ბაიდენი: მე არ განვახორციელებ ზეწოლას უკრაინის ხელისუფლებაზე, რათა რუსეთთან ტერიტორიულ დათმობებზე წავიდეს
Read Time:36 Second
აშშ-ის პრეზიდენტმა ჯო ბაიდენმა განაცხადა, რომ არ აპირებს უკრაინის ხელისუფლებაზე ზეწოლას, რათა რუსეთთან ტერიტორიულ დათმობებზე წავიდეს. ამის შესახებ მან The New York Times-ში დაწერა, რომელიც 31 მაისის საღამოს გამოქვეყნდა.
“ჩემი პრინციპი მთელი ამ კრიზისის განმავლობაში არის: არაფერი უკრაინაზე უკრაინის გარეშე. მე არ ვაპირებ ზეწოლას უკრაინის მთავრობაზე, არც საჯაროდ და არც პირადად, რაიმე ტერიტორიულ დათმობაზე წასვლის მიზნით. ეს იქნება არასწორი და ეს ზოგადად ეწინააღმდეგება აღიარებულ პრინციპებს”, – თქვა ბაიდენმა.
მან აღნიშნა, რომ უკრაინასა და რუსეთს შორის მოლაპარაკებები “ჩიხში შევიდა” და რომ ეს კიევის ბრალი არ არის.
“ისინი ჩიხში არიან, რადგან რუსეთი აგრძელებს ომს უკრაინის წინააღმდეგ რაც შეიძლება დიდი ნაწილის გაკონტროლების მიზნით. შეერთებული შტატები გააგრძელებს მუშაობას უკრაინის გასაძლიერებლად და მხარს დაუჭერს მის ძალისხმევას კონფლიქტის მოლაპარაკებების გზით გადაჭრაში”, – განაცხადა ამერიკელმა ლიდერმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
