ლაშა ტალახაძე: ჩემი საბოლოო მიზანი ტოკიოს ოლიმპიადაზე ორჭიდში ჯამში 500 კგ-ის დაფიქსირებაა
Read Time:34 Second
ჩემი საბოლოო მიზანი ტოკიოს ოლიმპიადაზე ორჭიდში ჯამში 500 კგ-ის დაფიქსირებაა, – ამის შესახებ ევროპის ხუთგზის ჩემპიონმა, ლაშა ტალახაძემ „ქრონიკასთან“ საუბრისას განაცხადა.
ტალახაძემ მოსკოვში ჩატარებულ ჩემპიონატზე ისაუბრა, სადაც ქართველმა სპორტსმენებმა ტურნირი 8 ოქროს, 4 ვერცხლისა და ერთი ბრინჯაოს მედლით დაასრულეს.
მისი თქმით, ქართველმა ძალოსნებმა ტურნირზე გუნდურად კარგი შედეგი აჩვენა.
„ჩვენ არა მარტო პირადში, გუნდურ შეჯიბრებებზეც გამყარებული გვაქვს სამეული და სხვა ქვეყნის წარმომადგენლებთან შედარებით ვლიდერობთ. ეს ძალიან კარგია, რომ სტაბილურად წინ მივიწევთ. მაინც ვიტყვი, რომ რამდენიმე გულდასაწყვეტი ფაქტი იყო ჩვენს სპორტსმენებთან დაკავშირებით, თუმცა სპორტში ყველაფერი ხდება“, – განაცხადა ტალახაძემ.
მან ისაუბრა ირაკლი თურმანიძესთან დაკავშირებით, რომელიც ასევე 109+ კილოგრამ წონაში გამოდიოდა, თუმცა ტრავმის გამო სათანადოდ ვერ იასპარეზა.
ტალახაძის თქმით, მისთვის სამწუხარო იყო ის ფაქტი, რომ თურმანიძემ შესაძლებლობები ვერ აჩვენა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
