თბილისში სცენოგრაფიის მესამე საერთაშორისო ბიენალე გაიხსნა
Read Time:36 Second
თბილისში სცენოგრაფიის მესამე საერთაშორისო ბიენალე გაიხსნა. ბიენალეში მონაწილეობენ პროფესიონალები და სტუდენტები საქართველოდან, სომხეთიდან, ბელორუსიიდან, უკრაინიდან, კანადიდან, სერბეთიდან, პოლონეთიდან, ყაზახეთიდან, ჩინეთიდან, იტალიიდან, რუსეთიდან და უნგრეთიდან.
ბიენალე მოიცავს სამ ძირითად ნაწილს: საერთაშორისო გამოფენას, „Masters’Lab“-ს (ლაბორატორია ოსტატებთან) და სცენოგრაფიის საერთაშორისო სიმპოზიუმს.
საერთაშორისო გამოფენა თბილისის ისტორიის მუზეუმში ორ – პროფესიონალურ და სტუდენტურ სექციად იყოფა.
საქართველო წარმოდგენილია 2019 წელს პრაღის საერთაშორისო კვადრიენალეზე PQ19 წარმოდგენილი ნაციონალური პავილიონის ნაწილით (ქართველი რეჟისორების-დავით დოიაშვილის, დათა თავაძის, ნიკოლოზ საბაშვილის, გურამ მაცხონაშვილის – სცენოგრაფიული ნამუშევრებით).
ბიენალეს საგანმანათლებლო პროგრამის „Masters’ Lab“-ის ფარგლებში საერთაშორისო ექსპერტები ჩაატარებენ ონლაინლექციებს და მასტერკლასებს თეატრისა და კინოს სცენოგრაფიის, საკურატორო საქმის, ხმის დიზაინის, ვიდეო და მულტიმედია არტის დარგებში. ვალერიან გუნიას სახელობის თეატრალურ ხელოვანთა ახალგაზრდული კავშირის – საქართველოს OISTAT ნაციონალური ცენტრის ორგანიზებით, თბილისის სცენოგრაფიის მესამე საერთაშორისო ბიენალე 28 ოქტომბრის ჩათვლით ჩატარდება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
