დავით ზალკალიანი დღეს რომში, „დაეშის“ წინააღმდეგ ბრძოლის გლობალური კოალიციის მინისტერიალში მიიღებს მონაწილეობას
Read Time:27 Second
საქართველოს ვიცე-პრემიერი, საგარეო საქმეთა მინისტრი დავით ზალკალიანი დღეს რომში, „დაეშის“ წინააღმდეგ ბრძოლის გლობალური კოალიციის მინისტერიალში მიიღებს მონაწილეობას, რომელსაც თანათავმჯდომარეობას გაუწევენ იტალიის საგარეო საქმეთა და საერთაშორისო თანამშრომლობის მინისტრი ლუიჯი დი მაიო და აშშ-ის სახელმწიფო მდივანი ენტონი ბლინკენი.
დაგეგმილია დავით ზალკალიანის სიტყვით გამოსვლა. საგარეო საქმეთა მინისტრი ისაუბრებს საქართველოს მთავრობის ძალისხმევაზე ქვეყნის ტერიტორიაზე სტაბილური და უსაფრთხო გარემოს უზრუნველსაყოფად, ასევე, ყურადღებას გაამახვილებს საერთაშორისო თანამეგობრობის კოორდინირებული და ერთიანი ქმედებების მნიშვნელობაზე ტერორიზმის საბოლოოდ დასამარცხებლად.
ღონისძიებას ასევე დაესწრებიან ნატოს გენერალური მდივანი იენს სტოლტენბერგი და ევროკავშირის უმაღლესი წარმომადგენელი საგარეო და უსაფრთხოების პოლიტიკის სფეროში ჟოზეფ ბორელი.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
