მიხეილ ყაველაშვილი – ჩემი პირველი მკაფიო პრინციპი იქნება, რომ დავიცვათ კონსტიტუცია

აშშ-ის პრეზიდენტის დონალდ ტრამპის განცხადებით, ირანთან მომავალი შეთანხმება ბარაკ ობამას ბირთვულ გარიგებაზე გაცილებით უკეთესი იქნება.დონალდ ტრამპის თქმით, ობამასა და ბაიდენის მიერ მომზადებული შეთანხმება „ქვეყნის უსაფრთხოებასთან დაკავშირებით ერთ-ერთი ყველაზე ცუდი გარიგება იყო” და ირანს ბირთვული იარაღის შექმნისკენ „გზას უხსნიდა“.მათ რეალურად 1,7 მილიარდი დოლარი ნაღდი ფულით გადაიხადეს „ბოინგ 757“-ზე ჩატვირთეს და ირანში გაგზავნეს, რათა ირანის ხელმძღვანელობას სურვილისამებრ დაეხარჯა. მან ვაშინგტონის, ვირჯინიისა და მერილენდის ბანკები ნაღდი ფულისგან დააცარიელა. ბანკირებმა განაცხადეს, რომ მსგავსი არაფერი უნახავთ. გარდა ამისა, ასობით მილიარდი დოლარი გადაეცა ირანს. მე რომ არ გამეუქმებინა ეს შეთანხმება, ბირთვული იარაღი გამოყენებული იქნებოდა ისრაელის წინააღმდეგ და მთელ ახლო აღმოსავლეთში, მათ შორის ჩვენი სამხედრო ბაზების წინააღმდეგ“, – წერს დონალდ ტრამპი სოციალურ ქსელში.ამასთან, შეერთებული შტატების პრეზიდენტის განცხადებით, თუ შეთანხმება მისი ადმინისტრაციის დროს გაფორმდება, ის მშვიდობას, უსაფრთხოებასა და სტაბილურობას უზრუნველყოფს არა მხოლოდ ისრაელისა და ახლო აღმოსავლეთისთვის, არამედ ევროპისთვის, ამერიკისთვის და ყველა სხვა ქვეყნისთვის.დონალდ ტრამპი უარყოფს, რომ ირანთან გარიგების სწრაფად დასრულებასთან დაკავშირებით „ზეწოლას” განიცდის და აღნიშნავს, რომ შეთანხმება „შედარებით მალე“ მოხდება.

ოკუპირებული აფხაზეთის ე.წ. საგარეო უწყება საქართველოს ევროკავშირში გაწევრიანების შესახებ რუსეთის საგარეო საქმეთა სამინისტროს წარმომადგენლის, მარია ზახაროვას განცხადებას გამოეხმაურა.„აფხაზეთის რესპუბლიკის საგარეო საქმეთა სამინისტრო ყურადღებით გაეცნო რუსეთის ფედერაციის საგარეო საქმეთა სამინისტროს ოფიციალური წარმომადგენლის, მარია ზახაროვას განცხადებას ევროკავშირში საქართველოს გაწევრიანების შედეგებთან დაკავშირებით და აღნიშნულთან დაკავშირებით რუსეთის პოზიციას იზიარებს“, - ნათქვამია ე.წ. საგარეო უწყების განცხადებაში.ასევე, ოკუპირებული აფხაზეთის ე.წ. საგარეო უწყება აცხადებს, რომ „საქართველოს საგარეო პოლიტიკური კურსის განვითარებას ყურადღებით აკვირდება“.„აღვნიშნავთ, რომ საქართველოს პოლიტიკა არ უწყობს ხელს რეგიონში ნდობის განმტკიცებას, რასაც მთელი რიგი ფაქტები ადასტურებს: ქართული მხარის პერიოდული განცხადებები, სამხედრო თანამშრომლობა ნატო-სთან, აფხაზეთის რესპუბლიკასთან ძალის გამოუყენებლობის შესახებ იურიდიულად სავალდებულო შეთანხმების გაფორმებაზე უარის თქმა და საქართველოს პოლიტიკა, რაც აფხაზეთის რესპუბლიკის საერთაშორისო იზოლაციისკენ არის მიმართული“, - აცხადებს ე.წ. სამინისტრო.ე.წ. უწყების განცხადებაში აღნიშნულია, რომ „საქართველოს სამხედრო თანამშრომლობა ნატო-სთან, რაც საქართველოს ტერიტორიაზე ერთობლივ წვრთნებს მოიცავს, სერიოზულ შეშფოთებას იწვევს. კიდევ ერთი სერიოზული დესტაბილიზაციის გამომწვევი ფაქტორია საქართველოს დესტრუქციული პოზიცია, რაც აფხაზეთის რესპუბლიკასთან ძალის გამოუყენებლობის შესახებ იურიდიულად სავალდებულო შეთანხმების გაფორმებაზე უარის თქმით გამოიხატება. ეს კი სამხრეთ კავკასიაში უსაფრთხოებისა და სტაბილურობის შესახებ საერთაშორისო დისკუსიების მთავარ მიზანს წარმოადგენს“.„ზემოაღნიშნულიდან გამომდინარე, სწორედ თბილისი უშლის ხელს რეგიონში უსაფრთხოების მდგრადი არქიტექტურის ჩამოყალიბებას. ჩვენ საკუთარი უსაფრთხოების, სუვერენიტეტისა და მდგრადი განვითარების პრიორიტეტებიდან გამოვდივართ. საქართველოს მონაწილეობით ნებისმიერმა ინტეგრაციულმა პროცესმა არსებულ რეალობას საფრთხე არ უნდა შეუქმნას“, - აღნიშნულია განცხადებაში.შეგახსენებთ, რუსეთის საგარეო საქმეთა სამინისტროს ოფიციალური წარმომადგენლის, მარია ზახაროვას განაცხადებით, საქართველოს ევროკავშირში გაწევრიანება და რუსეთის წინააღმდეგ სანქციებთან შეერთება "მძიმე დარტყმას" მიაყენებს მის ტურისტულ ინდუსტრიას და დააკარგვინებს შეღავათიან სავაჭრო ურთიერთობას რუსეთთან და დსთ-ის ქვეყნებთან. ამასთან, მისი თქმით, რუსეთს მოუწევს საქართველო არამეგობრული ქვეყნების სიაში შეიყვანოს, თუ ქვეყანა ევროკავშირში გაწევრიანდება.

პეტერ მადიარი ვოლოდიმირ ზელენსკის მოუწოდებს, განაახლოს რუსული ნავთობის ტრანზიტი, თუ ეს ტექნიკურად შესაძლებელია და ამტკიცებს, რომ ახალი მთავრობა დათმობებზე არ წავა.პრესკონფერენციის დროს „ტისას“ ლიდერმა უკრაინის პრეზიდენტს მოუწოდა, „შეასრულოს თავისი დაპირება“ და განაახლოს „დრუჟბას“ მილსადენის ექსპლუატაცია.„ჩვენ არანაირ დათმობაზე არ წავალთ და ამას არ გირჩევდით – ვიმეორებ, ჩვენ ერთმანეთს არ ვიცნობთ – მაგრამ უკრაინის პრეზიდენტს ამ გზის არჩევას არ ვურჩევდი. ეს არ იქნება მიღებული არა მხოლოდ უნგრეთში, არამედ ევროპაშიც. ევროპელი ლიდერები არ მიიღებენ იმას, რომ მას სურს უკვე შეთანხმებული საკითხების ხელახლა განხილვა და ევროპელი ლიდერების შანტაჟი. ეს იგივეა, რომ ვინმე სადილზე წავიდეს, დაპატიჟონ და შემდეგ შანტაჟი გამოუცხადოს: თუ ლეჩო არ არის, ან თუ საშუალო ცეცხლზე არ გამომცხვარა, მაშინ ამას და იმას გავაკეთებ. ჩემი აზრით, ეს არასწორი დამოკიდებულებაა და არ გირჩევდით“, – განაცხადა პეტერ მადიარმა.

ჰორმუზის სრუტეში ნორმალური გადაადგილება უნდა შენარჩუნდეს, – ამის შესახებ ჩინეთის პრეზიდენტმა, სი ძინპინმა საუდის არაბეთის მემკვიდრე პრინცთან და პრემიერ-მინისტრთან, მოჰამედ ბინ სალმანთან სატელეფონო საუბრის დროს განაცხადა.ჩინეთის პრეზიდენტის თქმით, ჰორმუზში თავისუფალი გადაადგილება რეგიონის ქვეყნებისა და საერთაშორისო საზოგადოების საერთო ინტერესებს ემსახურება.როგორც სი ძინპინმა აღნიშნა, ჩინეთი დიდ მნიშვნელობას ანიჭებს საუდის არაბეთთან ურთიერთობების განვითარებას და ყოველთვის იცავს ურთიერთპატივისცემის, თანასწორობისა და ურთიერთსასარგებლო პრინციპებს.ახლო აღმოსავლეთსა და სპარსეთის ყურის რეგიონში არსებულ ვითარებასთან დაკავშირებით სი ძინპინმა განაცხადა, რომ ჩინეთი მხარს უჭერს დაუყოვნებლივ, ყოვლისმომცველ ცეცხლის შეწყვეტას, მშვიდობის აღდგენისკენ მიმართულ ყველა ძალისხმევას და კვლავ ერთგული რჩება დავების პოლიტიკური, დიპლომატიური საშუალებებით მოგვარების.

სახელმწიფო საკუთრებაში მოქცეული საქონლის იმპორტი აქციზის გადასახადის გადახდისგან თავისუფლდება. შესაბამისი ცვლილებები „საგადასახადო კოდექსში“ შედის.დღეს მოქმედი კანონმდებლობით, სახელმწიფო საკუთრებაში მოქცეული ქონების იმპორტი გათავისუფლებულია დამატებული ღირებულების და იმპორტის გადასახადისგან, თუმცა მსგავსი შეღავათი აქციზის გადასახადზე არ ვრცელდება.ინიციატორების შეფასებით, აქციზის გადასახადით დაბეგვრა სახელმწიფო ბიუჯეტს ტვირთად აწვება და ართულებს ასეთი საქონლის სახელმწიფოს მხრიდან შემდგომ განკარგვას.