თამარ გაბუნია: უნდა დაიწყოს სოფლად უფრო აქტიური ვაქცინაცია სოფლის ოჯახის ექიმების ჩართულობით, ეს არის ვაქცინაციის პროგრამის გაფართოების გეგმა
ჩვენს გეგმაშია, რომ კიდევ მეტი ადმინისტრირების ადგილი გაჩნდეს, ანუ, ვაქცინაციის ცენტრები როგორც დიდ ქალაქებში, ისე რაიონულ ცენტრებში და უნდა დაიწყოს სოფლად უფრო აქტიური ვაქცინაცია სოფლის ოჯახის ექიმების ჩართულობით, ეს არის ვაქცინაციის გაფართოების გეგმა, – ამის შესახებ შრომის, ჯანმრთელობისა და სოციალური დაცვის მინისტრის მოადგილემ, თამარ გაბუნიამ უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე ისაუბრა.
მისი თქმით, ჯერჯერობით მოქალაქეების აქტივობა საკმაოდ მაღალია.
„ვაქცინაციასთან დაკავშირებით საგანმანათლებლო კამპანია, რა თქმა უნდა, დაწყებულია და მიმდინარეობს. მუშაობა მიდის, როგორც ერთიან საგანმანათლებლო სივრცეში, ასევე ინდივიდუალურად, მაღალი რისკის ჯგუფებთან. ესენციური ჯგუფებისთვის არის სპეციალური ვაქცინაციის რეჟიმი შექმნილი, იმიტომ, რომ მათ მარტივად ჰქონდეთ წვდომა ვაქცინაციაზე. აქ ვგულისხმობ სამედიცინო პერსონალს, შს სამინისტროს, პენიტენციურ სამსახურს, თავდაცვის სამინისტროს. რა თქმა უნდა, მეტი აქტივობაა საჭირო და ამ შემთხვევაში მხოლოდ საინფორმაციო კამპანია არ არის საკმარისი. ყველაზე უკეთესად მუშაობს საკუთარი მაგალითის გაზიარება და ასევე იმის დემონსტრირება, თუ რამდენად მნიშვნელოვანია ვაქცინაცია. მოსახლეობის დიდი ნაწილი ჩართულია ამ პროცესში, განსაკუთრებით სამედიცინო სფეროს წარმომადგენლები, ეს კამპანიური სახით აქამდეც მიმდინარეობდა და მომავალშიც აქტიურად გაგრძელდება. დღეს სამივე კომპონენტი, რომელიც ვაქცინაციისთვის გვჭირდება, ადგილზეა. ეს არის ვაქცინების საკმარისი დოზები, სამედიცინო დაწესებულებები მობილიზებულია და ემატება ყოველდღიურად და ასევე მოქალაქეების აქტიურობა. ჯერჯერობით მოქალაქეების აქტივობა საკმაოდ მაღალია, თუმცა ჩვენს გეგმაშია, რომ კიდევ მეტი ადმინისტრირების ადგილი გაჩნდეს, ანუ, ვაქცინაციის ცენტრები როგორც დიდ ქალაქებში, ისე რაიონულ ცენტრებში. უნდა დაიწყოს სოფლად უფრო აქტიური ვაქცინაცია სოფლის ოჯახის ექიმების ჩართულობით, ეს არის ვაქცინაციის პროგრამის გაფართოების გეგმა“, – განაცხადა თამარ გაბუნიამ.
About Post Author
ქეთევან ნინუა
Comments
მამუკა მდინარაძე: ვერავინ უნდა შეძლოს და გაბედოს, ერთი მხრივ, ჩვენი ქვეყნის მომავალი, პროგრესი, განვითარება და მეორე მხრივ, ქართული იდენტობა, ოჯახის პატივისცემა, კულტურა, რწმენა, ტრადიციები – ურთიერთდაპირისპირებულად წარმოაჩინოს!
ვერავინ უნდა შეძლოს და გაბედოს, ერთი მხრივ, ჩვენი ქვეყნის მომავალი, პროგრესი, განვითარება და მეორე მხრივ, ქართული იდენტობა, ოჯახის პატივისცემა, კულტურა,...
ნახეთ,რომელი დაწესებულებები არ იმუშავებს ხვალ
ოჯახის სიწმინდისა და მშობლების პატივისცემის დღესთან დაკავშირებით 2024 წლის 17 მაისი უქმე დღედ განისაზღვრა, – ამის შესახებ საქართველოს მთავრობის დადგენილებაშია...
საქართველოს ტექნიკური უნივერსიტეტი განცხადებას ავრცელებს
საქართველოს ტექნიკური უნივერსიტეტი 16 მაისს, უნივერსიტეტის ადმინისტრაციულ შენობასთან ახალგაზრდების ჯგუფის მიერ გამართულ აქციას ეხმიანება და სპეციალურ განცხადებას ავრცელებს. როგორც განცხადებაშია...
საქართველოსა და თურქეთს შორის ენერგეტიკის სფეროში თანამშრომლობის შესახებ მემორანდუმი გაფორმდა
საქართველოსა და თურქეთის რესპუბლიკას შორის ენერგეტიკის სფეროში თანამშრომლობის შესახებ ურთიერთგაგების მემორანდუმი გაფორმდა. დოკუმენტი, რომელსაც ხელი თურქეთის რესპუბლიკაში საქართველოს პრემიერ-მინისტრ ირაკლი...
პრაღაში ჩეხურ-ქართული სამართლებრივი ფორუმი მიმდინარეობს
რიგით მეორე ჩეხურ-ქართული სამართლებრივი ფორუმი იუსტიციის მინისტრებმა რატი ბრეგაძემ და პაველ ბლაჟეკმა გახსნეს. რატი ბრეგაძემ ხაზი გაუსვა მხარეებს შორის უკვე...
საქართველოს ტექნიკური უნივერსიტეტის ვაჟთა გუნდი ფრენბურთის ეროვნული ჩემპიონატის უმაღლესი ლიგის გამარჯვებულია
საქართველოს ტექნიკური უნივერსიტეტეტის ფრენბურთელ ვაჟთა სტუდენტურმა გუნდმა საქართველოს 2024 წლის ეროვნული ჩემპიონატის უმაღლესი ლიგის ოქროს თასი და ჩემპიონის ტიტული მოიპოვა....