ბათუმში, ნგრევის მე-9 მსხვერპლის ამოსვენების შემდეგ, მძიმე ტექნიკისა და ცოცხალი ძალის მუშაობა დროებით შეჩერდა
Read Time:28 Second
ბათუმში, 26 მაისის ქუჩაზე, დროებით, მაშველებისა და მძიმე ტექნიკის მუშაობა შეჩერდა.
„რაღაც დროის განმავლობაში, ვაჩერებთ სამუშაოებს, რათა მშენებლებმა მოგვცენ ნებართვა, ჩვენმა მუშაობამ ნგრევა არ გამოიწვიოს და კორპუსის მეორე ნაწილი არ ჩამოწვეს. სავარაუდოდ, ქუჩა გადაიკეტება, რათა ხალხმა არ იმოძრაოს. უკანა ეზოში მოეწყობა ბარიერები, რათა ხალხი ამ ზონაში არ შევიდეს, რამაც, შეიძლება, საფრთხე გამოიწვიოს. მშენებლები შეიკრიბებიან მერიაში და იმსჯელებენ“, – აღნიშნა შს მინისტრმა ვახტანგ გომელაურმა.
მისივე თქმით, სამუშაოების შეჩერების განმავლობაში, ადგილზე სამართალდამცველები დარჩებიან.
გამოძიების შესახებ დასმული კითხვის პასუხად, მინისტრმა განაცხადა: „გამოძიება გრძელდება. ნუ მომთხოვთ გამოძიების ერთ დღეში დამთავრებას. სპციალისტებმა უნდა ნახონ, რა მოხდა საძირკველში, რამ გამოიწვია ნგრევა“.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
