“თურმე, უცხოური გავლენის გამჭვირვალობა დასავლეთში აუცილებელია, ჩვენთვის კი მიუღებელია – ჩვენ ჩვენი ქვეყნის უსაფრთხოების, მისი ინტერესების დაცვა გვინდა, ეს ჩვენი პასუხისმგებლობაა” – დიმიტრი ხუნდაძე
Read Time:37 Second
“ჩვენს მიერ უცხოური დაფინანსების გამჭვირვალობასთან დაკავშირებით პირველ ვარიანტად წარდგენილ კანონს, რომელიც ყველაზე მსუბუქია და მითუმეტეს, რუსულ კანონთან არანაირ თანხვედრაში არაა, ამერიკულთან შედარებით კი მნიშვნელოვნად ლიბერალურია, ოპონენტებმა „რუსული კანონი“ დაარქვეს. ამიტომ, მეორე ვარიანტი შემოვიტანეთ – ამერიკული კანონი, რომ უფრო ფართო არჩევანი მიეცეს როგორც საზოგადოებას, ასევე – პოლიტიკოსებს”, – განაცხადა ტელეკომპანია “იმედის” გადაცემა „ქრონიკაში“ მოძრაობა „ხალხის ძალის“ ერთ-ერთმა ლიდერმა დიმიტრი ხუნდაძემ.
მისი თქმით, როგორც ჩანს, რაც დასავლეთში დემოკრატიაა, საქართველოში – დემოკრატიის საფრთხეა.
„ამერიკული კანონი სიტყვასიტყვით, ერთი ერთში ვთარგმნეთ, წერტილ-მძიმეც კი არ შეგვიცვლია და ამასაც რუსული უწოდეს. ამიტომ, რთულია ამ ადამიანებთან საუბარი, მაგრამ პასუხისმგებლობა პასუხისმგებლობაა – ჩვენ გვინდა ჩვენი ქვეყნის უსაფრთხოება, მისი ინტერესები იყოს დაცული. უცხოური გავლენის გამჭვირვალობა დასავლეთში თურმე აუცილებელია, ჩვენთვის კი – მიუღებელია; დასავლეთში თურმე ეს დემოკრატიის ანი და ბანია, ჩვენთან კი – დემოკრატიის საფრთხეა“, – განაცხადა დიმიტრი ხუნდაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
