ტაილანდის მეფე თვითიზოლაციისთვის ბავარიის სასტუმროში 20 ქალთან ერთად შეიკეტა

წმინდა ნიკოლოზს არაერთი სასწაული უკავშირდება, მათ შორის, საქართველოშიც.მოხუცი წყვილი და წმინდა ნიკოლოზიერთი კონსტანტინოპოლელი პატიოსანი ხელოსანი წმინდა ნიკოლოზისადმი საოცარი სიყვარულით იყო გამსჭვალული და ყოველწლიურად აღნიშნავდა მისი ხსენების დღეს. მოხუცებულობაში ის სიღატაკეში ჩავარდა. ერთხელ, წმინდა ნიკოლოზის ხსენების დღის მოახლოებისას, მოხუცმა მეუღლეს უთხრა:– ახლოვდება ჩვენი საყვარელი წმინდანის ხსენების დღე. ჩვენ კი არაფერი გვაქვს ამის აღსანიშნავადო.– შვილებიც არა გვყავს. ამიტომ არც ეს ხალიჩა გვჭირდება. მოდი, გავყიდოთ და აღებული თანხით აღვნიშნოთ ეს დღე, – ურჩია ცოლმა.მოხუცმა ხალიჩა გასაყიდად წაიღო. გზად წმინდა ნიკოლოზი შემოხვდა დიდებული მოხუცის სახით და ჰკითხა:– საით მიდიხარ, მეგობარო?– ხალიჩა უნდა გავყიდო.– როგორ ყიდი? – ჰკითხა მოხუცმა.– ადრე 8 ოქრო მაინც ეღირებოდა. შენ კი, რაც გინდა, ის მიბოძე, – უთხრა ხელოსანმა.წმინდანმა ხელოსანს 6 ოქრო მისცა, გამოართვა ხალიჩა და წავიდა. ამასობაში ხალხი შემოეხვია ხელოსანს და დაცინვა დაუწყო: – შენ რა, საკუთარ თავს ელაპარაკებიო?!– ვერ დაინახეთ, როგორ იყიდა ჩემი ხალიჩა მოხუცმა?არავინ დაუჯერა, რადგან მათ მართლაც არავინ დაუნახავთ.ამასობაში წმინდა ნიკოლოზი მოხუცის ცოლთან მივიდა, დაუბრუნა ხალიჩა და უთხრა: შენს ქმარს დიდი ხანია ვიცნობ. გზაში შემხვდა და მთხოვა, ეს ხალიჩა შენთვის მომეტანა – შემინახოსო უთხრა და ქალს გაშორდა. ხელოსნის ცოლს ეგონა, ქმარს დაენანა ხალიჩის გაყიდვა და შინ დაბრუნებულს უსაყვედურა, წმინდა ნიკოლოზისთვის მიცემული აღთქმა როგორ დაარღვიეო.– ვინ მოგიტანა ეს ხალიჩა? – ჰკითხა დაბნეულმა ცოლს. მანაც დაწვრილებით აღუწერა მოხუცი. ხელოსანმა სიხარულით შესძახა, – წმინდა ნიკოლოზს უყიდია ჩემგან ხალიჩაო. ორივემ მუხლმოდრეკით მადლობა შესწირა ღმერთს და წმინდა ნიკოლოზს, რომელიც მსწრაფლ შეეწევა ხოლმე მის თაყვანისმცემლებს.

ევროკავშირის ლიდერები უკრაინის დასაფინანსებლად რუსეთის გაყინული აქტივების გამოყენების ნაცვლად, ერთობლივ სესხზე შეთანხმდნენ, – ამის შესახებ „როიტერი“ წერს.რამდენიმესაათიანი მოლაპარაკების შემდეგ, ევროპული საბჭოს პრეზიდენტმა, ანტონიუ კოშტამ განაცხადა, რომ ლიდერები უკრაინის ფინანსური მხარდაჭერისთვის 90 მილიარდ ევროს გამოყოფაზე შეთანხმდნენ.ფინანსური სახსრები მოზიდული იქნება ევროკავშირის 27 ქვეყნიდან 24 ქვეყნის ერთობლივი სესხით, თუმცა გეგმის დამტკიცებას ყველა ქვეყნის თანხმობა სჭირდებოდა, რადგანაც სესხი უზრუნველყოფილია ევროკავშირის ცენტრალური გრძელვადიანი ბიუჯეტით.როგორც „როიტერი“ წერს, უნგრეთი, სლოვაკეთი და ჩეხეთი შეთანხმდნენ, გეგმა განხორციელდებოდა იმ პირობით, რომ მათზე ფინანსურად არ იმოქმედებდა.ევროკავშირის ლიდერებმა განაცხადეს, რომ ევროკავშირში რუსული აქტივები, რომელთა ჯამური ღირებულება 210 მილიარდ ევროს შეადგენს, გაყინული დარჩება ვიდრე მოსკოვი უკრაინას ომის რეპარაციებს არ გადაუხდის. მოსკოვი ოდესმე ასეთ ნაბიჯს თუ გადადგამს, უკრაინას შეუძლია, ეს თანხა სესხის დასაფარად გამოიყენოს.„ეს კარგი ამბავია უკრაინისთვის და ცუდი ამბავი რუსეთისთვის, ეს იყო ჩვენი განზრახვა“, – განაცხადა გერმანიის კანცლერმა, ფრიდრიხ მერცმა.

საქართველოს პრეზიდენტს, მიხეილ ყაველაშვილს სერბეთის პატრიარქმა, მისმა უწმინდესობამ, პორფირემ წმინდა სავას ტაძარში უმასპინძლა.მიხეილ ყაველაშვილი ტაძარში მეუღლესთან, თამარ ბაგრატიონთან, თანხმლები დელეგაციის წევრებთან, ასევე სერბეთის პირველ ლედისთან, თამარა ვუჩიჩთან ერთად იმყოფებოდა.პრეზიდენტის ადმინისტრაციის ინფორმაციით, საქართველოს დელეგაციის წევრებს, სერბეთის პატრიარქმა, მისმა უწმინდესობამ პორფირემ სავას ტაძრის ისტორიისა და იქ  დაცული უნიკალური სიწმინდეების თაობაზე მიაწოდა ინფორმაცია.საქართველოს დელეგაციის შემადგენლობაში არიან: საგარეო საქმეთა მინისტრი მაკა ბოჭორიშვილი, საქართველოს პარლამენტის დეპუტატები – ირაკლი მეზურნიშვილი, ირმა ზავრადაშვილი, გურამ მაჭარაშვილი, სერბეთის რესპუბლიკაში საქართველოს ელჩი ლევან ბერიძე და საქართველოს პრეზიდენტის ადმინისტრაციის წარმომადგენლები.

პუტინის მხრიდან ტყუილია  მტკიცება, რომ  უკრაინაში ინტერვენციისკენ უბიძგა ნატო-ს ექსპანსიონიზმმა, რადგან არასდროს ყოფილა უკრაინის ნატო-ში გაწევრიანების მინიმალური შანსიც კი, – ამის შესახებ გაერთიანებული სამეფოს ყოფილმა პრემიერ-მინისტრმა, ბორის ჯონსონმა გასულ კვირას ბერგენის უნივერსიტეტში, ჰოლბერგის დებატების დროს განაცხადა.„ჩვენი კოლექტიური უსაფრთხოების მომავლის შესახებ ყველა დებატი მდგომარეობს იმაში, როგორ ვპასუხობთ ამ პირდაპირ კითხვას. კერძოდ, გვაქვს თუ არა გამბედაობა, უზრუნველვყოთ უკრაინის როგორც თავისუფალი, სუვერენული და დამოუკიდებელი ქვეყნის გადარჩენა? ახლა, როდესაც ჩვენ აქ შეხვედრას ვმართავთ, უკრაინელები განაგრძობენ ბრძოლას და იღუპებიან, როგორც ჩვენ მათ მუდმივად ვეუბნებით, ჩვენი თავისუფლებისთვის, თუმცა არც ერთი დასავლელი ჯარისკაცი არ არის მზად, შეუერთდეს მათ ამ ბრძოლაში. ეს არის ქვეყანა, რომლის საზღვრებსაც ჩვენ ყველა ვაღიარებთ და რუსეთმაც აღიარა 1991 წელს, რომლის უსაფრთხოება ნომინალურად იყო გარანტირებული 1994 წელს და, რომელიც არცერთ ეტაპზე არ წარმოადგენდა საფრთხეს ვლადიმერ პუტინის რუსეთისთვის. მე ვესწრებოდი პრაქტიკულად ნატო-ს ყველა მნიშვნელოვან შეხვედრას 2016-დან 2022 წლამდე და არასდროს ყოფილა უკრაინის ნატო-ში გაწევრიანების მინიმალური შანსიც კი, რადგან ნებისმიერი მსგავსი შეთავაზება დაუყოვნებლივ გამოიწვევდა საფრანგეთის, გერმანიის, აშშ-ის და მრავალი სხვა სახელმწიფოს ვეტოს. და პუტინის მხრიდან საძაგელი ტყუილია იმის მტკიცება, რომ ინტერვენციისკენ უბიძგა ნატო-ს ექსპანსიონიზმმა მაშინ, როდესაც ის თავად არის ექსპანსიონისტი, რევანშისტი და ნეოიმპერიალისტი, რომელმაც დაისახა მიზნად უკრაინის დაპყრობა. მას ზარავს შედეგები, თუ უკრაინა აირჩევს გზას, რომელიც აშორებს მოსკოვს და მიჰყავს თავისუფალი, პლურალისტული, დემოკრატიული, დასავლეთ ევროპული იდენტობისკენ. სწორედ ეს სძულს მას, სწორედ ამის ეშინია და სწორედ ამიტომ შეიჭრა. მან ეს გააკეთა არა იმიტომ, რომ უკრაინა იყო დაცული ნატო-ს მიერ ან უკრაინა აპირებდა ნატო-ში გაწევრიანებას, არამედ სწორედ იმიტომ, რომ ის არ იყო დაცული ნატო-ს მიერ“, – განაცხადა ბორის ჯონსონმა.

სურსათის ეროვნული სააგენტოს სამეგრელო-ზემო სვანეთის რეგიონული დეპარტამენტის ინსპექტირების ჯგუფმა, შემოსული შეტყობინების საფუძველზე, ზუგდიდში, რუსთაველის ქ. N 96 მდებარე აგრარული ბაზარი, შ.პ.ს. ზუგდიდის სუპერმარკეტი (ს/ კ 219982400), არაგეგმურად შეამოწმა, - აღნიშნულია სააგენტოს მიერ გავრცელებულ ინფორმაციაში.მათივე განცხადებით, სახელმწიფო კონტროლის ფარგლებში, ყველის და ხორცის სარეალიზაციო განყოფილებებში გამოვლენილი შეუსაბამობების გამო (ჰიგიენური ნორმების დარღვევა და არასათანადო რეცხვა-დეზინფექცია) ბიზნესოპერატორი განმეორებითობის პრინციპით 5 000 ლარით დაჯარიმდა.„აღსანიშნავია, რომ მიმდინარე წელს აღნიშნული ობიექტი, სააგენტომ მითითებების შეუსრულებლობის გამო უკვე მეხუთედ დააჯარიმა.სურსათის ეროვნული სააგენტო აგრარულ ბაზრებს მთელი ქვეყნის მასშტაბით აქტიურად ამოწმებს.სურსათის ეროვნული სააგენტო მოუწოდებს მომხმარებლებს, რომ დარღვევის აღმოჩენის შემთხვევაში, ინფორმაცია დატოვონ ცხელ ხაზზე - 15-01.სამომხმარებლო ბაზრის ერთობლივი მონიტორინგი და მოსახლეობის აქტიური ჩართულობა სურსათის ეროვნულ სააგენტოს საშუალებას მისცემს, დროულად გამოავლინოს და აღმოფხვრას შეუსაბამობები“, - აცხადებენ სააგენტოში.