მაკიაჟის მოშორების სწორი თანმიმდევრობა და წესები, რომლებიც ყველა ქალმა უნდა იცოდეს

პატრიარქის დაკრძალვისთვის გამოყოფილი თანხის ძირითადი ნაწილი რომ არ დაიხარჯა, ჩვენთვის ცნობილი იყო იმთავითვე, - ამის შესახებ საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე სოციალურ ქსელში წერს, რითაც პატრიარქის დაკრძალვასთან დაკავშირებით პრემიერის განცხადებას ეხმაურება, რომელმაც აღნიშნა, რომ პატრიარქის დაკრძალვასთან დაკავშირებით გამოყოფილი იყო 3 მილიონი ლარი, საიდანაც მხოლოდ 722 ათასი დაიხარჯა.როგორც ჯაღმაიძე წერს, სხვადასხვა მომსახურებაში ორგანიზაციებმა, თუ კერძო პირებმა უმეტესად უარი თქვეს ჰონორარზე ან ხელფასზე.“პატრიარქის დაკრძალვისთვის გამოყოფილი თანხის ძირითადი ნაწილი რომ არ დაიხარჯა, ჩვენთვის ცნობილი იყო იმთავითვე. განსაკუთრებით იმ პერიოდში, ქალბატონ თიკა რუხაძესთან ხშირი კომუნიკაცია გვქონდა და მისგანვე ვიცოდით, რომ სხვადასხვა მომსახურებაში ორგანიზაციებმა, თუ კერძო პირებმა უმეტესად უარი თქვეს ჰონორარზე ან ხელფასზე.ეს საჯაროდ დაადასტურა პრემიერმა და იმედია დასრულდება პატრიარქის სახელის გამოყენება დაუსაბუთებელი ბრალდებებისა და ცილისწამებისთვის“,- წერს ჯაღმაიძე.ინფორმაციისთვის, საქართველოს პრემიერ-მინისტრმა ირაკლი კობახიძემ "რუსთავი2"-ის ეთერში განაცხადა, რომ პატრიარქის დაკრძალვასთან დაკავშირებით პირველადი მონაცემებით, გამოყოფილი იყო 3 მილიონი ლარი, საიდანაც მხოლოდ 722 ათასი დაიხარჯა და „ვიღაცას ფულის მოპარვა რომ სდომოდა, 3 მილიონსაც კარგად აითვისებდა“.ამასთან, განცხადება გაავრცელა „საერთაშორისო გამჭვირვალობა - საქართველომ“, რომელიც ილია მეორის დაკრძალვისთვის გამოყოფილი თანხების გახარჯვის შესახებ ინფორმაციის გასაჯაროებას ითხოვს.განცხადებაში ნათქვამია, რომ საჯარო არ არის კულტურის სამინისტრომ 722.6 ათასი ლარის რა ნაწილი დახარჯა კონტრაქტორების მეშვეობით, რომელმა კომპანიებმა მიიღეს კონტრაქტები, რა მომსახურებისთვის, რა ოდენობით და რა საფუძვლით შეარჩიეს ისინი. ასევე უცნობია, როგორ დახარჯა თავისი წილი დანარჩენმა ხუთმა უწყებამ."საქართველოს კათოლიკოს-პატრიარქის დაკრძალვის ცერემონიალის ორგანიზებისთვის 20 მარტს მთავრობამ სარეზერვო ფონდიდან ექვს უწყებას სულ 5.59 მილიონი ლარი გამოუყო, მათ შორის 3 მილიონი ლარი – კულტურის სამინისტროს. ფინანსთა სამინისტროს სახელმწიფო ბიუჯეტის შესრულების ანგარიშების მიხედვით, ამ თანხიდან კულტურის სამინისტრომ მხოლოდ 722.6 ათასი ლარი დახარჯა. დაკრძალვის ცერემონიალის შემდეგ, 8 მაისს, მთავრობამ შეიტანა ცვლილება სარეზერვო ფონდიდან თანხების გამოყოფის შესახებ განკარგულებაში, მიუსადაგა ის რეალურ ხარჯებს და შეამცირა გამოყოფილი თანხები. ახალი განკარგულებით კულტურის სამინისტროსთვის გამოყოფილი თანხა ზუსტად 722.6 ათას ლარამდე, ხოლო სულ ჯამური პაკეტი 2.56 მილიონ ლარამდე შემცირდა“, - აღნიშნულია განცხადებაში.

ევროკავშირმა შესაძლოა გაამკაცროს რუსეთის მოქალაქეებისთვის ვიზების გაცემა. ამის შესახებ ევროკავშირის უმაღლესმა წარმომადგენელმა, კაია კალასმა ევროპარლამენტში გამოსვლისას განაცხადა.კერძოდ, კალასმა აღნიშნა, რომ ცოტა ხნის წინ უნგრეთმა უკვე გააძევა 10 რუსი დიპლომატი. ასევე, ევროკავშირმა შეამცირა ევროკავშირში რუსეთის მისიის რაოდენობა.“არსებობს უფრო გადამწყვეტი ქმედებების პოტენციალი. შეგვიძლია კიდევ უფრო გავამკაცროთ შენგენის ზონის ფარგლებში რუსი დიპლომატების გადაადგილების კონტროლი, შეგვიძლია ავკრძალოთ ყოფილი რუსი მებრძოლებისთვის ვიზების გაცემა. უნდა გადავხედოთ რუსეთის მოქალაქეებისთვის ტურისტული ვიზების გაცემის პრაქტიკას. უნდა შევამციროთ პირთა რაოდენობა, რომლებიც თავდასხმებს ახორციელებენ ევროპულ ტერიტორიაზე,” - განაცხადა კალასმა.ევროკავშირის უმაღლესმა წარმომადგენელმა ასევე აღნიშნა რუსეთის დაფინანსების წყაროების შემცირების მნიშვნელობა. მისი თქმით, ევროკავშირის სანქციებმა უკვე წაართვა რუსეთის ეკონომიკას ტრილიონი ევრო.“ახლა ვასრულებთ მუშაობას სანქციების დღეისთვის პირთა ყველაზე დიდი სიაზე. ასევე თანმიმდევრულად ვახდენთ “ჩრდილოვანი ფლოტის” ლიკვიდაციას. ევროკავშირის სამხედრო-საზღვაო ოპერაციები წამყვან როლს თამაშობს საეჭვო გემების შემოწმებებში,” - განაცხადა კალასმა.

საქართველოსთვის „ტრამპთაუერი“ მოიტანს იმას, რომ მთელი მსოფლიოს მზერა მიპყრობილი იქნება საქართველოსკენ. დილით ბევრი ინტერვიუ მივეცი, ხმაც კი ჩამეხლიჩა, ვისაუბრე საქართველოზე, ამას ვაკეთებთ ხოლმე, რადგან ეს არის მსოფლიოში ნამდვილად ყველაზე ცნობილი და ძალიან ფართომასშტაბიანი უძრავი ქონების ბრენდი, – ამის შესახებ „ტრამპ ორგანიზაციის“ აღმასრულებელმა ვიცე-პრეზიდენტმა, ერიკ ტრამპმა განაცხადა.როგორც ერიკ ტრამპმა თბილისში, „ტრამპთაურის“ ოფიციალურ საერთაშორისო ღონისძიებაზე ვიდეოჩართვისას განაცხადა, როდესაც „ტრამპტაუერი“ თბილისში შემოვა, ქალაქი უფრო შესამჩნევი გახდება.„ახლა მოხდება განვითარების და დეველოპმენტის ახალი სტანდარტის განსაზღვრა და რადგანაც ჩვენ დიდ ყურადღებას ვაქცევთ ხარისხს, ადგილმდებარეობას, გვინდა, საქართველო მართლაც მოექცეს მსოფლიო რუკაზე და დიდი ყურადღება იქნეს გამოჩენილი საქართველოს მიმართ. ნიუ იორკში არის ყველაზე ცნობილი ცენტრალური პარკი და ჩვენ ახლა ვსაუბრობთ იმაზე, რომ იქ ყველაზე მაღალი შენობა არის 65-სართულიანი. გვიხარია, რომ მსგავსი ინიციატივა საქართველოშიც იქნება. დარწმუნებული ვარ, რომ ზუსტად ასეც მოხდება. ძალიან მიხარია, რომ ნიუ იორკის ცენტრალური პარკის გარდა, თბილისშიც, ცენტრალურ პარკთან იქნება ტრამპ თაუერი და ეს იქნება მართლაც გაგრძელება იმისა, რაც მამაჩემმა დაიწყო და ბევრი წლის წინ განახორციელა. ეს სახელი არის ძალიან მნიშვნელოვანი, ძალიან დიდებული. ეს შენობა არის მართლაც ფანტასტიკური და ეს გუნდი არის შესანიშნავი. ეს იქნება ისეთი პროექტი, რომელიც ნამდვილად იქნება საინტერესო მომავალი წლების განმავლობაში“, – განაცხადა ერიკ ტრამპმა.

პროკურორ მარიამ ბერძენიშვილის განცხადებით, კორუფციულ დანაშაულში ბრალდებული სახელმწიფო უსაფრთხოების სამსახურის ყოფილმა უფროსმა გრიგოლ ლილუაშვილმა სასამართლოს წინაშე ბრალდების ყველა ეპიზოდთან დაკავშირებით პოზიცია უარყო.როგორც პროკურორმა განმარტა, ლილუაშვილმა, მათ შორის, უარყო ქოლ-ცენტრების მფარველობასთან დაკავშირებული ბრალდებები და აღნიშნა, რომ ქოლ-ცენტრებთან დაკავშირებული დანაშაულები სუს-ის კომპეტენციაში არ შედიოდა.მისივე თქმით, ბრალდების მხარე ლილუაშვილის კონკრეტულ სისხლის სამართლის საქმეში ჩარევას ან მფარველობას არ ედავება, არამედ საუბარია მის გავლენებზე.„ბრალდებული გაემიჯნა ყველა ფაქტობრივ მოცემულობას. ანალოგიური შინაარსის დასკვნითი სიტყვით წარსდგა დღესაც ბრალდებული სასამართლოს წინაშე. ქოლ-ცენტრებთან დაკავშირებით ლილუაშვილმა ხაზი გაუსვა იმას, რომ ქოლ-ცენტრები თაღლითობის მუხლით კვალიფიცირდება და მან განმარტა, რომ ქოლ-ცენტრებს მფარველობას ვერ გაუწევდა, რადგან სახელმწიფო უსაფრთხოების სამსახურის ქვემდებარე მუხლი არ არის, თუმცა , რა თქმა უნდა, ეს არაფერს არ ნიშნავს. ბრალდების შესახებ დადგენილებაში არ არის საუბარი იმაზე, რომ კონკრეტულ სისხლის სამართლის საქმის ფარგლებში მოხდა მფარველობა, აქ მის გავლენებზეა საუბარი.ასევე ისაუბრა იმაზე, რომ ქარის ელექტროსადგურები, გაზთან დაკავშირებული საკითხები მას არ ეხებოდა. მსგავს საკითხებზე ისაუბრა ლილუაშვილმა“,- განაცხადა პროკურორმა.ბერძენიშვილის თქმით, ლილუაშვილმა სასამართლოს წინაშე ასევე აღნიშნა, რომ რომეო მიქაუტაძე მას არ ექვემდებარებოდა და, შესაბამისად, მასთან რაიმე გარიგებაში არ შევიდოდა.„ჩვენ არ ვსაუბრობთ იმაზე, რომ ოფიციალურად მის გამგებლობის ქვეშ, რაც იყო მხოლოდ ასეთ საკითხებს ლობირებდა. ყველა ეპიზოდთან დაკავშირებით რა შესაძლებლობის ფარგლებში აკეთებდა იმას, რაც დადგენილებაშია ასახული, ზუსტად ამას ვიკვლევდით და ჩვენი დასკვნითი სიტყვის ნაწილი, რა თქმა უნდა, ამას მიეძღვნა.რაც შეეხება რომეო მიქაუტაძეს, ლილუაშვილმა დღესაც ხაზი გაუსვა იმას, რომ ის არ იყო ადამიანი, ვინც მას ექვემდებარებოდა, შესაბამისად მასთან რამე გარიგებაში არ შევიდოდა, რადგან მიქაუტაძე არ სარგებლობდა კარგი სახელით“,- განაცხადა პროკურორმა.პროკურორის შეფასებით, საქმეზე გამოკვლეული მტკიცებულებები ოთხივე ეპიზოდთან დაკავშირებით ადასტურებს, რომ ლილუაშვილმა მისთვის ბრალად წარდგენილი ქმედებები ჩაიდინა.მისივე თქმით, ბრალდების მხარემ დაცვის მიერ წარმოდგენილი მტკიცებულებებიც შეაფასა, მათ შორის, დაცვის მხარის ერთ-ერთი მთავარი მოწმის, ელისო კილაძის მიერ მიწოდებული ინფორმაცია.„იმის გათვალისწინებით, რომ ის მტკიცებულებები ოთხივე ეპიზოდთან დაკავშირებით, რაც ჩვენს მიერ იქნა გამოკვლეული, დანაშაულის სპეციფიკიდან გამომდინარე,ნამდვილად ადასტურებს გონივრულ ეჭვს მიღმა სტანდარტით, რომ ბრალდებულმა ბრალად წარდგენილი ქმედება ჩაიდინა. ჩვენ შევაფასეთ დაცვის მახრის მიერ გამოკვლეული მტკიცებულებებიც, მათ შორის ერთ-ერთი მოწმე, ვისაც დაცვის მხარე ეყრდნობა, არის ელისო კილაძე, რომლის მიერ მოწოდებული ინფორმაცია ჩვენს მიერ შეფასდა და ვფიქრობ, რომ სასამართლომ უნდა გაიზიაროს ჩვენი მტკიცებულებიც და არგუმენტებიც", - განაცხადა პროკურორმა.

დღეს, 15 სექტემბერს, დიდ სქემაში აღიკვეცა ყინწვისის წმ. იოანე ნათლისმცემლის სახელობის მამათა მონასტრის ყოფილი წინამძღვარი ბერი ნაუმი (მაჭუტაძე) და ეწოდა სახელი იოანე (წმ. იოანე ნათლისმცემლის პატივსაცემად),- ამის შესახებ ინფორმაციას რუის-ურბნისის ეპარქია ავრცელებს.როგორც გავრცელებულ ინფორმაციაში ვკითხულობთ, სქემაში აღკვეცის წესი შეასრულა მონასტრის ამჟამინდელმა წინამძღვარმა, სქემმღვდელმონაზონმა სევერიანემ (მალაზონია).„უფალმა დალოცოს და გააძლიეროს სქემმონაზონი იოანე“,- ნათქვამია გავრცელებულ ინფორმაციაში.