ეკატერინე დგებუაძე: მტკივნეულია, როდესაც ისეთ კრიტიკულ შენიშვნებს ისმენ, რომელსაც სისტემა არ იმსახურებს
Read Time:42 Second
სამწუხაროა და ხანდახან მტკივნეულიც, როდესაც ისეთ კრიტიკულ შენიშვნებს ისმენ, რომელსაც სისტემა არ იმსახურებს, – ამის შესახებ განათლების მინისტრის მოადგილემ, ეკატერინე დგებუაძემ „დღის ქრონიკაში“ განაცხადა.
„რას ნიშნავს არ გაითვალისწინეს თითოეული მოსწავლის საჭიროება?!, მაშინ გვითხრან რა ნაწილში არ გაითვალისწინა განათლების სამინისტრომ თითოეული ბავშვის უფლება. ავიღოთ თუნდაც ის, რომ როდესაც სრულად დაიკეტა სკოლები და სრულად დისტანციურ სწავლებაზე გადავედით, ჩვენ თითოეული მოსწავლის საჭიროება გავითვალისწინეთ, იდენტიფიცირებაც მოვახდინეთ საჭიროების და ინდივიდუალური მიდგომები გამოვიყენეთ.
როდესაც ყველაფერი დახურული იყო, ამ შემთხვევაში ერთადერთი დაშვება გავაკეთეთ საგანმანათლებლო საჭიროების მქონე მოსწავლეებისთვის, როდესაც რესურსოთახები გავხსენით და სპეც მასწავლებლებიც რისკის ქვეშ დავაყენეთ, იმიტომ რომ ამ ბავშვებისთვის ყველაზე სენსიტიური იყო სახლში ჯდომა და ფსიქოლოგიური მხარდაჭერა, სწორედ ეს იყო მიზეზი, რომ თითოეული ბავშვის საჭიროება დაგვენახა.
ჰიგიენა-სანიტარიის მიმართულებით განსხვავებული რეგულაციები შემუშავდა. ამ მიმართულებით ექიმებისა და ეპიდემიოლოგების რეკომენდაციების საფუძველზე აბსოლუტურად შეიცვალა დასუფთავების წესები. ზაფხულის პერიოდში გამოვიყენეთ, როდესაც 800 სკოლაში სველი წერტილების რეაბილიტაცია მოხდა“, – განაცხადა ეკატერინე დგებუაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
