ბლინკენი რუსეთს მიმართავს-თქვენ შეგიძლიათ მოიგოთ ბრძოლა, მაგრამ ეს არ ნიშნავს, რომ მოიგებთ ომს
Read Time:39 Second
„აბსოლუტურად დარწმუნებული ვარ, რომ პუტინი მარცხდება და რუსეთი სტრატეგიულ დამარცხებას განიცდის“, – ამის შესახებ აშშ-ის სახელმწიფო მდივანმა ანტონი ბლინკენმა განაცხადა. ინფორმაციას CNN ავრცელებს.
„როგორც უკვე ვთქვით, თქვენ შეგიძლიათ მოიგოთ ბრძოლა, მაგრამ ეს არ ნიშნავს, რომ მოიგებთ ომს – პირიქით. თქვენ შეგიძლიათ აიღოთ ქალაქი, მაგრამ ვერ აითვისოთ მისი ხალხის გული და გონება და უკრაინელები ყოველ დღე, ამ ყველაფრის დემონსტრირებას ახერხებენ“, – თქვა ბლინკენმა სახელმწიფო დეპარტამენტში გამართულ პრესკონფერენციაზე თავის ბრიტანელ კოლეგასთან, საგარეო საქმეთა მინისტრ ლიზ ტრასთან ერთად.
„მისი {პუტინის} მიზანია მარიონეტული რეჟიმის დაწესება არსებული ხელისუფლების შეცვლით და მისი სურვილისამებრ სხვისი დაყენებით, ვფიქრობ, უკრაინელი ხალხის პასუხიდან აშკარად ჩანს, რომ ისინი არასოდეს მიიღებენ ამას და თუ ის შეეცდება აღასრულოს ასეთი მარიონეტული რეჟიმი უკრაინაში რუსული ძალების შენარჩუნებით, ეს იქნება ხანგრძლივი, სისხლიანი, გაჭიანურებული არეულობა, რომელშიც რუსეთი გააგრძელებს მძიმე ტანჯვას“, – დასძინა მან.
ბლინკენმა, ასევე, აღნიშნა, რომ რუსეთს მთავარი გეგმები ჩაეშალა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
