ალი მოჯანი საქართველოს პრეზიდენტის ჟესტზე: „მწუხარების ჟამს ხალხთა მეხსიერებაში პოლიტიკაზე მეტად პატივისცემა აღიბეჭდება“

,,ტანსაცმელი, რომელსაც ამ ფოტოზე ხედავთ, მხოლოდ ტრადიციული სამოსი არ არის — ის ირანსა და საქართველოს საერთო ისტორიის ერთ-ერთ მნიშვნელოვან მონაკვეთზე მოგვითხრობს. რამდენიმე დღის წინ პატივი მქონდა, ეს ძვირფასი სამოსი საქართველოს მთავრობის ერთ-ერთი მაღალჩინოსნისთვის გადამეცა. ეს სამოსი შექმნა ფერეიდანში მცხოვრებმა წარმოშობით ქართველმა ირანელმა ხელოვანმა, გვარად ესპინაშვილმა. ნამუშევარი დამზადდა ისპაჰანის პროვინციის ფერეიდანის რაიონის გამგებლის მხარდაჭერითა და დაფინანსებით, რომელიც თავადაც წარმოშობით ქართველია. ჩემთვის ეს საჩუქარი მხოლოდ ხელოვნების ნიმუში არ ყოფილა — იგი ორ ერს შორის მრავალსაუკუნოვანი კავშირის სიმბოლოა. ფერეიდანში მცხოვრები წარმოშობით ქართველი ირანელები ერთგვარი ცოცხალი დერეფანია ირანსა და „შუა დერეფანს“ შორის — უნიკალური კულტურული კაპიტალი, რომელსაც შეუძლია ჩვენი ხალხების დაახლოებაში არანაკლები როლი შეასრულოს, ვიდრე ნებისმიერ ეკონომიკურ თუ ინფრასტრუქტურულ პროექტს. საქართველოში ბევრს სმენია ფერეიდანისა და ირანში მცხოვრები ქართველების შესახებ, თუმცა ძალიან ცოტას თუ მოუნახულებია ეს რეგიონი. შესაძლოა, დადგა დრო, ეს საერთო მემკვიდრეობა კიდევ უფრო ფართოდ გავაცნოთ საზოგადოებას. ამასთან დაკავშირებით, მსურს თქვენი აზრი მოვისმინო ორ კითხვაზე: 1. თქვენი აზრით, საქართველოს მთავრობის რომელ მაღალჩინოსანს გადაეცა ფერეიდნელი ქართველების მიერ დამზადებული ეს სამოსი? 2. მიუხედავად იმისა, რომ ირანსა და საქართველოს შორის უვიზო მიმოსვლაა, რატომ სტუმრობს ფერეიდანსა და ირანში მცხოვრებ ქართველთა თემს საქართველოს მოქალაქეთა მხოლოდ მცირე ნაწილი? მოუთმენლად ველი თქვენს მოსაზრებებსა და პასუხებს. შესაძლოა, სწორედ ამ დისკუსიამ შეუწყოს ხელი ირანსა და საქართველოს შორის ერთ-ერთი ყველაზე ღირებული კულტურული ხიდის უკეთ გაცნობასა და დაფასებას''-წერს ირანის ელჩი ალი მოჯანი სოციალურ ქსელში.

გიგა ავალიანის დედა ეკა კუპატაძე ავალიანის სისხლის სამართლის საქმიდან გამოყოფილ საქმეზე, ჯგუფურად ჯანმრთელობის განზრახ მძიმე დაზიანებაში დახმარების ფაქტზე გიორგი მალანიასთვის ბრალდების წარდგენას სწორ გადაწყვეტილებას უწოდებს.ეკა კუპატაძემ „ქრონიკისგან“ სატელეფონო საუბარში შეიტყო, თუ რომელი მუხლით წარედგინა ბრალი გიორგი მალანიას.„მიყვარხართ! მიყვარხართ! მიყვარხართ!", - ასეთი იყო ეკა კუპატაძის რეაქცია პროკურატურის მიერ წარდგენილ ბრალდებაზე.„პროკურატურამ მიიღო დიახ, სწორი გადაწყვეტილება. საქმე გაჯერებულია უხვად პირდაპირი და ირიბი მტკიცებულებებით, მყარი, უტყუარი მტკიცებულებებით. შესაბამისად, მე პროკურატურისგან ამ სწორ გადაწყვეტილებას ნამდვილად ველოდი“, - განუცხადა ეკა კუპატაძემ სატელეფონო საუბარში „ქრონიკას“.როგორც ცნობილია, გიორგი მალანია 1 ივლისს დააკავეს. თავდაპირველად ცნობილი იყო, რომ მას ბრალად განსაკუთრებით მძიმე დანაშაულის შეუტყობინებლობა ედებოდა. თუმცა, დღეს პროკურატურამ გიორგი მალანიას ბრალდება გიგა ავალიანის სისხლის სამართლის საქმიდან გამოყოფილ საქმეზე, ჯგუფურად ჯანმრთელობის განზრახ მძიმე დაზიანებაში დახმარების ფაქტზე წარუდგინა.

ამერიკის შეერთებული შტატების ჩამოყალიბებაში ემიგრანტების თანმიმდევრულმა ტალღებმა თავისი როლი ითამაშა, – ამის შესახებ რომის პაპმა ლეო მე-XIV ფილადელფიაში, ეროვნული კონსტიტუციის ცენტრში ვატიკანიდან ვიდეომიმართვის დროს განაცხადა.როგორც ლეო მეთოთხმეტემ აღნიშნა, აშშ 4 ივლისს დამოუკიდებლობის დღეს ზეიმობს, როდესაც 1776 წელს დამოუკიდებლობის დეკლარაცია მიიღო.რომის პაპის თქმით, სიტყვა „ამერიკა“ გლობალურად „თავისუფლების სინონიმია“ იმის გამო, თუ როგორ მიიღო ქვეყანამ იმიგრანტები.„ეს ისტორიული წლისთავი გვაძლევს შესაძლებლობას, კიდევ ერთხელ დავფიქრდეთ ერის დამფუძნებელ პრინციპებზე იმ იმედით, რომ ამერიკა სამუდამოდ ერთგული დარჩება იმ ოცნების, რომელმაც მას თავისუფლების მიწისა და მამაცთა სამშობლოს ტიტული მოუტანა. ერის მორალური სიდიადე, უპირველეს ყოვლისა, გამოიხატება მის უნარში, მხარი დაუჭიროს, დაიცვას და დააფასოს ყველას სიცოცხლე, განსაკუთრებით ყველაზე დაუცველთა და მათი, ვისი ღირებულებაც კითხვის ნიშნის ქვეშაა“, – აღნიშნა კათოლიკური ეკლესიის ხელმძღვანელმა.ტრამპმა გააკრიტიკა რომის პაპ ლეოს შეხედულებები და მას „დანაშაულთან დაკავშირებით სუსტი და საგარეო პოლიტიკისთვის საშინელი“ უწოდა. ტრამპმა განაცხადა, რომ ის „პაპ ლეოს გულშემატკივარი არ არის“ და უარყო მისი შეხედულებები, რომ ირანთან ომი „სამართლიანი“ არ არის.

გერმანიის კანცლერის, ფრიდრიხ მერცის განცხადებით, გერმანია ოთხი წლის განმავლობაში თავდაცვის ბიუჯეტს აორმაგებს.მისივე თქმით, ეს არის უდიდესი ძალისხმევა, რაც კი ოდესმე გაწეულა ქვეყნის თავდაცვისუნარიანობის გასაძლიერებლად.„ამას ვაკეთებთ, როგორც ევროკავშირის უდიდესი წევრი სახელმწიფო, რომელსაც ევროპაში პასუხისმგებლობა გვაკისრია“, – განაცხადა მერცმა.მანამდე ტრამპმა თავის სოციალურ მედიაპლატფორმაზე დაწერა, რომ შეერთებული შტატებისთვის აბსურდულია ნატო-ს წევრ ქვეყნებთან ცალმხრივი ურთიერთობის გაგრძელება. ტრამპმა სოციალურ წსელში ასევე დაწერა, რომ გერმანიის ხარჯები „2014-2025 წლებში გაცილებით დაბალი იყო, ვიდრე აშშ-ის ან ნატო-ს სხვა მოკავშირეების“.ცნობისთვის, მომავალ კვირას თურქეთის დედაქალაქ ანკარაში ნატო-ს ლიდერების, მათ შორის ტრამპის შეხვედრაა დაგეგმილი.

ევროკავშირმა რუსი ოპოზიციონერის, ალექსეი ნავალნის სიკვდილში მონაწილე ექვს პირს სანქციები დაუწესა.ევროპული საბჭოს განცხადებით, სანქცირებულ პირთა შორის უმეტესობა მეცნიერები და მკვლევარები არიან, რომლებიც ნავალნის სიკვდილის გამომწვევი ტოქსინის შექმნაში მონაწილეობდნენ.მათივე ცნობით, ეს ადამიანები მონაწილეობდნენ ქიმიური იარაღის, კერძოდ, ეპიბატიდინის შექმნაში, რომელიც ოპოზიციონერის სიკვდილის შემდეგ აღებულ ნიმუშებში აღმოაჩინეს.„ევროკავშირი კვლავ სრულად ერთგულია ქიმიური იარაღის გავრცელებისა და გამოყენების წინააღმდეგ ბრძოლაში და ქიმიური იარაღის შემუშავების, წარმოების, შენახვისა და გამოყენების აკრძალვისა და მისი განადგურების შესახებ კონვენციით გათვალისწინებული დებულებების მხარდაჭერის მიმართ“, – ნათქვამია განცხადებაში.ცნობისთვის, ალექსეი ნავალნი 47 წლის ასაკში, 2024 წლის 16 თებერვალს სასჯელაღსრულების კოლონიაში გარდაიცვალა. ევროპის ხუთმა ქვეყანაში განაცხადეს, რომ ალექსეი ნავალნი ციხეში ე.წ. ეკვადორული ბაყაყის შხამით მოწამლეს. დიდი ბრიტანეთი, საფრანგეთი, გერმანია, შვედეთი და ნიდერლანდები დარწმუნებული არიან, რომ ნავალნი კოლონიაში სასიკვდილო ნივთიერებით მოწამლეს. მათი დასკვნები ეფუძნება ნავალნის ნეშტიდან აღებული ნიმუშების ანალიზს, რომელმაც, მათივე თქმით, დაადასტურა იმ ტოქსინის არსებობა, რომელიც სამხრეთ ამერიკაში შხამიან ისრის ბაყაყებში გვხვდება და რუსეთში ბუნებრივ პირობებში გავრცელებული არ არის. ალექსეი ნავალნის შხამით მოწამვლის შესახებ ბრალდებას კრემლი უარყოფს.