აკი ბაშო | ტოჩინოშინი დიდ ჩემპიონ კისენოსატოსთან დამარცხდა
Read Time:33 Second
აკი ბაშოს მე-9 დღეს ოძეკი ტოჩინოშინი (ლევან გორგაძე) იოკოძუნა კისენოსატოს შეხვდა. ქართველი სუმოისტი იორიკირის ილეთით დამარცხდა, ბრძოლა 27 წამს გაგრძელდა. ახლა ტოჩინოშინს 5-4 ბალანსი აქვს.
ტოჩინოშინის მომდევნო მეტოქე პირველი მაეგაშირა კაისეი იქნება. ქართველი რიკიში ბრაზილიელს 9:7-ს უგებს.
შეგახსენებთ, რომ ტოჩინოშინს ოძეკის რანგის შესანარჩუნებლად აუცილებლად ესაჭიროება ბაშოზე 8 გამარჯვების მოპოვება.
ჯურიოს დივიზიონში ზედიზედ სამი ორთაბრძოლის მოგების შემდეგ მე-12 ნომერი გაგამარუ (თეიმურაზ ჯუღელი) მე-10 ნომერ ტობიძარუს შეხვდა. სამწუხაროდ, ქართველი სუმოისტის მოგებათა სერია შეწყდა – ოკურიდაშით დამარცხდა. გაგამარუს 4-5 ბალანსი აქვს და ელიტურ მეორე დივიზიონში დარჩენისთვის იბრძვის. გაგამარუს მეტოქე მე-9 ნომერი სეიროა, რომელსაც 0-9 ბალანსი აქვს, ის ტრავმირებული იყო (3 ბრძოლა გამოტოვა) და აკი ბაშოს დაუბრუნდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0