წაქაძე-ტყიბულის შენარჩუნება უფრო მნიშვნელოვანია, ვიდრე ხელფასების მომატება

დღეს ლუქსემბურგში ევროკავშირის საგარეო საქმეთა საბჭოს შეხვედრა გაიმართება, რომელზედაც საქართველოს საკითხსაც განიხილავენ.“უმაღლესი წარმომადგენელი ისაუბრებს საქართველოში არსებულ ვითარებაზე და მინისტრებს მიაწვდის ინფორმაციას უახლესი მოვლენების შესახებ, მათ შორის 2025 წლის 4 ოქტომბერს ჩატარებული მუნიციპალური არჩევნებისა და დემოკრატიული უკუსვლის შესახებ“, - აღნიშნულია ევროკავშირის ვებგვერდზე გამოქვეყნებულ ინფორმაციაში.ამასთან, საბჭო განიხილავს უკრაინის წინააღმდეგ რუსეთის აგრესიასთან დაკავშირებულ უახლეს მოვლენებს, გაცვლის მოსაზრებებს ევროკავშირსა და ინდო-წყნარი ოკეანის რეგიონს შორის ურთიერთობებზე.ევროკავშირის საგარეო საქმეთა მინისტრები ახლო აღმოსავლეთში არსებულ ვითარებაზეც ისაუბრებენ. მიმდინარე მოვლენების ფარგლებში კი მათ მიეწოდებათ ინფორმაცია საქართველოს, მოლდოვასა და სუდანის საკითხებთან დაკავშირებით.საგარეო საქმეთა საბჭოს შეხვედრა საქართველოს დროით 11:15 საათზე დაიწყება და მას ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, კაია კალასი უხელმძღვანელებს.

აშშ-ის პრეზიდენტმა, დონალდ ტრამპმა უკრაინის პრეზიდენტ ვოლოდიმირ ზელენსკის მოუწოდა, რუსეთსა და უკრაინას შორის ომის დასრულების თაობაზე რუსეთის პირობები მიიღოს, – ამის შესახებ გამოცემა „ფაინენშელ თაიმსი“ საკუთარ წყაროებზე დაყრდნობით წერს.როგორც გამოცემა წერს, ტრამპმა ზელენსკის განუცხადა, რომ წინააღმდეგ შემთხვევაში ვლადიმერ პუტინი უკრაინას „განადგურებით“ დაემუქრა. როგორც გამოცემა წერს, აშშ-ის პრეზიდენტმა გვერდზე გადადო უკრაინის ფრონტის ხაზის რუკები, მოითხოვა, რომ ზელენსკის მთელი დონბასის რეგიონი პუტინისთვის ჩაებარებინა და არაერთხელ გაიმეორა რუსეთის ლიდერის მიერ ერთი დღით ადრე სატელეფონო საუბრისას წამოჭრილი საკითხები.ამასთან, სტატიის მიხედვით, ზელენსკი და მისი გუნდი თეთრ სახლში იმ იმედით მივიდნენ, რომ ტრამპს დაარწმუნებდნენ, რომ მათთვის შორ მანძილზე მოქმედი „ტომაჰავკის“ ტიპის ფრთოსანი რაკეტები მიეწოდებინა, თუმცა აშშ-ის პრეზიდენტმა საბოლოოდ ამაზე უარი თქვა.ლიდერების შეხვედრის შესახებ ინფორმირებული ევროპელი ოფიციალური პირის სიტყვებით, ტრამპმა ზელენსკის უთხრა, რომ, პუტინის თქმით, კონფლიქტი იყო „სპეციალური ოპერაცია და არა ომი“ და დასძინა, რომ უკრაინის ლიდერს შეთანხმების დადება მოუწევს, წინააღმდეგ შემთხვევაში უკრაინა განადგურდება.როგორც გამოცემა „ფაინენშელ თაიმსი“ წერს, ტრამპმა შეხვედრისას ასევე თქვა, რომ რუსეთის ეკონომიკა „შესანიშნავად ფუნქციონირებს“. ამასთან, ზელენსკიმ საბოლოოდ მოახერხა ტრამპის დარწმუნება, რომ ფრონტის ამჟამინდელი ხაზების გაყინვას მხარს დაუჭერდა.შეხვედრის შემდეგ ტრამპმა მედიას განუცხადა, რომ მხარეებმა ომი უნდა შეწყვიტონ ფრონტის ხაზზე. ზელენსკიმ თქვა, რომ ეს მნიშვნელოვანი იყო.თეთრ სახლში გამართული დისკუსიების შესახებ ინფორმირებულმა კიდევ სამმა ევროპელმა ოფიციალურმა პირმა გამოცემასთან დაადასტურა, რომ ტრამპმა შეხვედრის დიდი ნაწილი ზელენსკისთვის ლექციების კითხვას დაუთმო, კონფლიქტთან დაკავშირებით პუტინის არგუმენტებს იმეორებდა და მას რუსეთის წინადადების მიღებისკენ მოუწოდებდა.

აშშ-ში საერთაშორისო სავალუტო ფონდისა და მსოფლიო ბანკის ყოველწლიური შეხვედრების ფარგლებში საქართველოს დელეგაციის ვიზიტი და შეხვედრები ძალიან ნაყოფიერი გამოდგა, – ამის შესახებ საქართველოს ეროვნული ბანკის პრეზიდენტმა, ნათია თურნავამ აშშ-ში ვიზიტის შეჯამებისას განაცხადა.მისი თქმით, ინტენსიური კვირა იყო, რომლის ფარგლებშიც შედგა არაერთი მნიშვნელოვანი და მაღალი დონის შეხვედრა თუ დისკუსია.„საუბრები გვქონდა მიმდინარე და სამომავლო თანამშრომლობაზე. უახლოეს პერიოდში საქართველოში სსფ-ის მისიების ვიზიტებს ველოდებით. მათ შორის განსაკუთრებით მნიშვნელოვანია ე.წ. მეოთხე მუხლის მიმოხილვა, რომელიც აჯამებს ჩვენს ეკონომიკურ მდგომარეობას. იცით, რომ წინა მიმოხილვის შემდეგ გამოქვეყნდა ძალიან პოზიტიური ანგარიში, რომელშიც ხაზგასმული იყო საქართველოს ეკონომიკის განვითარება და მედეგობა სხვადასხვა შოკის მიმართ, მათ შორის მონეტარული პოლიტიკის ეფექტიანობა. დარწმუნებული ვართ, რომ შემდეგი მიმოხილვაც ასეთივე პოზიტიური შეფასებებით დასრულდება. ასევე იცით, რომ სსფ-თან მიმდინარე ტექნიკური დახმარების მისიები და ტექნიკური დახმარების პროექტები გვაქვს. მივმართეთ თხოვნით, რომ გაზარდონ და გააფართოონ ეს თანამშრომლობა, რაზეც ასევე პოზიტიური გამოხმაურება მივიღეთ“, – აღნიშნა ნათია თურნავამ.დელეგაციის წევრებს შორის იყვნენ საქართველოს ფინანსთა მინისტრი ლაშა ხუციშვილი, სებ-ის ვიცე-პრეზიდენტები ეკატერინე მიქაბაძე და ეკატერინე გალდავა, ფინანსთა მინისტრის მოადგილე ეკატერინე გუნცაძე, ეკონომიკისა და მდგრადი განვითარების მინისტრის მოადგილე ვახტანგ ცინცაძე.ერთკვირიანი ვიზიტის ფარგლებში ნათია თურნავამ შეხვედრები გამართა საერთაშორისო სავალუტო ფონდის მმართველი დირექტორის მოადგილესთან, ბო ლისთან, სსფ-ის ცენტრალური აზიისა და შუა აღმოსავლეთის დეპარტამენტის დირექტორთან, ჯიჰად აზურთან და საქართველოში სსფ-ის მისიის ხელმძღვანელთან, ალეხანდრო ჰაჟდენბერგთან.ეროვნული ბანკის პრეზიდენტი ასევე შეხვდა ევროპასა და ცენტრალურ აზიაში მსოფლიო ბანკის ვიცე-პრეზიდენტს, ანტონელა ბასანის და აღმასრულებელ დირექტორს, იუჯინ რუგენაათს.გარდა ამისა, ორმხრივი თანამშრომლობის ფორმატში ნათია თურნავა ინდოეთის სარეზერვო ბანკის პრეზიდენტს, სანჯაი მალჰოტრას შეხვდა, რა დროსაც საქართველოსა და ინდოეთის ცენტრალურ ბანკებს შორის ურთიერთგაგების მემორანდუმის გაფორმება გადაწყდა. ვიზიტის ფარგლებში შეხვედრები გაიმართა ამერიკული საინვესტიციო კომპანიების – J.P. Morgan-ის, Citibank-ისა და Bank of America-ს ინვესტორებთან, სადაც ნათია თურნავა მსხვილი საერთაშორისო საინვესტიციო ფონდების წარმომადგენლებისა და ინსტიტუციონალური ინვესტორების წინაშე საქართველოს საინვესტიციო პოტენციალისა და მაკროეკონომიკური გარემოს შესახებ პრეზენტაციით წარდგა.აშშ-ში ვიზიტისას სებ-ის პრეზიდენტმა მონაწილეობა მიიღო სსფ-ის მიერ ორგანიზებულ მაღალი რანგის მრგვალი მაგიდის დისკუსიაში. ასევე, კავკასიისა და ცენტრალური აზიის რეგიონის ცენტრალური ბანკის მმართველებისა და ფინანსთა მინისტრებისთვის ორგანიზებულ შეხვედრაში.

საქართველოში მიწისძვრა მოხდა. ეპიცენტრი ნინოწმინდის მუნიციპალიტეტში, სოფელი ფოკაა.ბიძგების სიმძლავრემ 3.5 მაგნიტუდა შეადგინა.დამატებითი ინფორმაცია არ გავრცელებულა.

ღარიბაშვილს არ უქნია არაფერი ისეთი, რასაც არ აკეთებს „ქართული ოცნების“ ძალიან ბევრი მაღალჩინოსანი, – ამის შესახებ „საერთაშორისო გამჭვირვალობა-საქართველოს“ ხელმძღვანელმა, ეკა გიგაურმა განაცხადა.გიგაურის თქმით, ძალიან აშკარაა, რომ პოლიტიკურ დაპირისპირებასაც აქვს ადგილი.მისივე შეფასებით, ირაკლი ღარიბაშვილის პრემიერობის დროს ქვეყანა იზოლაციაში არ იყო.„ღარიბაშვილს არ უქნია არაფერი ისეთი, რასაც არ აკეთებს ძალიან ბევრი „ქართული ოცნების“ მაღალჩინოსანი. ჩემი აზრით, აქ ალბათ მაინც საუბარი იმაზეა, რომ ღარიბაშვილს უფრო მეტი მხარდამჭერი ჰყავს, მათ შორის „ოცნებაში“. მიუხედავად იმისა, რომ ის იმავეს აკეთებდა, მაგალითად, ჩვენ, სამოქალაქო საზოგადოების წარმომადგენლებს ძირგამომთხრელებს ის გვეძახდა, გარკვეულ კანონებსაც იღებდნენ მისი ლობირებით, მისი მხარდაჭერითაც და ა.შ. მაგრამ, მიუხედავად ამისა, ის მაინც ახერხებდა, რომ ქვეყანა არ იყო იზოლაციაში. ის არის ადამიანი, რომელიც თავიდანვე იდგა „ქართული ოცნების“ სათავეებში. 2012 წელს ის იქ იყო და კობახიძე მახსოვს, ჩემთან ოფისში დადიოდა, გაერო-ს ექსპერტი, თუ რაღაც იყო. არ ვაქებ და ნამდვილად მან დაიწყო სამოქალაქო საზოგადოების წინააღმდეგ ბრძოლა, მაგრამ თვითონ „ოცნების“ ამომრჩევლისთვის, დარწმუნებული ვარ, რომ ეს ადამიანი უფრო მისიანია, ვიდრე დღევანდელი მათი პრემიერ-მინისტრი. ამიტომ ეს ყველაფერი ალბათ შიგნით არის სანერვიულო, მათ შორის კობახიძისთვისაც, რადგან, ფაქტობრივად, იგივეს აკეთებდა ადამიანი, მაგრამ იზოლაციაში ქვეყანა არ ჰყავდა. ახლა ამათ ხელსაც არავინ ართმევთ – სანქციები, ბევრი რაღაც მოხდა. მგონია, რომ ეს არის შიგნით უკმაყოფილების, ეჭვიანობის საგანი“, – განაცხადა ეკა გიგაურმა „ტვ პირველის“ ეთერში.