ჰიბრიდული და ელექტრომობილის მძღოლები ტაქსის ლიცენზიაზე შეღავათით ისარგებლებენ

ფუნდამენტური პრინციპია, რომ დიდი ბრიტანეთის სამხედრო ძალების გამოყენების შესახებ გადაწყვეტილებას დიდი ბრიტანეთის პრემიერ-მინისტრი იღებს. ამის შესახებ განცხადება დიდი ბრიტანეთის პრემიერ-მინისტრმა, კირ სტარმერმა გააკეთა.კირ სტარმერის განცხადებით, ნებისმიერ სამხედრო ოპერაციაში ბრიტანეთის მონაწილეობის შესახებ გადაწყვეტილების მიღება მხოლოდ ბრიტანეთის მთავრობას ეკისრება. მისივე თქმით, მნიშვნელოვანია, რომ ეს „ფუნდამენტური პრინციპი“ ყველამ ნათლად გაიგოს.„ბრიტანეთის ინტერესებთან დაკავშირებული გადაწყვეტილებები ბრიტანეთის პრემიერ-მინისტრის გადასაწყვეტია. ასე მივუდექი ყველა საკითხს და ყველა გადაწყვეტილებას, რომლის მიღებაც მომიწია. ეს მართლაც მნიშვნელოვანია. ეს არის ფუნდამენტური პრინციპი – გაერთიანებული სამეფოს პრემიერ-მინისტრი იღებს გადაწყვეტილებებს ჩვენი ღირებულებებისა და პრინციპების გამოყენებით, ჩვენი ქვეყნის საუკეთესო ინტერესებიდან გამომდინარე, და ძალიან მნიშვნელოვანია, რომ ეს პრინციპი ძალიან ნათლად გავიგოთ“, – განაცხადა კირ სტარმერმა.თუმცა, დიდი ბრიტანეთის პრემიერის თქმით, ლონდონი არ წყვეტს ახლო აღმოსავლეთში ამერიკელებთან თანამშრომლობას.„აშშ და დიდი ბრიტანეთი ყოველდღიურად ერთად მუშაობენ, როგორც ყოველთვის, და, ცხადია, ირანთან დაკავშირებით. აშშ ახლა იყენებს ბრიტანულ საჰაერო ბაზებს ჩვენ მიერ მიღწეული შეთანხმების შესაბამისად. რეგიონში ყოველდღიურად ხდება დაზვერვის ინფორმაციის გაზიარება. ჩვენი სამხედრო პერსონალი და აშშ-ის სამხედრო პერსონალი ერთად არიან განლაგებული ერთსა და იმავე ადგილებში, ერთსა და იმავე ბაზებზე და ორივე, როგორც აშშ, ასევე დიდი ბრიტანეთი, ამ ბაზების დასაცავად ერთად მუშაობენ“, – აღნიშნა კირ სტარმერმა.ამასთან, დიდი ბრიტანეთის პრემიერ-მინისტრმა განაცხადა, რომ აშშ-ის პრეზიდენტთან, დონალდ ტრამპთან ახლო აღმოსავლეთში მიმდინარე ომი და, ლონდონსა და ვაშინგტონს შორის დაძაბულობის ფონზე, ორი ქვეყნის ერთობლივი ქმედებები განიხილა.„ჩვენს ამერიკელ კოლეგებთან დისკუსია მიმდინარეობს ყველა დონეზე, მუდმივად, ყოველდღე. ასეთია ურთიერთობის ბუნება“, – განაცხადა კირ სტარმერმა.გარდა ამისა, სტარმერმა აღნიშნა, რომ რაც უფრო დიდხანს გაგრძელდება ახლო აღმოსავლეთში ომი, მით უფრო დიდია ალბათობა, რომ დიდ ბრიტანეთს ეკონომიკური ზიანი მიადგეს. როგორც გაერთიანებული სამეფოს პრემიერი აცხადებს, ომი ქვეყანაში მცხოვრებ მოსახლეობაზე იმოქმედებს. თუმცა, მისივე თქმით, ბრიტანეთის მთავრობა ამის თავიდან ასაცილებლად მუშაობს.„ვაფასებთ რისკებს, ვაკვირდებით და ვესაუბრებით ჩვენს საერთაშორისო პარტნიორებს იმის შესახებ, თუ რა შეგვიძლია გავაკეთოთ ერთად, ადამიანებზე და, რა თქმა უნდა, ადგილობრივ ბიზნესებზე პოტენციური ზეგავლენის შესამცირებლად, მაგრამ მნიშვნელოვანია იმის აღიარება, რომ ეს სამუშაო აუცილებელია, რადგან ადამიანები იგრძნობენ, რომ რაც უფრო დიდხანს გაგრძელდება ეს, მით უფრო იზრდება უარყოფითი ზემოქმედების პოტენციალი ჩვენს ეკონომიკაზე, ასევე იზრდება გავლენა ყველა ადამიანის ცხოვრებასა და ბიზნესზე. ჩვენი საქმეა, რომ ამას წინ აღვუდგეთ, შევაფასოთ რისკი და სხვებთან ერთად ვიმუშაოთ ამ საკითხზე“, – განაცხადა დიდი ბრიტანეთის პრემიერმა.როგორც კირ სტარმერმა აღნიშნა, „ზოგიერთი ადამიანი“ შეეცდება, კონფლიქტი დიდ ბრიტანეთში „თემებისა და ხალხის გასაყოფად“ გამოიყენოს, რაც მისივე თქმით, გაერთიანებულმა სამეფომ არ უნდა დაუშვას.„ახლა დროა, გავერთიანდეთ, როგორც ქვეყანა, დავიცვათ ჩვენი პრინციპები და ღირებულებები და არ მივცეთ ხალხს საშუალება, რომ გაგვყოს“, – განაცხადა სტარმერმა.

ნიკოლ ფაშინიანმა მოჯტაბა ხამენეის ირანის ახალ უზენაეს ლიდერად არჩევა მიულოცა. ამის შესახებ ნათქვამია სომხეთის პრემიერ-მინისტრის მისალოც წერილში, რომელიც მის ოფიციალურ ვებგვერდზე გამოქვეყნდა.„დარწმუნებული ვარ, რომ მტკიცე კავშირი სომხეთსა და ირანს შორის მომავალშიც განვითარდება, დააფიქსირებს რა ახალ წარმატებებს. ვისარგებლებ შემთხვევით და მეგობარ ირანელ ხალხს ვუსურვებ კეთილდღეობასა და მდგრად მშვიდობას“, – ნათქვამია განცხადებაში.ცნობისთვის, მოჯტაბა ხამენეის ირანის ახალ უზენაეს ლიდერად არჩევის შესახებ ოფიციალური ინფორმაცია ირანის ხელისუფლებამ 8 მარტს გაავრცელა.

უნგრეთის პრემიერ-მინისტრი ვიქტორ ორბანი უკრაინას ქვეყანაში ნავთობის ფასის ზრდის გამო ადანაშაულებს. ამის შესახებ ვიქტორ ორბანმა სოციალურ ქსელში გავრცელებულ ვიდეომიმართვაში განაცხადა.ორბანის თქმით, ქვეყანაში ნავთობის ფასის ზრდა არა მხოლოდ ახლო აღმოსავლეთში მიმდინარე მოვლენების, არამედ უკრაინის მიერ ნავთობსადენ „დრუჟბის“ დაბლოკვის შედეგია.ორბანის თქმით, ნავთობსადენის დაბლოკვა მთელი ევროპისთვის წარმოადგენს პრობლემას.ასევე ცნობილი ხდება, რომ ვიქტორ ორბანმა ენერგეტიკის სექტორში არსებული ვითარების განსახილველად მთავრობის საგანგებო სხდომა მოიწვია.„მთელ ევროპაში ჩვენ უნდა გადავხედოთ და შევაჩეროთ რუსეთის ენერგომომარაგებაზე დაწესებული ყველა სანქცია. ეს მე ევროკომისიის პრეზიდენტის, ურსულა ფონ დერ ლაიენისადმი გაგზავნილი წერილში დავაინიცირე“, – აღნიშნა ორბანმა.

დებატები აბსოლუტურად უინტერესოა ჩვენთვის. როდესაც საუბრობენ პოლიტიკურ პატიმრებზე, ყველამ იცის, რომ შედგა რევოლუციის ხუთი წარუმატებელი მცდელობა ოთხი წლის განმავლობაში, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს ევროპარლამენტში „ელენე ხოშტარიას საქმე და პოლიტიკური პატიმრები „ქართული ოცნების“ რეჟიმის ქვეშ“ სახელწოდებით დაგეგმილ დებატებთან დაკავშირებით განუცხადა.მთავრობის მეთაურის თქმით, ეს ყველაფერი მეტყველებს იმ უმძიმეს მდგომარეობაზე, რომელიც არის ევროპულ ბიუროკრატიაში ჩამოყალიბებული.„ეს დებატები აბსოლუტურად უინტერესოა ჩვენთვის. როდესაც საუბრობენ პოლიტიკურ პატიმრებზე, ყველამ იცის, რომ შედგა რევოლუციის ხუთი წარუმატებელი მცდელობა ოთხი წლის განმავლობაში. ასეთ დროს რომ ვიღაცა კიდევ საუბრობს პოლიტიკურ პატიმრებზე, ეს უბრალოდ სამარცხვინოა. ეს ყველაფერი მეტყველებს იმ უმძიმეს მდგომარეობაზე, რომელიც არის ევროპულ ბიუროკრატიაში ჩამოყალიბებული“, – განაცხადა პრემიერმა.

მინდა, მკაფიოდ ვთქვა – არ უნდა დავღვაროთ ცრემლები ირანის რეჟიმისთვის. ამ რეჟიმს მოჰქონდა სიკვდილი და რეპრესიები საკუთარი ხალხისთვის, – ამის შესახებ ევროკომისიის პრეზიდენტმა, ურსულა ფონ დერ ლაიენმა ბრიუსელში, ევროკავშირის წევრი ქვეყნების ელჩების შეკრებაზე განაცხადა.ურსულა ფონ დერ ლაიენის თქმით, ამ რეჟიმმა გამოიწვია დესტაბილიზაცია და ნგრევა რეგიონში.ევროკომისიის პრეზიდენტის განცხადებით, ირანელი ხალხი იმსახურებს თავისუფლებას და ღირსეულ ცხოვრებას.„თქვენ მოისმენთ განსხვავებულ შეხედულებებს იმის შესახებ, კონფლიქტი ირანში არის არჩევანი თუ აუცილებლობა, მაგრამ, ჩემი აზრით, ეს დისკუსია აცდენილია მთავარ საგანს. ევროპა უნდა იყოს ფოკუსირებული შექმნილი სიტუაციის რეალობაზე, რომ დაინახოს სამყარო, როგორიც ის სინამდვილეში არის დღეს. და მინდა, მკაფიოდ ვთქვა – არ უნდა დავღვაროთ ცრემლები ირანის რეჟიმისთვის. ამ რეჟიმს მოჰქონდა სიკვდილი და რეპრესიები საკუთარი ხალხისთვის. მათ დახოცეს 17 ათასი ახალგაზრდა ადამიანი. ამ რეჟიმმა გამოიწვია დესტაბილიზაცია და ნგრევა რეგიონში მათი მარიონეტებისა და რაკეტების, დრონების გამოყენებით. ბევრმა ირანელმა, ისევე როგორც ქვეყნის შიგნით, ასევე მსოფლიოში და ევროპაში იზეიმა აიათოლა ხამენეის სიკვდილი. მათ აქვთ იმედი, რომ ამ მომენტს შეუძლია, გზა გახსნას თავისუფალი ირანისკენ. ვფიქრობ, ირანელი ხალხი იმსახურებს თავისუფლებას, ღირსეულ ცხოვრებას და უფლებას, თავად გადაწყვიტონ საკუთარი მომავალი, იმ შემთხვევაში, თუ ჩვენ ვიცით, რომ ამას თან ახლავს საფრთხე, დესტაბილიზაცია ომის დროს და შემდეგ“, – აღნიშნა ურსულა ფონ დერ ლაიენმა.მისვე თქმით, ახლა სახეზეა რეგიონული კონფლიქტი გაუთვალისწინებელი შედეგებით. ურსულა ფონ დერ ლაიენის განცხადებით, ეს კონფლიქტი უკვე აისახება ენერგეტიკაზე, ფინანსებზე, ტრანსპორტზე და ვაჭრობაზე, ხოლო გრძელვადიან პერსპექტივაში აჩენს ეგზისტენციალურ კითხვებს წესებზე დამყარებული საერთაშორისო სისტემის მომავალთან დაკავშირებით.„მეტად აღარ შეიძლება, ევროპა იყოს ძველი მსოფლიო წესრიგის დამცველი, იმ მსოფლიოსი, რომელიც გაქრა და აღარ დაბრუნდება. ჩვენ ყოველთვის შევინარჩუნებთ და დავიცავთ წესებზე დამყარებულ სისტემას, რომელიც მოკავშირეებთან ერთად ავაშენეთ, მაგრამ ჩვენ მხოლოდ ამ სისტემას ვეღარ დავეყრდნობით ჩვენი ინტერესების დასაცავად. ჩვენ ვერ ჩავთვლით, რომ ეს სისტემა დაგვიცავს კომპლექსური საფრთხეებისგან, რომლის წინაშეც ვართ. ჩვენ უნდა ავაშენოთ ჩვენი ევროპული გზა და ვიპოვოთ ახალი გზები პარტნიორებთან თანამშრომლობისთვის; მეორე, რაც აუცილებელია, ჩვენ უნდა შევხედოთ მკაფიოდ და მკაცრად ჩვენს საგარეო პოლიტიკას დღევანდელ მსოფლიოში. მათ შორის, თუ როგორი ხდება ამ პოლიტიკის ფორმირება და გატარება. ჩვენ დაუყოვნებლივ გვჭირდება დაფიქრება, რამდენად არის ჩვენი დოქტრინა, ინსტიტუტები და გადაწყვეტილების მიღების პროცესები – რომელთა ფორმირებაც მოხდა ომის შემდგომი სტაბილურობისა და მულტილატერალიზმის დროს – დღეს მიმდინარე ცვლილებებთან შესაბამისი, რამდენად არის ჩვენ მიერ შექმნილი სისტემა – შექმნილი თავისი კეთილი განზრახვებით, კონსენსუსებით და კომპრომისებით – დღეს ხელშემწყობი ან, პირიქით, დამაბრკოლებელი ჩვენი სანდოობის, როგორც გეოპოლიტიკური აქტორისა“, – განაცხადა ურსულა ფონ დერ ლაიენმა.