სადაა შესაძლებელი ბათუმში PCR-ტესტის ჩატარება – დეტალურად
Read Time:1 Minute, 25 Second
აქტიური PCR ტესტირება ბათუმის 5 პოლიკლინიკაში ხორციელდება, – ინფორმაციას აჭარის ჯანდაცვის სამინისტრო ავრცელებს.
ტესტირება შემდეგ კლინიკებში მიმდინარეობს:
ბათუმის N1 პოლიკლინიკა, მის: ტბელ აბუსერიძის ქ. N2;
საოჯახო მედიცინის რეგიონული ცენტრი, მის: ბარათაშვილის ქ.N30;
ევექსის ამბულატორია, მის: სელიმ ხიმშიაშვილის ქ. N20;
N4 პოლიკლინიკა, მის: ტაბიძის ქ. N7;
თამარის დასახლების საოჯახო მედიცინის რეგიონული ცენტრი, მის: ტბეთის ქ.N4.
მოქალაქეებს შეუძლიათ, აღნიშნულ კლინიკებს 10:00 – 17:00 საათამდე მიმართონ.
PCR ტესტირებისთვის კარვები გაშილილია ბათუმში ორ ლოკაციაზე – ე.წ. ხოფის ბაზრობისა და ავტოსადგურის მიმდებარე ტერიტორიაზე, ასევე ქობულეთის მუნიციპალიტეტში – მერიის შენობის მიმდებარედ.
აჭარაში კორონავირუსით გამოწვეული ინფექციის მართვაში, ბათუმის რესპუბლიკურ საავადმყოფოსთან ერთად, ჩაერთო კლინიკა მედალფა და ინფექციური საავადმყოფო, რომელთაც გუშინ უკვე მიიღეს კოვიდინფიცირებული პაციანტები. ამ ეტაპზე, მიმდინარეობს კიდევ 300-მდე საწოლის მობილიზება.
„რეგიონში არის საკმარისი მატერიალურ-ტექნიკური და ადამიანური რესურსი, ინფიცირებული პაციენტების სამედიცინო დაწესებულებებში განსათავსებლად. ყველა კოვიდინფიცირებული პაციენტი, რომელსაც ექნება სტაციონარში განთავსების საჭიროება, მიიღებს შესაბამის სრულყოფილ სერვისს.
18-65 წლამდე პაციენტებს, რომელთა დაავადებაც უსიმპტომოდ მიმდინარეობს, შესაბამის საკარანტინო სივრცეში, მედპერსონალის მუდმივი კონტროლის ქვეშ გადაიყვანენ.
კორონავირუსის ახალი შემთხვევებიდან 90 აჭარაში დაფიქსირდა, 15 – ქუთაისში, 15 – ეგურჰესის შემთხვევაა, 17 – დაავადებულთან კონტაქტით გამოვლენილი. 4 არის შემოტანილი, 11-ზე ეპიდკვლევა გრძელდება.
გამოჯანმრთელებულთა პროცენტული მაჩვენებელი 65 %-ს შეადგენს.
საქართველოში კორონავირუსის 152 ახალი შემთხვევა გამოვლინდა, 6 პაციენტი კი გამოჯანმრთელდა.
ამ დროისთვის საქართველოში კორონავირუსის 2227 შემთხვევაა დადასტურებული. განკურნებულთა რაოდენობა კი 1 369-ს შეადგენს. კორონავირუსის შედეგად ქვეყანაში 19 პაციენტი გარდაიცვალა.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0