გიორგი კახიანი: თუკი ვინმეს ინტერესშია, რომ მიხეილ სააკაშვილის ჯანმრთელობის მდგომარეობა იყოს უზრუნველყოფილი, დაცული, პირველ რიგში, ეს ხელისუფლებაა
Read Time:33 Second
თუკი ვინმეს ინტერესშია, რომ მიხეილ სააკაშვილის ჯანმრთელობის მდგომარეობა იყოს უზრუნველყოფილი, მისი ჯანმრთელობა იყოს დაცული, პირველ რიგში, ეს ხელისუფლებაა, – ამის შესახებ პარლამენტის თავმჯდომარემ, გიორგი კახიანმა ჟურნალისტებს განუცხადა.
მან კომენტარი „ხალხის ძალის“ მორიგი განცხადებაზე გააკეთა, რომელშიც აღნიშნულია, რომ „მიხეილ სააკაშვილი პატრონებს ემუქრება“.
„თუკი ვინმეს ინტერესშია, რომ მიხეილ სააკაშვილის ჯანმრთელობის მდგომარეობა იყოს უზრუნველყოფილი, მისი ჯანმრთელობა იყოს დაცული, პირველ რიგში, ეს არის სახელმწიფო ხელისუფლება და ხელისუფლება ამისთვის ყველაფერს აკეთებს. თუმცა, როგორც ჩანს, არის ძალები, რომელთა ინტერესშიც ეს არ შედის, რადგან შემდეგ ეს ყველაფერი გამოყენებული იქნება იმისთვის, რომ ქვეყანაში შეიქმნას დესტაბილიზაცია, არეულობა და ხელისუფლების ცვლილება. ამიტომ, თუკი ასეთი რისკები არსებობს, სახელმწიფო თავის სიმაღლეზეა და ყველაფერი გაკეთდება იმისთვის, რომ რაიმე მსგავსი არ მოხდეს“, – განაცხადა კახიანმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
