემიური საბჭოს გადაწყვეტილების საფუძველზე, ღვაწლმოსილ მეცნიერ-მკვლევრებსა და პროფესორებს სტუ-ის ოქროს მედლები და საპატიო დიპლომი გადასცა.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, უნივერსიტეტის წინაშე განსაკუთრებული ღვაწლისა და მეცნიერებაში შეტანილი სოლიდური წვლილისთვის სტუ-ის ჰიდრომეტეოროლოგიის კვლევითი ინსტიტუტის მთავარ მეცნიერ-თანამშრომლებს, პროფესორებს - ცისანა ბასილაშვილსა და ელიზბარ ელიზბარაშვილს, ასევე სამშენებლო ფაკულტეტის მკვლევარსა და პედაგოგს - პროფესორ შოთა მესტვირიშვილს საქართველოს ტექნიკური უნივერსიტეტის ოქროს მედლები, ხოლო ინსტიტუტის „ტალღა“ მთავარ მეცნიერ-თანამშრომელს, აკადემიური საბჭოს წევრს - პროფესორ კახა გორგაძეს სტუ-ის საპატიო დიპლომი აკადემიური საბჭოს სხდომაზე გადაეცათ.როგორც აკადემიკოსმა დავით გურგენიძემ აღნიშნა, აკადემიური საბჭოს გადაწყვეტილება ეფუძნება იმ ფაქტს, რომ დაჯილდოებული მეცნიერ-მკვლევრები ათწლეულების განმავლობაში განსაკუთრებული ერთგულებით, პასუხისმგებლობითა და პროფესიონალიზმით ემსახურებიან უნივერსიტეტს, თავიანთ ინსტიტუტებსა და ფაკულტეტს. რექტორის განცხადებით, მათ მნიშვნელოვანი წვლილი შეაქვთ საქართველოს ტექნიკური უნივერსიტეტის აკადემიურ და სამეცნიერო წარმატებასა და ღირსეული თაობების აღზარდაში.„ვფიქრობ, განსაკუთრებული პატივია იმ მეცნიერ-მკვლევართა და პედაგოგთა ღვაწლის დაფასება, რომლებიც პროფესიონალიზმით, უდიდესი პასუხისმგებლობით, მრავალწლიანი ერთგულებით მნიშვნელოვანი კვალს ტოვებენ საქართველოს ტექნიკური უნივერსიტეტის და ქართული მეცნიერების განვითარებაში.ჩვენს საყვარელ კოლეგებს, ჰიდრომეტეოროლოგიის ინსტიტუტის მთავარ მეცნიერ-თანამშრომლებს, პროფესორებს - ცისანა ბასილაშვილს და ელიზბარ ელიზბარაშვილს, სამშენებლო ფაკულტეტის პროფესორს, შოთა მესტვირიშვილს ვულოცავ უნივერსიტეტის ოქროს მედლით დაჯილდოებას, ასევე, საპატიო დიპლომის მიღებას ვულოცავ ინსტიტუტ “ტალღის” მთავარ მეცნიერ-თანამშრომელსა და აკადემიური საბჭოს წევრს, პროფესორ კახა გორგაძეს. ეს საპატიო ჯილდოები მათი მრავალწლიანი შრომის, სამეცნიერო მიღწევებისა და მომავალი თაობების აღზრდაში შეტანილი ფასდაუდებელი წვლილის აღიარება.მადლობას ვუხდი თითოეულ მათგანს უნივერსიტეტისადმი ერთგულებისთვის, აკადემიური და სამეცნიერო საქმიანობის მაღალი სტანდარტების დამკვიდრებისა და იმ ღირებულებების განმტკიცებისთვის, რაც ასე ძვირფასია საქართველოს ტექნიკური უნივერსიტეტისთვის. დარწმუნებული ვარ, მათი გამოცდილება და კვლევითი ავტორიტეტი მომავალშიც მნიშვნელოვან წვლილს შეიტანს უნივერსიტეტისა და ქვეყნის სამეცნიერო განვითარებაში.საუნივერსიტეტო საზოგადოების სახელით, კიდევ ერთხელ ვულოცავ ჩვენს ღვაწლმოსილ კოლეგებს ამ აღიარებას, ვუსურვებ ჯანმრთელობას, დღეგრძელობას, ახალ სამეცნიერო წარმატებებსა და ნაყოფიერ საქმიანობას საქართველოს ტექნიკური უნივერსიტეტისა და ქართული მეცნიერების საკეთილდღეოდ“, - განაცხადა დავით გურგენიძემ.ცნობისათვის, საქართველოს ტექნიკური უნივერსიტეტის „ოქროს მედალი“ ქართველ და უცხოელ მეცნიერებს უნივერსიტეტის წინაშე განსაკუთრებული ღვაწლისა და მეცნიერებაში შეტანილი სოლიდური წვლილისთვის გადაეცემათ. სტუ-ის აკადემიური საბჭოს გადაწყვეტილებით, აღნიშნული საპატიო ჯილდო 2022 წელს, უნივერსიტეტის 100 წლისთავთან დაკავშირებით დაწესდა.

უნგრეთში ტირანიის ეპოქა დაიწყო, - ამის შესახებ უნგრეთის ყოფილმა პრემიერ-მინისტრმა, ვიქტორ ორბანმა განაცხადა.ვიქტორ ორბანმა განცხადება მას შემდეგ გავრცელა, რაც მისმა პარტია „ფიდესმა“ გამოაცხადა, რომ პროკურორებმა პარტიის ოფისებში, სადაც ინტერნეტ სერვერებია განთავსებული, ჩხრეკა ჩაატარეს.პროკურატურის განცხადებით, ჩხრეკა ვიქტორ ორბანის მმართველობის დროს ეროვნული კულტურის ფონდში „თანხების მითვისებასა და სისხლის სამართლის სხვა დანაშაულებთან“ დაკავშირებით მიმდინარე გამოძიებას შეეხება.ორბანის თქმით, „უნგრეთი დემოკრატიულ სახელმწიფოს აღარ წარმოადგენს“ მას შემდეგ, რაც ქვეყნის პრემიერ-მინისტრის პეტერ მადიარის მთავრობამ საკონსტიტუციო შესწორება მიიღო, რომლითაც პრეზიდენტის ტომაშ შუიოკის უფლებამოსილება ვადაზე ადრე შეაჩერა.„მსგავსი მეთოდებით შექმნილი პოლიტიკური სისტემა არალეგიტიმურია. „ფიდესი“ ყველა მშვიდობიან საშუალებას მიმართავს ძალაუფლების ბოროტად გამოყენების წინააღმდეგ“, - განაცხადა ორბანმა.

Ambebi.ge-ს მთავარ რედაქტორს, ნათია დოლიძეს საზოგადოების მხარდაჭერა სჭირდება. ნათია დოლიძეს ონკოლოგიური დაავადება დაუდგინდა, მკურნალობა კი სოლიდურ თანხებთანაა დაკავშირებული.„ვერასდროს ვიფიქრებდი, რომ ამის დაწერა მომიწევდა. არც კი დამიშვია როდისმე, რომ ერთ დღეს ონკოპაციენტი ვიქნებოდი, თუმცა როგორც ამბობენ: „არასოდეს თქვა არასოდეს“… მოკლედ, თურქეთში ჩატარებული კვლევების თანახმად, დამისვეს მკერდის სადინარული კარცინომის ტრიპელ ნეგატიური (სამმაგად უარყოფითი) ფორმის (მე-2 სტადია) დიაგნოზი. სრულყოფილი მკურნალობის შემთხვევაში ავადობა განკურნებადია, თუმცა ამისთვის საჭიროა ჩემთვის დიდძალი თანხა.დანარჩენად ჩემს ახლობლებსა და გულშემატკივრებს, მინდა, ვუთხრა, რომ სრული სიმშვიდით მივიღე დიაგნოზი და ასეთივე სიმშვიდით ვემზადები მკურნალობისთვის, რომელიც ერთ წელს გასტანს. ვინც მიცნობს, იცის, რომ არაერთი ადამიანის სიცოცხლისთვის მიბრძოლია და საკუთრისთვისაც აუცილებლად ვიბრძოლებ. რაც შეეხება თანხას, ჩემი ავადობის შემთხვევაში სასიცოცხლოდ მნიშვნელოვანია იმუნოთერაპია, რომლის ერთი გადასხმაც საქართველოში 13 000 ლარი ღირს, მჭირდება სულ 16 გადასხმა, რომლიდანაც სახელმწიფო მხოლოდ 2-ს – ექვს თვეში ერთს აფინანსებს. (არსებობს მეორე გზაც – თურქეთში ყიდვა შედარებით იაფად, თუმცა ესეც ჩემთვის ძალიან დიდი თანხაა) მოკლედ, რამდენი თანხაა საჭირო სრული კურსის დასაფინანსებლად, კი მიხვდებით.ჩემთვის ძვირფასი ადამიანები უკვე დარაზმული არიან ჩემს დასახმარებლად, მადლობა მათ უდიდესი, მაგრამ, სავარაუდოდ, უფრო მასშტაბური დახმარების გარეშე რთულად წარმოსადგენია ამ თანხის შეგროვება. ამიტომ ისევ და ისევ ჩვენი საზოგადოების გულისხმიერების იმედით ვარ. ჩემს ახლობლებსა და ნაცნობებს, მინდა, გთხოვოთ, რომ ჩემი დიაგნოზის შესახებ დედაჩემთან არ ისაუბროთ, მზად ვარ, ყველა კითხვაზე მე თვითონ გიპასუხოთ. ასევე შემიძლია, დაგპირდეთ, რომ როგორც გამოჯანმრთელების შემდეგ, ასევე მკურნალობის პროცესშიც ვიქნები ონკოპაციენტების უფლებების აქტიური დამცველი, გავაკეთებ ყველაფერს, რომ გაჯანსაღდეს როგორც ონკოლოგიური მიმართულებით არსებული სამედიცინო სისტემა, ასევე დაფინანსების სქემები, რომელიც ხშირ შემთხვევაში პაციენტისთვის ჩინურია.აქვე ვწერ ჩემი საბანკო ანგარიშების ნომრებს:საქართველოს ბანკი: GE50BG0000000605653748თიბისი ბანკი: GE51TB7139845063600037მიმღები მე – ნათია დოლიძეყველას ჯანმრთელობას და ბედნიერებას გისურვებთ!“ – წერს AMBEBI.GE-ს მთავარი რედაქტორი სოციალურ ქსელში.

ჟურნალისტი ვახო სანაია საკუთარ საცხოვრებელ სახლთან დააკავეს. სამართალდამცავები ვახო სანაიას სახლში მას შემდეგ მივიდნენ, რაც მოსამართლემ სანაიასთვის 14-დღიანი ადმინისტრაციული პატიმრობის შეფარდების გადაწყვეტილება მიიღო.ვახო სანაია დღევანდელ სასამართლოს სხდომას არ ესწრებოდა.როგორც მან დაკავებამდე ჟურნალისტებს განუცხადა, ის გაჩუმებას არ აპირებს.„არ არსებობს არანაირი გარემოება, სადაც მე საკუთარი სიტყვის თავისუფლებას შევზღუდავ”, - განაცხადა სანაიამ.ინფორმაციისთვის, დღეს, თბილისის საქალაქო სასამართლომ, პარლამენტის თავმჯდომარის, შალვა პაპუაშვილისა და დეპუტატ ვლადიმერ ბოჟაძის შესახებ სოციალურ ქსელში დაწერილი პოსტის გამო ჟურნალისტ ვახო სანაიას 14-დღიანი ადმინისტრაციული პატიმრობა შეუფარდა. გადაწყვეტილება მოსამართლე ზვიად ცეკვავამ მიიღო. თბილისის საქალაქო სასამართლოს პოსტზე სამართლებრივი რეაგირებისთვის შს სამინისტროში შექმნილმა, სიძულვილის ენის წინააღმდეგ ბრძოლის სამმართველომ მიმართა.

საქართველოს ფრენბურთელთა ნაკრების წევრი მარიამ მუშკუდიანი ამერიკაში ითამაშებს. ახალგაზრდა ქართველმა კონტრაქტი „შარლოტთან“ გააფორმა. გასულ სეზონში იგი „მაიამის უნივერსიტეტის“ ღირსებას იცავდა, სადაც ფრანგული „ელზასიდან“ გადავიდა.შეგახსენებთ, რომ მარიამი სპორტული ოჯახიდანაა. მამამისი საქართველოს კალათბურთელთა ნაკრების ყოფილი წევრი დავით მუშკუდიანია.