გარდაიცვალა გელათის მეცნიერებათა აკადემიის აკადემიკოსი ზურაბ ჭუმბურიძე
Read Time:41 Second
გარდაიცვალა თსუ ემერიტუს-პროფესორი, ფილოლოგი, გელათის მეცნიერებათა აკადემიის აკადემიკოსი ზურაბ ჭუმბურიძე.
ამის შესახებ ინფორმაციას თსუ ავრცელებს.
იგი იყო მრავალი სამეცნიერო ნაშრომის, მონოგრაფიისა და სახელმძღვანელოს ავტორი.
ზურაბ ჭუმბურიძე იყო პირველსხიველი, 1950 წელს თბილისის სახელმწიფო უნივერსიტეტის ლიტერატურულ ალმანახ „პირველი სხივის“ პირველ ნომერში, დაიბეჭდა მისი ლექსები.
შეუფასებელია ალმა-მატერის წინაშე გაწეული მისი თავდაუზოგავი შრომა და ღვაწლი. ბატონმა ზურაბმა ფილოლოგთა მრავალი თაობა აღზარდა და გაუკვალა გზა.
საამაყოა, რომ მისი მრავალწლიანი სამეცნიერო-პედაგოგიური მოღვაწეობა სწორედ ჩვენს უნივერსიტეტს უკავშირდება.
მას მიღებული აქვს არაერთი ჯილდო. ქართველოლოგიის დარგში შესრულებული მნიშვნელოვანი ნაშრომისთვის „ქართული ენა, დამწერლობა, ხელნაწერები“ ზურაბ ჭუმბურიძე 2019 წელს, იაკობ გოგებაშვილის სახელობის სამეცნიერო პრემიით დაჯილდოვდა.
სამეცნიერო- პედაგოგიური მოღვაწეობისთვის დაჯილდოებულია წმინდა გიორგის ოქროს ჯვრის და ასევე, ღირსების ორდენით, ვარშავის უნივერსიტეტის წმინდა გრიგოლ ფერაძის სახელობის საერთაშორისო პრემიით.
თბილისის სახელმწიფო უნივერსიტეტი ღრმა მწუხარებას გამოთქვამს ზურაბ ჭუმბურიძის გარდაცვალების გამო და უსამძიმრებს მის ოჯახს, ახლობლებს, კოლეგებს, სტუდენტებს, საუნივერსიტეტო საზოგადოებას.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
