ზურაბ ჯაფარიძე: „ოცნების“ მიმართ დასავლეთის დამოკიდებულება მკვეთრად შეიცვალა, მიხვდნენ, რომ გადამგდები და მატყუარები არიან

„საქართველოს ტექნიკური უნივერსიტეტის ქალთა ასოციაციისთვის დიდი პატივია, რომ 8 მარტის აღნიშვნა მადლიერებისა და პატივისცემის გამოხატვით შევძელით. ჩვენი საქველმოქმედო აქცია, რომელიც რექტორის, აკადემიკოს დავით გურგენიძის ინიციატივით და მხარდაჭერით რამდენიმე წელია ტარდება, მიზნად ისახავს უნივერსიტეტის იმ ღვაწლმოსილი მეცნიერი ქალბატონების მონახულებას, რომლებიც უკვე 90 წელს გადაცილებულნი არიან და რომლებმაც მნიშვნელოვანი წვლილი შეიტანეს უნივერსიტეტის სამეცნიერო-აკადემიური ტრადიციების ჩამოყალიბებასა და განვითარებაში. ეს ქალბატონები არიან არა მხოლოდ პროფესიონალიზმის მაგალითი, არამედ თაობათა შორის ცოდნისა და გამოცდილების გადაცემის ცოცხალი სიმბოლო. მათი მრავალწლიანი აკადემიური და სამეცნიერო საქმიანობა ათეულების განმავლობაში ქმნიდა იმ ინტელექტუალურ გარემოს, რომელსაც დღეს ჩვენი უნივერსიტეტი ეფუძნება“, - ამის შესახებ საქართველოს ტექნიკური უნივერსიტეტის ქალთა ასოციაციის ხელმძღვანელმა, პროფესორმა ნაზი კუციავამ სარვამარტო ღონისძიებაზე განაცხადა. სტუ-ის ინფორმაციით, ქალთა ასოციაციის ინიციატივით, ინფორმატიკისა და მართვის სისტემების ფაკულტეტისა და აგრარული მეცნიერებისა და ქიმიური ტექნოლოგიების ფაკულტეტის ჩართულობით, სარვამარტო აქცია გაიმართა, რომლის ფარგლებშიც უნივერსიტეტის ღვაწლმოსილ მეცნიერ ქალებს საჩუქრები გადაეცათ. როგორც ინფორმატიკისა და მართვის სისტემების ფაკულტეტის დეკანი აცხადებს, მსგავსი ინიციატივები განსაკუთრებით მნიშვნელოვანია იმ ადამიანების მხარდაჭერისა და დაფასებისთვის, რომლებმაც მნიშვნელოვანი წვლილი შეიტანეს უნივერსიტეტისა და მეცნიერების განვითარებაში. პროფესორ თალიკო ჟვანიას თქმით, უნივერსიტეტი დიდი აკადემიური ოჯახია, სადაც ერთმანეთის მხარდაჭერა, პატივისცემა და ტრადიციების შენარჩუნება განსაკუთრებულ მნიშვნელობას ატარებს. „განსაკუთრებით ღირებულია ტრადიცია, რომელიც ჩვენს უნივერსიტეტში არსებობს - ვაფასებდეთ და ყურადღებას ვაქცევდეთ იმ ადამიანებს, რომლებმაც მრავალი წლის განმავლობაში ერთგულად ემსახურნენ მეცნიერებასა და ახალგაზრდა თაობის აღზრდას. საქართველოს ტექნიკური უნივერსიტეტის ქალთა ასოციაციის მიერ ორგანიზებული საქველმოქმედო აქცია სწორედ ასეთი ღირებულებების გამოხატულებაა. განსაკუთრებულად ემოციური და მნიშვნელოვანი იყო იმ ღვაწლმოსილი მეცნიერ ქალბატონების მონახულება, რომლებიც უკვე 90 წელს გადაცილებულნი არიან და რომელთა პროფესიული ცხოვრება მჭიდროდ არის დაკავშირებული უნივერსიტეტის განვითარებასთან. ეს ადამიანები არიან ჩვენი აკადემიური ისტორიის მნიშვნელოვანი ნაწილი. მათ მიერ შექმნილი სამეცნიერო და პედაგოგიური მემკვიდრეობა დღემდე ახდენს გავლენას უნივერსიტეტის საგანმანათლებლო გარემოზე. სწორედ მათი შრომის, ცოდნისა და ერთგულების შედეგად ჩამოყალიბდა ის ძლიერი აკადემიური საძირკველი, რომელსაც ჩვენი უნივერსიტეტი ეფუძნება“, - აცხადებს დეკანი. სტუ-ის აგრარულ მეცნიერებათა და ქიმიური ტექნოლოგიების ფაკულტეტის დეკანის განცხადებით, საქართველოს ტექნიკური უნივერსიტეტის ქალთა ასოციაციის აქტივობები კიდევ ერთხელ უსვამს ხაზს უნივერსიტეტის ჰუმანურ ღირებულებებს, კოლეგიალურ ურთიერთობებსა და იმ პასუხისმგებლობას, რომელიც უნივერსიტეტს აკისრია ღვაწლმოსილი მეცნიერების მიმართ. „აზა დანელია, ნანული თევზაძე, ლენა კალანდაძე, ნელი მაისურაძე, ელმირა ჩხიკვაძე, მერი ციციშვილი, ნელი ჭიჭინაძე, ელისაბედ ხუხუნაიშვილი, ირა ჩხეიძე - ეს ადამიანები ჩვენი აკადემიური ტრადიციების მატარებლები არიან. მათი მრავალწლიანი სამეცნიერო და პედაგოგიური საქმიანობა მნიშვნელოვანი საფუძველია იმ წარმატებებისა, რასაც დღეს ჩვენი უნივერსიტეტი აღწევს. მათი გამოცდილება, პროფესიონალიზმი და მეცნიერებისადმი ერთგულება მომავალ თაობებს განსაკუთრებულ მაგალითს აძლევს. მსგავსი ინიციატივები არა მხოლოდ მადლიერების გამოხატვის საშუალებაა, არამედ გვახსენებს აკადემიური საზოგადოების ერთიანობისა და თაობებს შორის უწყვეტი კავშირის მნიშვნელობას. დარწმუნებული ვარ, რომ ასეთი აქტივობები მომავალშიც გაგრძელდება და კიდევ უფრო გააძლიერებს იმ ღირებულებებს, რომელზეც ჩვენი უნივერსიტეტი დგას - აკადემიურობას, ურთიერთპატივისცემას, კოლეგიალობას და მეცნიერებისადმი ერთგულებას“, - აცხადებს ლიანა თარგამაძე.

გარემოს დაცვისა და სოფლის მეურნეობის მინისტრი დავით სონღულაშვილი ამერიკის შეერთებული შტატების ელჩის მოვალეობის შემსრულებელს საქართველოში ალან პერსელს და აშშ-ის სოფლის მეურნეობის დეპარტამენტის (USDA) სოფლის მეურნეობის ატაშე რიშან ჩაუდრის შეხვდა.გარემოს დაცვისა და სოფლის მეურნეობის სამინისტროს ცნობით, შეხვედრაზე მხარეებმა სამომავლო თანამშრომლობის პერსპექტივები განიხილეს. მხარებმა გამოთქვეს მზაობა, რომ აშშ-ის სოფლი მეურნეობის დეპარტამენტი და გარემოს დაცვისა და სოფლის მეურნეობის სამინისტრო მჭიდროდ ითანამშრომლებენ იმ საკითხებზე რაც უკავშირდება საქართველოსა და აშშ-ს შორის ვაჭრობის ხელშეწყობის განვითარებას.ასევე, საუბარი შეეხო საქართველოს, როგორც რეგიონული სატრანზიტო ჰაბის მნიშვნელობას. აღნიშნულ კონტექსტში ყურადღება გამახვილდა სურსათის უვნებლობის და ცხოველთა ჯანმრთელობის დაცვის, ასევე, ლაბორატორიული შესაძლებლობების გაძლიერების საკითხებზე. ხაზგასმით აღინიშნა, რომ ქართული მხარე მზადაა ამერიკულ კომპანიებთან რეგიონში სატრანზიტო დაკავშირების კუთხით არსებული საკითხები და შეთავაზებები განიხილოს.დავით სონღულაშვილმა მადლობა გადაუხადა ალან პერსელს ამერიკასა და საქართველოს შორის მრავალწლიანი თანამშრომლობის ფარგლებში გაწეული მხარდაჭერისთვის როგორც აგრარული, ასევე გარემოსდაცვითი მიმართულებებით.შეხვედრაზე განხილული იყო სატყეო რეფორმის ფარგლებში დაგეგმილი აქტივობები, ასევე, ეროვნული პარკების მართვისა და განვითარების საკითხები. 

უნგრეთის საგარეო საქმეთა მინისტრი პიტერ სიიარტო ევროკავშირს მოუწოდებს, რუსეთის ნავთობზე დაწესებული სანქციები მოხსნას. ამის შესახებ პიტერ სიიარტომ სოციალურ ქსელში დაწერა.სიიარტო აღნიშნავს, რომ ახლო აღმოსავლეთში ვითარების ესკალაციისა და ჰორმუზის სრუტის დახურვის შემდეგ მსოფლიოში ენერგომომარაგება საფრთხის ქვეშაა.„ევროპა განსაკუთრებით დაუცველია, რადგან ევროკავშირმა უკვე აკრძალა რუსული ენერგორესურსების იმპორტი. ახლა ახლო აღმოსავლეთში კონფლიქტი გლობალურ მიწოდებასაც ამცირებს. მიწოდება როდესაც მცირდება, ფასები იზრდება. შესაბამისად, ევროპა ფასების მკვეთრი ზრდის რისკის წინაშე დგას“, – წერს სიიარტო.მისი თქმით, ევროპა სანქციებს თუ არ მოხსნის, მაშინ ეს სერიოზულ ზიანს მიაყენებს ევროპასა და ევროპელ ხალხს.„ფოკუსი უნდა იყოს არა იდეოლოგიის, არამედ ევროპელების ინტერესების დაცვა“, – აღნიშნა სიიარტომ. 

რუსეთის პრეზიდენტმა, ვლადიმირ პუტინმა მოჯტაბა ხამენეის ირანის უზენაეს ლიდერად არჩევა მიულოცა და დაადასტურა მოსკოვის მხრიდან თეირანის მხარდაჭერა.„ახლა, როდესაც ირანი ეწინააღმდეგება შეიარაღებულ აგრესიას, თქვენი მოღვაწეობა ამ მაღალ თანამდებობაზე უდავოდ მოითხოვს დიდ სიმამაცესა და თავდადებას. დარწმუნებული ვარ, თქვენ ღირსეულად გააგრძელებთ მამის საქმეს და გააერთიანებთ ირანელ ხალხს მძიმე განსაცდელის წინაშე.ჩემი მხრიდან მინდა, დავადასტურო ჩვენი უცვლელი მხარდაჭერა თეირანისადმი და სოლიდარობა ირანელ მეგობრებთან. რუსეთი იყო და იქნება ირანის ისლამური რესპუბლიკის სანდო პარტნიორი. წარმატებას გისურვებთ თქვენ წინაშე არსებული რთული ამოცანების გადაჭრაში, ასევე ჯანმრთელობასა და სულიერ სიძლიერეს“, – წერს პუტინი.

საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ, აკადემიური საბჭოს გადაწყვეტილებით, უნივერსიტეტის წინაშე გაწეული განსაკუთრებული დამსახურებისთვის, მეცნიერების განვითარებასა და ახალი თაობების აღზრდაში შეტანილი სოლიდური წვლილისთვის უნივერსიტეტის ხუთ პროფესორს სტუ-ის ოქროს მედლები და ჯილდოს დამადასტურებელი სიგელები გადასცა.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, გიორგი ნიკოლაძის დარბაზში გამართული აკადემიური საბჭოს სხდომაზე რექტორმა ოქროს მედლები სამშენებლო ფაკულტეტის ოთხ პროფესორს - გელა ყიფიანს, შახ ბაქანიძეს, ტარიელ კვიციანსა და თამაზ ბაციკაძეს გადასცა. აღნიშნული საპატიო ჯილდო ასევე ბიზნესტექნოლოგიების ფაკულტეტის პროფესორს - გიორგი ცაავას მიენიჭა.როგორც დავით გურგენიძემ აკადემიურ საბჭოზე განაცხადა, პროფესორებს - გელა ყიფიანს, შახ ბაქანიძეს, ტარიელ კვიციანს, თამაზ ბაციკაძესა და გიორგი ცაავას ათეულობით წელია განსაკუთრებული წვლილი შეაქვთ როგორც საქართველოს ტექნიკური უნივერსიტეტის წარმატებულ საქმიანობაში, ასევე მაღალი სტანდარტის შესაბამისად ახალი თაობის სწავლების პროცესში, რის საფუძველზეც აკადემიურმა საბჭომ მათი დაჯილდოების გადაწყვეტილება მიიღო.„საქართველოს ტექნიკური უნივერსიტეტის „ოქროს მედალი“ განსაკუთრებული მნიშვნელობის ჯილდოა, რომელიც მრავალწლიანი ნაყოფიერი საქმიანობის, პროფესიული თავდადებისა და უნივერსიტეტის წინაშე გაწეული მნიშვნელოვანი ღვაწლისთვის გაიცემა. ეს უნივერსიტეტის მხრიდან მადლიერებისა და პატივისცემის გამოხატულებაა იმ ადამიანების მიმართ, რომლებიც დიდი ერთგულებით ემსახურებიან არა მხოლოდ მეცნიერების განვითარებას, არამედ მნიშვნელოვან როლს ასრულებენ ახალგაზრდობის განათლებასა და პროფესიულ ჩამოყალიბებაში.ამჯერად, აკადემიური საბჭოს გადაწყვეტილებით საპატიო ჯილდო გადავეცით გამორჩეულ მეცნიერ-პედაგოგებს, რომლებსაც მრავალი წლის განმავლობაში მნიშვნელოვანი წვლილი შეაქვთ საქართველოს ტექნიკური უნივერსიტეტის აკადემიური და სამეცნიერო პოტენციალის გაძლიერებაში. მათი საქმიანობა, სამეცნიერო მიღწევები და სტუდენტებთან მუშაობა ნათელი მაგალითია იმისა, თუ როგორ უნდა ემსახურებოდეს მეცნიერი ინჟინერიის განვითარებას, ცოდნის გავრცელებასა და საზოგადოებრივ პროგრესს. ვულოცავ ჩვენს კოლეგებს ამ საპატიო ჯილდოს. ვუსურვებ მათ ჯანმრთელობას და კიდევ მრავალ წარმატებულ წელს მეცნიერებისა და განათლების სამსახურში,“ - აღნიშნა რექტორმა, აკადემიკოსმა დავით გურგენიძემ.სტუ-ის ინფორმაციით, 2022 წლის 19 მაისს დაწესებული ჯილდო - სტუ-ის „ოქროს მედალი” - რექტორის წარდგინების საფუძველზე და აკადემიური საბჭოს გადაწყვეტილებით, საქართველოს ტექნიკური უნივერსიტეტის წინაშე გაწეული განსაკუთრებული ღვაწლისთვის გაიცემა. აღნიშნული ჯილდო, დაარსებიდან დღემდე, 80-ზე მეტ მეცნიერ-მკვლევარს გადაეცა, მათ შორის არიან როგორც საქართველოს, ასევე უცხო ქვეყნის მოქალაქეები.