ბორჯომის ტყის აღდგენა ხვალიდან დაიწყება
Read Time:31 Second
ხვალიდან ბორჯომის ტყის აღდგენა იწყება- 1TV-ის ცნობით, ამის შესახებ ეროვნული სატყეო სააგენტოს უფროსმა თორნიკე გვაზავამ განაცხადა.
მისი განმარტებით, პირველ ეტაპზე, 250 ჰექტარის აღდგენა იგეგმება და ნახანძრალ ტერიტორიაზე ძირითადად კავკასიური ფიჭვი დაირგვება.
„ბორჯომის ტყესთან დაკავშირებით მოსამზადებელი სამუშაოები ერთი წლის განმავლობაში მიმდინარეობდა. თავდაპირველად შეიქმნა კომპეტენტური კომისია, სადაც მეტყევეების გარდა შედიოდნენ ნიადაგმცოდნეები, გეოლოგები, არასამთავრობოები და ა.შ. სპეციალური კომპეტენტური დასკვნის შემდეგ დავიწყეთ გაწმენდითი სამუშაოები, რომელიც დავამთავრეთ რადენიმე დღის წინ”, – განაცხადა თორნიკე გვაზავამ.
მისივე თქმით, ტყის აღდგენის პროცესში ადგილობრივი მოსახლეობაა ჩაერთვება, ტყის აღდგენითვის კი პირველ ეტაპზე დაახლოებით 200 000 ლარი დაიხარჯება.
ბორჯომის ხეობაში 2017 წლის 20 აგვისტოს ხანძარმა 752 ჰექტარი მოიცვა, საიდანაც 525 ძველი ნახანძრალი ტერიტორიაა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
