გიორგი ვაშაძე – პაპუაშვილისა და კობახიძის მიზანია, როგორმე ჩაშალონ სამოქალაქო სექტორის პროცესი, ამაში ხელს არ შევუწყობთ, საერთოდ მიკვირს, კომისიაში „ნაციონალური მოძრაობის“ წარმომადგენლები რატომ დადიან
Read Time:50 Second
„სტრატეგია აღმაშენებლის“ ლიდერი გიორგი ვაშაძე მიიჩნევს, რომ სახალო დამცველის კანდიდატის შერჩევაზე „ქართულმა ოცნებამ“ თაღლითური სქემა მოიგონა.
როგორც გიორგი ვაშაძემ აღნიშნა, დღეს ყველა ოპოზიციური პარტია ჩართულია სამოქალაქო სექტორის მიერ აგვისტოში ინიცირებულ პროცესზე.
„რაც უფრო ნაკლებად შევხვდები პრორუსული პოლიტიკური ძალის წარმომადგენლებს, მით უფრო ბედნიერი ვარ. თაღლითური სქემა მოიგონა „ქართულმა ოცნებამ“, როგორმე შეაფერხოს სამოქალაქო სექტორის მიერ დაწყებული პროცესი. რაც შეეხება ოპოზიციურ პარტიებს, ვინც პაპუაშვილის შეხვედრიდან გამოდის, ყველა ამბობს, რომ ეს არის თაღლითობაა“, – განაცხადა ვაშაძემ.
გიორგი ვაშაძეს კითხვა დაუსვეს „ნაციონალური მოძრაობის“ წევრ ლევან ბეჟაშვილის განცხადებაზე, რომელმაც თქვა, რომ ეს კარგი პროცესია, რაზეც ვაშაძემ აღნიშნა, რომ ლევან ბეჟაშვილის განცხადება არ მოუსმენია.
„დახურულ შეხვედრაზე როცა ვისხედით ოპოზიციასთან ერთად ყველა დამეთანხმა, რომ ეს არის მაიმუნობა და თაღლითობა რაც „ქართულმა ოცნებამ“ მოიგონა. ჩვენ პატიოსნად ვართ იმ პროცესში, რომელიც მნიშვნელოვანია ობიექტური კანდიდატის შესარჩევად. სამოქალქო სექტორის წარმოდგენილი კანდიდატებიდან ჩვენ ავარჩევთ კანდიდატს. ჩვენ ამას არ გადავუხვევთ. ერთადერთი მიზანი, რაც ახლა პაპუაშვილსა და კობახიძეს აქვთ არის ის, რომ როგორმე ჩაშალონ სამოქალაქო სექტორის პროცესი. ამაში ჩვენ ხელს არ შევუწყობთ. საერთოდ მიკვირს ამ კომისიაში „ნაციონალური მოძრაობის“ წარმომადგენლები რატომ დადიან“, – განაცხადა ვაშაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
