ჰიბრიდული და ელექტრომობილის მძღოლები ტაქსის ლიცენზიაზე შეღავათით ისარგებლებენ
Read Time:38 Second
თბილისის მერის მოადგილის, მაია ბითაძის ინფორმაციით, ტაქსების რეგულაციისფარგლებში ელექტრო ავტომობილების რეგისტრაცია უფასო, ხოლო ე.წ. ჰიბრიდული ავტომობილისთვის 50%-იანი შეღავათით იქნება. ამის შესახებ ბითაძემ თბილისის მერის 100-დღიანი მუშაობის ანგარიშის წარდგენისას თქვა. ინფორმაციას სააგენტო “ინტერპრესნიუსი” ავრცელებს.
“ტაქსების რეგულაციის იმ ფორმატში, რომელიც საქართველოს პარლამენტს წარვუდგინეთ და დაიწყო განხილვა, ჩვენ შევიმუშავეთ სქემა, რომლის მიხედვითაც, ის ერთჯერადი საფასური, რომელიც ტაქსის რეგისტრაციისთვის იქნება სავალდებულო, იქნება აბსოლუტურდ უფასო ელექტრო მანქანებისთვის და 50%-იანი ფასდაკლებით, ე.წ. ჰიბრიდის მოდელის ავტომობილებისთვის, რაც წაახალისებს სარანსპორტო ავტომობილების ამ სეგმენტს”, – განაცხადა ბითაძემ.
12 თებერვალს კახა კალაძემ თქვა, რომ ტაქსებისთვის რეგულაციების დაწესება აუცილებელია. ტაქსის მძღოლებს შესაბამისი რეგისტრაციის გავლა მოუწევთ. ხოლო ის ტაქსის მძღოლები, რომლებიც რეგისტრაციას არ გაივლიან, ადმინისტრაციულ სამართალდარღვევათა კოდექსით გათვალისწინებულ ჯარიმას გადაიხდიან.
24 იანვარს კახა კალაძემ განაცხადა, რომ დედაქალაქში ტაქსების სერვისის გაუმჯობესებისთვის მერია სამართლებრივი საფუძვლების შექმნაზე მუშაობს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0