ეპიდემიოლოგები ვირუსის გავრცელების მესამე ტალღას ელოდებიან
ეპიდემიოლოგები ვირუსის გავრცელების მესამე ტალღას ელოდებიან. სპეციალისტები განმარტავენ, რომ კვლავ გამოვლინდა ინფიცირების ჯგუფური შემთხვევები, რაც, ძირითადად, მასობრივ ღონისძიებებს უკავშირდება.
ეპიდემიოლოგები მოსახლეობას მოუწოდებენ, გაითვალისწინონ და დაიცვან პანდემიის პირობებში შემუშავებული კოვიდწესები, რადგან, წინააღმდეგ შემთხვევაში, წერტილოვანი შეზღუდვები ახალ ტალღას ვეღარ შეაჩერებს.
„მოსახლეობა, სამწუხაროდ, არ დაჰყვება ამ შეზღუდვებს. როგორმე გავითავისოთ, რომ თუ არ გვინდა მესამე ტალღაში შევიდეთ და განმეორდეს ნოემბერი და დეკემბერი ქვეყანაში, უნდა დავიცვათ რეკომენდაციები“ – ამბობს დაავადებათა კონტროლის ცენტრის დირექტორი, ამირან გამყრელიძე.
ალერგოლოგ-იმუნოლოგის, ბიძინა კულუმბეგოვის განცხადებით, ვირუსს თავისი გავრცელების პოტენციალი აქვს და მისი შემაკავებელი მხოლოდ სამი ფაქტორია.
„ერთი ეს არის პირბადე, რომელსაც შეუძლია, 30%-ით შემცირდეს ვირუსის გავრცელების მაჩვენებელი. სამიზნე ქვეყნად ითვლება სინგაპური, სადაც მოსახლეობის 95% შენობის შიგნით და გარეთ ატარებს პირბადეს და პანდემიის დაწყების პირველივე დღიდან ფაქტობრივად, პანდემია გაკონტროლებულია. მეორე ეს არის მობილობის შეზღუდვა. მარტივი სიტყვებით რომ ვთქვათ, ადამიანები სახლში ხელოვნურად დაამწყვდიო და მათ არ მისცე გარეთ გასვლის შესაძლებლობები. მესამე ეს არის ვაქცინაცია“ – ამბობს კულუმბეგოვი.
ჯანდაცვის მინისტრის მოადგილე, თამარ გაბუნია აცხადებს, რომ ვირუსის მომდევნო ტალღის თავიდან ასაცილებლად, აუცილებელია რეკომენტაციების დაცვა და ვაქცინაციის უფრო ინტენსიურად გაგრძელება.
„ჩვენ ვემზადებით ახალი ვაქცინების დანერგვისთვის და, ვფიქრობ, ძალიან მალე მნიშვნელოვნად გაფართოვდება ვაქცინაციით მოცვის მაჩვენებელი, რაც პირველი და მთავარი წინაპირობაა იმისთვის, რომ ჩვენ თავიდან ავიცილოთ ინფექციის შემდეგი ტალღები და ძალიან ბევრი ადამიანის სიცოცხლე გადარჩეს“, – განაცხადა თამარ გაბუნიამ.
ამ დროისთვის, საქართველოში კორონავირუსის 284 061 შემთხვევაა დადასტურებული. მათ შორის გამოჯანმრთელდა 275 024, გარდაიცვალა 3 822 პაციენტი.
About Post Author
ქეთევან ნინუა
Comments
ახალგაზრდა ქართველი მეცნიერი მოულოდნელად გარდაიცვალა
ცოტა ხნის წინ ახალგაზრდა კაცი გარდაიცვალა, სამწუხარო ინფორმაცია სოციალურ ქსელში ვრცელდება. „გალის საგანმანათლებლო რესურსცენტრი ღრმა მწუხარებით იზიარებს ქ. გალის მე-2...
20-ათასზე მეტი მოქალაქე მაისიდან მომატებულ კომპენსაციას მიიღებს – ვის შეეხება ცვლილება
ჯანმრთელობის დაცვისა და სოციალურ საკითხთა კომიტეტმა „სახელმწიფო კომპენსაციისა და სახელმწიფო აკადემიური სტიპენდიის შესახებ“ კანონში შესატანი ცვლილებები მესამე მოსმენით განიხილა და...
ზურა ყიფშიძის საჯარო კრიტიკა და შვილიშვილის პასუხი – “ვაი მე! სადა ბანაობ? შვილო! შე ვირიშვილო
ნატალია ყიფშიძის მიერ “ტელეკომპანია პირველის” პირდაპირ ეთერში გამოთქმულ აზრს, რომ აქციებზე ყოფნით ის ქვეყნის მომავალს იცავს, მისი ბაბუა, მსახიობი ზურა...
ბათუმში, ავარიას სამი წლის ბავშვის სიცოცხლე ემსხვერპლა
ბათუმში ავტოსაგზაო შემთხვევა ტრაგედიით დასრულდა, ავტომობილის შეჯახებას, სამი წლის ბავშვის სიცოცხლე ემსხვერპლა. დაშავებული სასწრაფო-სამედიცინო დახმარების ბრიგადამ კლინიკაში გადაიყვანა, თუმცა მისი...
საქართველოს ტექნიკური უნივერსიტეტის დოქტორანტი მიწისქვეშა წყაროების მარაგების ოპტიმალური განაწილების მეთოდიკას იკვლევს
საქართველოს ტექნიკური უნივერსიტეტის სამშენებლო ფაკულტეტის, საგანმანათლებლო პროგრამის - მშენებლობა, დოქტორანტი ნიკოლოზ კახიძე, პროფესორ ზურაბ გვიშიანის ხელმძღვანელობით, თემაზე - „დასახლებული პუნქტებისთვის...
საქართველოს ტექნიკურ უნივერსიტეტში სტუდენტთა 88-ე ღია საერთაშორისო სამეცნიერო კონფერენცია გაიხსნა
“სწორედ ასეთ კონფერენციებზე დაწყებული სტუდენტური სამეცნიერო საქმიანობა იქნება ის, რასაც მომავალში საქართველოს ეკონომიკა დაემყარება. ჩვენ გვქონდა საშუალება გავცნობოდით სტუდენტების მიერ...