თურქეთში მიწისძვრას 12 წელი ემიგრაციაში მყოფი 67 წლის ქართველი ქალის სიცოცხლე ემსხვერპლა
Read Time:34 Second
თურქეთში, მიწისძვრის შედეგად, საქართველოს მოქალაქე, სენაკელი, 67 წლის ნანი ზარანდია დაიღუპა. გარდაცვლილის შვილის თქმით, მიწისძვრის შედეგად ქალი იმ კორპუსის ნანგრევებში მოჰყვა, სადაც მუშაობდა. მასთან ერთად გარდაცვლილია იმ ოჯახის ერთი წევრი, ვისთანაც ქართველი სამუშაოდ იმყოფებოდა. ნანი ზარანდია თურქეთში 12 წელი ცხოვრობდა.
მომხდარის შესახებ ინფორმირებულია საელჩო და დაღუპულის გადმოსასვენებლად შესაბამისი პროცედურები მიმდინარეობს.
„ამ დილით შეგვატყობინა იმ ოჯახის წევრმა, სადაც მუშაობდა, რომ ნანგრევებში იყო მოყოლილი. მხოლოდ ეს ვიცით. ახლა დარეკილი გვაქვს საგარეო საქმეთა სამინისტროში და ვამზადებთ დოკუმენტაციას, რომ გადმოსვენების პროცედურა დავიწყოთ. ცხედარი ნაპოვნიაო, ასე გვეუბნებიან. ანთაქიაში ცხოვრობდა, 5 სართულიან კორპუსში“,- განაცხადა დაღუპულის შვილმა.
პირველი მიწისძვრა თურქეთის სამხრეთ-აღმოსავლეთ ნაწილში, ადგილობრივი დროით დაახლოებით 04:00 საათზე მოხდა, მისმა სიმძლავრემ 7,8 მაგნიტუდის შეადგინა. მიწისძვრის ეპიცენტრი სირიის საზღვრის გასწვრივ იყო.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
