ემანუელ მაკრონი: მე, სიტყვა “ჯალათს” პუტინის მისამართით არ გამოვიყენებდი
Read Time:46 Second
საფრანგეთის პრეზიდენტი, ემანუელ მაკრონი “ფრანს 24”- თან ინტერვიუში აცხადებს, რომ ის სიტყვა “ჯალათს” პუტინის მისამართით არ გამოიყენებდა.
შეგახსენებთ, რომ ასე მოიხსენია აშშ-ს პრეზიდენტმა ჯო ბაიდენმა ვლადიმერ პუტინი თავის გამოსვლაში.
მისი თქმით, თუ დასავლეთს სურს სიტუაციის განმუხტვა დიპლომატიის გზით, სიტყვიერი ესკალაცია კარგს არაფერს მოიტანს:
“მიმაჩნია, რომ ყველაფერი უნდა იყოს ფაქტებიდან გამომდინარე და უნდა გააკეთო ყველაფერი, რაც შესაძლებელია, რათა სიტუაცია უკონტროლო არ გახდეს.
მე ჯერ კიდევ ვესაუბრები პრეზიდენტ პუტინს. ამიტომ ასეთ სიტყვას არ გამოვიყენებდი.ჩვენ გვინდა შევაჩეროთ ომი უკრაინაში, რომელიც რუსეთმა წამოიწყო. გვინდა შევაჩეროთ ისე, რომ ამ ომში არ ჩავერთოთ და არ მოვახდინოთ ესკალაცია. ეს არის ჩვენი ამოცანა.
ჩემი ვალდებულებაა, როგორც საფრანგეთის პრეზიდენტის, დავიცვა ფრანგები ომისგან ჩვენს მიწაზე. დავუწესოთ სანქციები რუსეთს და შევუქმნათ უველანაირი პირობა იმისთვის, რომ ის შეჩერდეს. ასევე, დავეხმაროთ უკრაინას, რომ მათ წინააღმდეგობა გაუწიონ რუსეთს. ჩვენ უნდა მივიღოთ ლტოლვილები და დიპლომატიური გზით მივაღწიოთ რუსეთის ჯარის სრულად გაყვანას. და თუ ამის გაკეთება გვსურს, ჩვენ არ უნდა მოვახდინოთ ესკალაცია არც სიტყვებით და არც ქმედებებით“, – განაცხადა მაკრონმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
