გენო პეტრიაშვილმა ტოკიოს ოლიმპიადაზე ვერცხლის მედალი მოიგო
Read Time:47 Second
ტოკიოს ოლიმპიადაზე თავისუფალი სტილით მოჭიდავე გენო პეტრიაშვილმა ქართულ დელეგაციას ვერცხლის მედალი მოუტანა.
+125 კგ წონით კატეგორიაში მოასპარეზე ქართველი ფალავანი დაუპირისპირდა 21 წლის ამერიკელ გეიბლ დენ სტივენსონს, რომელმაც მეთხედფინალში ტაჰა აკგული დაამარცხა, 1/2 ფინალში – მონღოლი მუნხტური.
პეტრიაშვილისა და სტივენსონის ფინალი მეტად დაძაბული გამოდგა. ამერიკელი თავიდან 4:0 დაწინაურდა, მეორე ტაიმში გენომ რამდენიმე ეფექტური გდება გააკეთა და წინ გაიჭრა – 8:5. ეს თითქოს გამარჯვებას ნიშნავდა, მაგრამ ამერიკელი არ დანებდა და ბოლო წამს აღებული 2 ქულით 9:8 დაწინაურდა.
საქართველოს ნაკრების მწვრთნელმა გიორგი იანტბელიძემ ჩელენჯი მოითხოვა, თუმცა გამეორებაზეც გამოჩნდა, რომ სტივენსონმა გამარჯვების ორი ქულის აღება მანამ მოასწრო, ვიდრე დრო ამოიწურებოდა. შედეგად ჩელენჯის 1 ქულაც ამერიკელს დაეწერა და საფინალო ანგარიშად 10:8 დაფიქსირდა.
გენო პეტრიაშვილი 2016 წლის ოლიმპიადის ბრინჯაოსმედალოსანია. თუმცა მსოფლიოსა და ევროპის ჩემპიონატებზე ოქროს მედლები ნამდვილად არ აკლია – სამგზის მსოფლიო და ორგზის ევროპის ჩემპიონია.
შეგახსენებთ, რომ ტოკიოს ოლიმპიურ თამაშებზე საქართველოს დელეგაციის ანგარიშზე ორი ოქროს, ხუთი ვერცხლისა და ერთი ბრინჯაოს მედალია.
1/8 ფინალი
პეტრიაშვილი VS აბდელმოტალები (ეგვიპტე) 11:0
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
