მდინარაძე ალასანიას განცხადებაზე: მათ გულში და ტვინში აქვთ დაპირისპირება, ხალხის დახოცვა და საბედნიეროდ აღარავინ ანდობს ხელისუფლებას საამისოდ

საქართველოში უახლოეს დღეებში ამინდი კვლავ ცვალებადი იქნება. გარემოს ეროვნული სააგენტოს პროგნოზის მიხედვით, 26 სექტემბერს ქვეყნის სხვადასხვა რეგიონში ხანმოკლე წვიმა და ელჭექია მოსალოდნელი, ზოგიერთ ადგილას კი შესაძლოა სეტყვაც აღინიშნოს.26 სექტემბერს ნალექიანი ამინდი ცალკეულ რაიონებში კვლავ შენარჩუნდება. დასავლეთ საქართველოში ზოგან ხანმოკლე წვიმა და ელჭექია მოსალოდნელი, ღამით კი ჩრდილოეთ მაღალმთიან რაიონებში შესაძლებელია ძლიერი ნალექი. დღისით დაბლობში ტემპერატურა +24, +29 გრადუსამდე მოიმატებს.აღმოსავლეთ საქართველოში ზოგან ხანმოკლე წვიმა და ელჭექია მოსალოდნელი, შესაძლებელია სეტყვაც. ბარში ჰაერის ტემპერატურა +22, +27 გრადუსის ფარგლებში იქნება.27 სექტემბრიდან ამინდი შედარებით დასტაბილურების ტენდენციას აჩვენებს. გარემოს ეროვნული სააგენტოს პროგნოზით, თბილისში 27 სექტემბერს დღისით დაახლოებით +27 გრადუსია მოსალოდნელი, 28 სექტემბერს კი ტემპერატურა კვლავ დაახლოებით +27 გრადუსამდე იქნება.

სამართლიანობა აღდგება მაშინ, როდესაც ყველა, ვინც საქმის „ჩაფარცხვაში“ მიიღო მონაწილეობა, დაჯდება საბრალდებო სკამზე და ექიმებიც დასხდებიან საბრალდებო სკამზე , - ამის შესახებ გარდაცვლილი მასწავლებლის, გიგა ავალიანის დედამ, ეკა კუპატაძემ „პალიტრანიუსის“ გადაცემაში „360 გრადუსი“ განაცხადა.ეკა კუპატაძის თქმით, რომ არა ქალაქის პროკურატურის ზედამხედველობის ქვეშ ამ საქმის მოქცევა, გიგას მკვლელებიდან ახლა მხოლოდ ალექსანდრე გაბაშვილი იქნებოდა დაკავებული და ალბათ, რამდენიმე თვეში მასაც გაათავისუფლებდნენ.„ცალსახად ვერ ვიტყვი, რომ სამართლიანობა აღდგა იმიტომ, რომ მიუხედავად იმისა, რომ ყველა არასრულწლოვანი ფიგურანტი დაკავებულია, მაინც გამოყოფილია საქმე და გრძელდება გამოძიება. ამ ეტაპზე არც მე მოვიაზრებ და არც პროკურატურა მოიაზრებს სხვა რომელიმე არასრულწლოვანს. გიგას მკვლელობაში უშუალოდ ფიგურანტები ვინც იყვნენ, ყველა ზის სკამზე, თუმცა გამოძიება გრძელდება.საბრალდებო სკამი ელოდება იმ პირებს, ვინც ჩაფარცხვაში მიიღო მონაწილეობა. იცის მთელმა საქართველომ, რომ რომ არა მკვლელობის განყოფილება და რომ არა ქალაქის პროკურატურის ზედამხედველობის ქვეშ ამ საქმის მოქცევა, გიგას მკვლელებიდან ახლა მხოლოდ ალექსანდრე გაბაშვილი იქნებოდა დაჭერილი და ალბათ, რამდენიმე თვეში მასაც გაათავისუფლებდნენ.სამართლიანობა აღდგება მაშინ, როდესაც ყველა, ვინც საქმის ჩაფარცხვაში მიიღო მონაწილეობა, დაჯდება საბრალდებო სკამზე და ექიმებიც დასხდებიან საბრალდებო სკამზე. როცა ვახსენებ ექიმებს, მე ყოველთვის ვამბობ იმას, რომ გიგას არ ჰქონდა სიცოცხლის შანსი. ექსპერტიზის დასკვნაში პირდაპირ გვიწერია, რომ მიზეზ-შედეგობრივი პირდაპირ დარტყმა იყო და ამან გამოიწვია გარდაცვალება, გიგა ავალიანი არ გადარჩებოდა, მაგრამ ვსაუბრობ იმიტომ, რომ იგივე სამედიცინო მომსახურების პირობებში სხვა პაციენტი, ვისაც ექნებოდა სიცოცხლის შანსი, ვერ გადარჩებოდა. მე საზოგადოებისგან ძალიან დიდი ვალი მაქვს და ეს ვალი ამით მაინც უნდა გადავუხადო, როკ ის ექიმები,ვინც გიგა ავალიანი მიიღო, ჩამოვაშორო სამუდამოდ სამედიცინო მიმართულებას“, - განაცხადა ეკა კუპატაძემ.

შესაძლოა, ირაკლი ღარიბაშვილი ფიქრობს, რომ ამ წერილებით შეძლებს თავისი პოზიციისა და სათქმელის იმ ადამიანებამდე მიტანას, ვისგანაც გარკვეულ რეაგირებას ელოდება. ამავე დროს, ვხედავთ, რომ სხვა ყოფილი მაღალჩინოსნები, რომლებიც პატიმრობაში იმყოფებიან, საჯარო განცხადებებისგან თავს იკავებენ , - ამის შესახებ „ქართული ოცნების“ ყოფილმა დეპუტატმა კახა კახიშვილმა საქართველოს ყოფილი პრემიერ-მინისტრის, ირაკლი ღარიბაშვილის მიერ საპატიმროდან გავრცელებულ წერილებთან დაკავშირებით განაცხადა.მისი თქმით, წერილების შინაარსიდან იქმნება შთაბეჭდილება, რომ ირაკლი ღარიბაშვილი ცდილობს საკუთარი პოზიცია და მის ხელთ არსებული ინფორმაცია მიაწვდინოს მათ, ვისგანაც გარკვეულ რეაგირებას ელოდება.„როგორც ჩანს, მას ბევრი სათქმელი დაუგროვდა და თავისი მდგომარეობიდან გამომდინარე გადაწყვიტა, ეს ყველაფერი საჯაროდ ეთქვა.შესაძლოა, ირაკლი ღარიბაშვილს ჰქონდა მოლოდინი, რომ ამ წერილებით გარკვეულ რეაქციას გამოიწვევდა იმ ადამიანების მხრიდან, ვისგანაც თავად ელოდება რეაგირებას. მეორე მხრივ კი, „ქართული ოცნების“ ხელმძღვანელობას შეიძლება სრულიად განსხვავებული ლოგიკა ჰქონდეს - მათ შეიძლება მიაჩნდეთ, რომ თუ ერთ კონკრეტულ შემთხვევაში წერილების ან საჯარო განცხადებების შედეგად რაიმე დათმობაზე წავლენ ან გადაწყვეტილებას შეცვლიან, ამან შესაძლოა სხვა მსგავს მდგომარეობაში მყოფ ადამიანებსაც გაუჩინოს მოლოდინი, რომ იგივე გზით შეძლებენ შედეგის მიღწევას. სწორედ ამიტომ, შესაძლებელია, ხელმძღვანელობამ ამ წერილებზე საერთოდ არ მოახდინოს ისეთი რეაგირება, როგორსაც ირაკლი ღარიბაშვილი შესაძლოა ელოდებოდეს.ჩემი აღქმით, წერილებში ერთ-ერთი მთავარი გზავნილი იყო ბიძინა ივანიშვილისთვის საკუთარი პოზიციისა და ინფორმაციის მიწოდება იმის შესახებ, თუ როგორ ხედავს თავად განვითარებულ მოვლენებს. ასეთ მდგომარეობაში მყოფი ადამიანის ქცევის შეფასება გარედან მარტივია, ამიტომ მე ვერც გავამტყუნებ და ვერც გავამართლებ. თავისუფლებაზე ყოფნის დროს ადამიანი შეიძლება ერთგვარად უყურებდეს მოვლენებს, ხოლო საპატიმრო დაწესებულებაში აღმოჩენის შემდეგ ბევრი რამ სხვაგვარად აღიქვას.რაც შეეხება სასამართლო პროცესებს, ჩემი პოზიციაა, რომ მაღალი საზოგადოებრივი ინტერესის მქონე საქმეებზე, თუ სხდომის დახურვის კონკრეტული სამართლებრივი აუცილებლობა არ არსებობს, განხილვა მაქსიმალურად ღია და გამჭვირვალე უნდა იყოს.ჩვენს ქვეყანას სასამართლო სისტემის თვალსაზრისით გაცილებით რთული პერიოდიც გაუვლია. გვახსოვს საქმეები, რომლებზეც წინა ხელისუფლების პერიოდში უმკაცრესი განაჩენები დგებოდა, ხოლო ხელისუფლების ცვლილების შემდეგ ცალკეულ შემთხვევებში გამამართლებელი განაჩენებიც დადგა.დღეს ჩვენი ამოცანა არ უნდა იყოს წარსულში დაბრუნება ან ვინმეს მიმართ განსხვავებული სტანდარტის გამოყენება. მთავარი მოთხოვნა უნდა იყოს, რომ კანონი და პროცედურული გარანტიები ყველას მიმართ თანაბრად მოქმედებდეს.მე პირადად არ მახსენდება ბოლო წლების პრაქტიკაში კორუფციის ან თანამდებობრივი დანაშაულის ისეთი გახმაურებული საქმეები, როდესაც სასამართლო პროცესების დახურვა ასეთი ფართო საზოგადოებრივი განხილვის საგანი გამხდარიყო. ამავე დროს, წინა ხელისუფლების პერიოდიდან გვახსოვს შემთხვევები, როდესაც საზოგადოებისთვის მნიშვნელოვანი ინფორმაციაც კი ხელმისაწვდომი არ იყო.თუ შევადარებთ სხვადასხვა პერიოდში სასამართლოს პრაქტიკას, მათ შორის გამამართლებელი და გამამტყუნებელი განაჩენების სტატისტიკას, გარკვეულ ცვლილებებსა და პროგრესს ნამდვილად დავინახავთ. სწორედ ამიტომ არის მნიშვნელოვანი, რომ არსებული კითხვები ღია და რაციონალური კომუნიკაციით გაიფანტოს და მიღწეული პროგრესის მიმართ საზოგადოებაში დამატებითი კითხვები არ გაჩნდეს.როდესაც ყოფილი მაღალი თანამდებობის პირების მიმართ მიმდინარე საქმეებზე სასამართლო სხდომები იხურება, საზოგადოებას ბუნებრივად უჩნდება კითხვა, რა კონკრეტული სამართლებრივი საფუძველი არსებობს ამისთვის. სხდომის დახურვის შესახებ გადაწყვეტილებას სასამართლო იღებს შესაბამისი შუამდგომლობისა და წარმოდგენილი არგუმენტების საფუძველზე. მე არ ვიცნობ ამ კონკრეტული გადაწყვეტილებების დასაბუთებას და ამიტომ მათ სამართლებრივ შეფასებას ვერ გავაკეთებ. ვფიქრობ, რაც უფრო მეტი ინფორმაცია ექნება საზოგადოებას ასეთი მაღალი ინტერესის მქონე საქმეების შესახებ, მით ნაკლები სივრცე დარჩება კითხვებისა და სხვადასხვა ინტერპრეტაციისთვის“, - განაცხადა კახა კახიშვილმა.

საქართველოს მოქალაქეებმა 4 ოქტომბერს ჩავატარეთ „ოცნების“ „გადარჩევნები“, „ოცნების“ „არჩევნების“ დღეს ჩვენ ისინი გადავირჩიეთ, – ამის შესახებ სოციალურ ქსელში 4 ოქტომბრის საქმეზე მსჯავრდებული პაატა ბურჭულაძე წერს.მისივე თქმით, არჩევნების ჩატარება კი, პოლიტიკოსებმა უნდა უზრუნველყონ.„4 ოქტომბერს ერთი წელი სრულდება, რაც პირველად საქართველოს ისტორიაში მოქალაქეებმა ჩავატარეთ ეროვნული კრება, რომელსაც არა მარტო ყველა ქალაქიდან და რაიონული ცენტრიდან, არამედ თითქმის ყველა სოფლიდანაც ესწრებოდნენ წარმომადგენლები. ასევე, კრებაზე სპეციალურად იყვნენ ჩამოსული დელეგატები აფხაზეთიდან (გალის რაიონი), სამაჩაბლოდან და ემიგრაციიდან.ერთ-ერთი პროცესზე ჩემმა ადვოკატმა ილიას სიტყვები მოიყვანა არგუმენტად ღვინის დაწურვაზე. ახალდაწურული ღვინო თავიდან დუღს და ყველაფერი ერთმანეთში ირევა, სიტკბო, სიმწარე და ნალექიც. მერე დრო გადის და ღვინო იწმინდება და თავის ნამდვილ ფერს იძენს. სწორედ ამ გზას გადის საქართველოს ეროვნული კრება და რაც დრო გადის, უფრო ფასდება მისი მნიშვნელობა. ბევრ არაკეთილმოსურნეს ამა თუ იმ მიზეზების გამო უნდოდა და ახლაც უნდა მისი დაკნინება, მაგრამ არ გამოუვიდა; კრება შედგა! მან ერთხმად მიიღო დეკლარაცია და ეს ფაქტია. მართალია „ოცნება“ ჯიუტად არ იმჩნევს, დეკლარაციას, რომელსაც ერთხმად ასობით ათასმა მოქალაქემ უყარა კენჭი და აგრძელებს ბოროტად „მთავრობანას“ თამაშს, მაგრამ ხალხის მხარდაჭერის გარეშე ის უკვე დიდხანს ვერ გასტანს.ვღებულობ წერილებს, მადლობელი ვარ იმ პოლიტიკოსების, რომლებიც მწერენ რომ მათ შეიცვალეს აზრი და ახლა ხედავენ, დადებითად აფასებენ კრების გადაწყვეტილებას და დარწმუნებული არიან, რომ რაც დრო გავა, ის უფრო დაფასდება და ის უკვე შევიდა საქართველოს ისტორიაში. იმ ოპო-პოლიტიკოსებს კი, რომლებიც დღესაც აკრიტიკებენ 4 ოქტომბერს, ვუსურვებ, რომ დაუსრულებელი ლაპარაკის და აზრების გამოთქმის გარდა უკეთესი სამოქმედო გეგმა შემოგვთავაზონ და ჩვენ საქართველოს მოქალაქეები მათ გავყვებით. მაგრამ ერთი რამ არ დაივიწყონ, რომ დინებას მხოლოდ მკვდარი თევზები მიჰყვებიან.შეგახსენებთ, რომ, საქართველოს მოქალაქეებმა, 4 ოქტომბერს ჩავატარეთ ოცნების „გადარჩევნები“; ხოლო არჩევნების ჩატარება პოლიტიკოსებმა უნდა უზრუნველყონ.ჩემო თანამებრძოლენო!• ჩვენ ეს შევძელით: ოცნების „არჩევნების“ დღეს, ჩვენ ისინი გადავირჩიეთ!• თვითმმარქვიების დრო სამუდამოდ უნდა მორჩეს საქართველოში. სანამ ერთად ვართ ჩვენ ვერც შიდა და ვერც გარე მტერი ვერ დაგვამარცხებს!• გამარჯვება გარდაუვალია!• გაუმარჯოს თავისუფალ, ერთიან, ევროპულ საქართველოს, ბრძოლა ბოლომდე!“, – წერს ბურჭულაძე.  

ამ ადამიანებს აქვთ მცდელობა, ქართული სახელმწიფოს წინააღმდეგ წავიდნენ. გაბრაზებულები არიან იმის გამო, რომ არ მოვისმინეთ მათი მუქარები და არ დავემორჩილეთ მათ მიერ გაჟღერებულ „მესიჯებს“, - ამის შესახებ „ქართული ოცნების“ გენერალურმა მდივანმა კახა კალაძემ საქართველოში ევროკავშირის წარმომადგენლობის მიერ გაკეთებული იმ განცხადების შეფასებისას აღნიშნა, რომელიც გორში, ქართველი მუსიკოსის ალექსანდრე კორძაიას (Kordz) კონცერტის გაუქმებას ეხებოდა.მისი განმარტებით, მმართველი გუნდის მიერ გადადგმულ ნაბიჯებში ყოველთვის მთავარი პრიორიტეტია სამშობლო და ქვეყნის ინტერესების დაცვა.„რეალურად ხომ ვიცით, რომ ამ ადამიანებს აქვთ მცდელობა, ქართული სახელმწიფოს წინააღმდეგ წავიდნენ. პირდაპირ ვთქვათ: გაბრაზებულები არიან იმის გამო, რომ არ მოვისმინეთ მათი მუქარები და არ დავემორჩილეთ მათ მიერ გაჟღერებულ „მესიჯებს“, რომ ქვეყანაში მეორე ფრონტი გაგვეხსნა და მივერთებოდით სანქციებს. ჩვენი მხრიდან გადადგმულ ნაბიჯებში მთავარი პრიორიტეტი იყო სამშობლო და ქვეყნის ინტერესების დაცვა. ეს არ მოსწონთ და მთელი ამ ხნის განმავლობაში გრძელდება შეტევა ქართულ სახელმწიფოზე და ხელისუფლებაზე, რომელიც ქართველი ხალხის მიერ არის არჩეული. ეს სავარაუდოდ მომავალშიც გაგრძელდება, რაც სამწუხარო რეალობაა“, - აღნიშნა თბილისის მერმა.მისივე განმარტებით, საქართველოში სიტყვისა და გამოხატვის თავისუფლება დაცულია, თუმცა განსხვავებული მოსაზრებების დაფიქსირება უნდა მოხდეს კორექტულად და არა შეურაცხყოფის ფარგლებში.„საქართველოში გამოხატვის თავისუფლება დაცულია. დღეს ნებისმიერ ადამიანს აქვს შესაძლებლობა, გამოთქვას თავისი მოსაზრება, მაგრამ, როგორც ამ უსამშობლო ადამიანების პატრონები გარედან გვეუბნებიან, რომ შეურაცხყოფით, ცილისწამებით, მუქარით და ფიზიკური გასწორებით ვიმოქმედოთ, ეს არ არის სიტყვისა და გამოხატვის თავისუფლება. ეს არის დანაშაული და ყველაფერს უნდა დავარქვათ თავისი სახელი. როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია. გაქვს საშუალება, გამოთქვა მოსაზრება თუნდაც სცენიდან, მაგრამ ეს უნდა იყოს კორექტულობის, კანონისა და წესიერების ფარგლებში“, - განაცხადა კახა კალაძემ.შეგახსენებთ, რომ დანიის კულტურის ინსტიტუტმა სოციალურ ქსელში გაავრცელა განცხადება, სადაც აღნიშნა, რომ უსაფრთხოების მიზნებიდან გამომდინარე, „კამარა ფესტივალი“ დაგეგმილი სახით ვერ ჩატარდება და, შესაბამისად, ის გადაიდო. მოგვიანებით საქართველოში ევროკავშირის წარმომადგენლობა აღნიშნულ ფაქტს გამოეხმაურა და განცხადება გაავრცელეს.„30 წელია, ევროკავშირი მხარს უჭერს კულტურულ სფეროს საქართველოში – ეხმარება ქვეყანას უნიკალური კულტურული მემკვიდრეობის შენარჩუნებაში, ხელს უწყობს შემოქმედებით ინდუსტრიებს, საქართველოს ხელოვანებსა და კულტურულ სფეროში მოღვაწე ორგანიზაციებს მათ ევროპელ კოლეგებთან აკავშირებს. ევროკავშირს შემოქმედებითი გამოხატვის თავისუფლების მტკიცედ სჯერა,“ - ნათქვამი იყო განცხადებაში.