XI საუკუნის რელიგიური ტექსტის ქვეშ დამალული უძველესი სამედიცინო ჩანაწერები რენტგენით აღმოაჩინეს

საქართველოს პარლამენტის თავმჯდომარე შალვა პაპუაშვილი სოციალურ ქსელში პოსტს აქვეყნებს და პრესის დამოუკიდებლობის მსოფლიო დღესთან დაკავშირებით დიდი ბრიტანეთისა და ფინეთის ერთობლივ მოსაზრებას ეხმაურება.„მედიის თავისუფლების კოალიციის“ თანათავმჯდომარე სახელმწიფოების, ბრიტანეთისა და ფინეთის ერთობლივი მოსაზრება საქართველოში ბრიტანეთის საელჩოს გვერდზე გამოქვეყნდა.„როდესაც კითხულობ ამ ყალბი პათეტიკით გაჯერებულ ტექსტს იმ საელჩოს მხრიდან, რომელიც, უკვე ორი თვეა, ორი წამყვანი ქართული მედიის მოკვლას ცდილობს, მხოლოდ ერთი შეფასება გიჩნდება – ნიანგის ცრემლები“, – წერს შალვა პაპუაშვლი.

საქართველოს ტექნიკურ უნივერსიტეტში, ქვეყანაში ქრისტიანობის სახელმწიფო რელიგიად გამოცხადების 1700 წლისთავისადმი მიძღვნილი ღონისძიებების ფარგლებში, კუტურულ-საგანმანათლებლო პროგრამა „ქართული თვითმყოფადობის“ ეგიდით, სტუდენტებისთვის ხელოვნებათმცოდნეობის დოქტორის - ასმათ ოქროპირიძის საჯარო ლექცია „ქართული ხეზე კვეთილობა“ გაიმართა. ინფორმაციას საქართველოს ტექნიკური უნივერსიტეტი ავრცელებს. სტუ-ის ცნობით, ღონისძიების ორგანიზატორები, „Logos - ქრისტიანული კვლევის საერთაშორისო ცენტრთან“ ერთად, საქართველოს ტექნიკური უნივერსიტეტის თეოლოგიის სამეცნიერო კვლევითი ცენტრი და ქრისტიანული კულტურის კვლევის ლაბორატორია არიან. საჯარო ლექციას მოდერაციას უწევდა საქართველოს მეცნიერებათა ეროვნული აკადემიის აკადემიკოსი, „ქართული ენის განმარტებითი ლექსიკონის” მთავარი რედაქტორი, ენათმეცნიერი ავთანდილ არაბული. ღონისძიებას სტუდენტებთან ერთად ესწრებოდნენ სტუ-ის სამართლისა და საერთაშორისო ურთიერთობების ფაკულტეტის დეკანი, ასოცირებული პროფესორი ივანე (მამუკა) გიორგაძე, სტუ-ის დიზაინის საერთაშორისო სკოლის დეკანი, პროფესორი მალხაზ რაზმაძე, ამავე ფაკულტეტის პროფესორ-მასწავლებლები და სხვა მიწვეული პირები. როგორც გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრის მკვლევარმა, დოქტორმა ასმათ ოქროპირიძემ აღნიშნა, საქართველოში ხეზე კვეთილობის კულტურა მრავალსაუკუნოვან ტრადიციას ეფუძნება და ეროვნული კულტურული მემკვიდრეობის ერთ-ერთი გამორჩეული მიმართულებაა. მისი თქმით, ხეზე კვეთის ხელოვნება და მასთან დაკავშირებული ტექნოლოგიები საუკუნეების განმავლობაში ვითარდებოდა, ავლენდა ღვთისმეტყველებით შთაგონებულ მდიდარ მხატვრულ ფორმებს და მუდამ ინარჩუნებდა ღრმა სულიერ კავშირს ქრისტიანულ ღირებულებებთან. საჯარო ლექციაზე, რომელმაც ახალგაზრდების დიდი ინტერესი გამოიწვია, მკვლევარმა ვრცლად ისაუბრა საქართველოში ხეზე კვეთილობის ისტორიაზე, განვითარების ეტაპებსა და სტილისტურ თავისებურებებზე საქართველოს მხარეების მიხედვით. ასმათ ოქროპირიძემ სტუდენტებს გააცნო მდიდარი ვიზუალური მასალა - როგორც უძველესი ოსტატების მიერ შესრულებული უნიკალური ნიმუშები, ისე თანამედროვე ხელოვანთა მიერ შექმნილი მაღალმხატვრული ნამუშევრები. განსაკუთრებული ყურადღება დაეთმო ტაძრების დეკორატიულ ელემენტებს, საკურთხევლებს, კარიბჭეებს, ხატებს და სხვადასხვა არქიტექტურულ დეტალებს, რაც ქართული ხეზე კვეთილობის საგანძურად არის მიჩნეული. ასმათ ოქროპირიძემ ყურადღება გაამახვილა ქართული ხეზე კვეთილობის ტრადიციებზე, მის ესთეტიკურ და ფილოსოფიურ საფუძვლებზე, სიმბოლიკასა და ორნამენტებზე, ასევე იმ ღრმა სულიერებასა და შინაარსზე, რომელიც თითოეულ ნამუშევარშია ჩადებული. როგორც ლექციის დასასრულს, სტუ-ის სამართლისა და საერთაშორისო ურთიერთობების ფაკულტეტის დეკანმა აღნიშნა, პროექტი „ქართული თვითმყოფადობა“ მიზნად ისახავს ახალგაზრდებში საქართველოს ისტორიის სიღრმისეულ გააზრებას, ხელს უწყობს ახალგაზრდებში ისტორიული მეხსიერების განმტკიცებას, კულტურული მემკვიდრეობისა და ეროვნული ღირებულებების უკეთ გაცნობიერებას და ეხმარება სახელმწიფოებრივი ხედვის ჩამოყალიბებაში. მისი თქმით, საჯარო ლექციათა ციკლის მეშვეობით სტუდენტები იღებენ ცოდნას უმნიშვნელოვანესი მოვლენებისა და ქვეყნის შიგნით თუ საერთაშორისო არენაზე ჩამოყალიბებული ურთიერთობების შესახებ, რაც მთლიანობაში ქმნის საქართველოს ისტორიისა და კულტურის სრულ და გააზრებულ სურათს. ცნობისათვის, მიმდინარე წელს საქართველო ქრისტიანობის სახელმწიფო რელიგიად გამოცხადების 1700 წლისთავს აღნიშნავს. თარიღთან დაკავშირებით, მეცნიერთა და კულტურის მოღვაწეთა თაოსნობით, საქართველოს საპატრიარქოსა და საქართველოს მეცნიერებათა ეროვნული აკადემიის მხარდაჭერით, შემუშავდა სამწლიანი კულტურულ-საგანმანათლებლო პროგრამა - „ქართული თვითმყოფადობა“, რომელიც 2024 წლის მაისიდან ამოქმედდა. პროგრამის მიზანია, საზოგადოების ჩართულობით, გაანალიზოს ისტორიის ის უმნიშვნელოვანესი ეტაპები, რომელთაც განსაზღვრეს საქართველოს უნიკალური კულტურა და ფასეულობები. ჩატარებული საჯარო ლექციების ვიდეოჩანაწერების ნახვა შესაძლებელია Youtube არხზე, მისამართით: logos ქრისტიანული კვლევის საერთაშორისო ცენტრი.

საქართველოს პრემიერ-მინისტრი ირაკლი კობახიძე ევროსაბჭოს გენერალურ მდივანთან, ალენ ბერსესთან შეხვედრას სოციალურ ქსელ X-ზე ეხმაურება.როგორც მთავრობის მეთაური აღნიშნავს, შეხვედრაზე განიხილეს საქართველოს მჭიდრო თანამშრომლობა ევროსაბჭოსთან.„ერევანში ორგანიზებული ევროპის პოლიტიკური გაერთიანების სამიტის ფარგლებში შევხვდი ევროსაბჭოს გენერალურ მდივანს, ალენ ბერსეს.შეხვედრაზე განვიხილეთ საქართველოს მჭიდრო თანამშრომლობა ევროსაბჭოსთან და გამოვთქვით მზადყოფნა ჩვენი პარტნიორობის მეტად  გაძლიერების მიმართულებით“, – აღნიშნავს პრემიერ-მინისტრი. 

ყველა საკითხი უნდა იყოს გონივრულად აწონ-დაწონილი. არავის ენანება არც ერთი თეთრი და არც 50, თუნდაც 150 მილიონი იმაში, რასაც მოაქვს კონკრეტული შედეგი. ეს არის ზოგადი მიდგომა, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.კობახიძეს ჟურნალისტმა კითხვა დაუსვა: „დიდი ხანია, დიუშენით დაავადებული ბავშვების მშობლები ითხოვენ თქვენთან შეხვედრას, კომუნიკაციას. აპირებთ თუ არა მათთან კომუნიკაციას. ასევე, მათი თქმით, გარკვეული ძვრები, კომუნიკაციაა წამლების მწარმოებელ კომპანიებთან, რომლებიც გამოხატავენ მზადყოფნას, დაიწყონ კომუნიკაცია „ქართულ ოცნებასთან“. აპირებთ თუ არა ჩართვას?“„ეს არის მგრძნობიარე საკითხი. ჯანდაცვის სამინისტრო ბოლომდეა ჩართული ამ საკითხთან დაკავშირებით დისკუსიის გაგრძელებაში. რაც შეეხება ფარმაცევტულ კომპანიებს, ასეთი საკითხების მოგვარებისას ერთ-ერთი სერიოზული პრობლემა არის სწორედ ფარმაცევტული კომპანიები. ჩამოყალიბებულია მარტივი მაფია. ამ მაფიას აქვს კონკრეტული წამლების რეალიზაციის ინტერესი. სხვადასხვა მიმართულებით გამოიკვეთა ეს ყველაფერი. ამიტომ, სწორედ აქ არის საჭირო სიფრთხილე, როდესაც საქმე ეხება ფარმაცევტულ კომპანიებს. მსოფლიო მასშტაბით არის ეს მაფია გაშლილი, მარტო საქართველოს არ ეხება. ამიტომ, ყველა საკითხი უნდა იყოს გონივრულად აწონ-დაწონილი. არავის ენანება არც ერთი თეთრი და არც 50, არც თუნდაც 150 მილიონი იმაში, რასაც მოაქვს კონკრეტული შედეგი. ეს არის ზოგადი მიდგომა. რაც შეეხება კონკრეტიკას, ამასთან დაკავშირებით ჯანდაცვის სამინისტროს აქვს კომუნიკაცია, ჯანდაცვის სამინისტრო მუშაობს და ის წარმოადგენს ყოველ ჯერზე პოზიციას.არის მათ შორის ქვეყნები, სადაც არაერთი კორუფციული გარიგება დაიდო მთავრობებსა და ფარმაცევტულ კომპანიებს შორის, ძალიან დიდ ფულს შოულობენ კონკრეტული პოლიტიკოსები ასეთი მაფიოზური გარიგებებიდან. არის კორუფციით განთქმული სახელმწიფოები. არ მინდა, კონკრეტულ ქვეყნებზე გადავიდე, მაგრამ არის კონკრეტული ქვეყნები, არის კონკრეტული პრეპარატები, სადაც კორუფციული გარიგების ეჭვია. მაინცდამაინც ისე ემთხვევა ხოლმე, რომ გამორჩეულად კორუმპირებული მთავრობები დებენ ხოლმე შესაბამის გარიგებებს შესაბამის ფარმაცევტულ კომპანიებთან. ამიტომ, ყველაფერი უნდა წარიმართოს გამჭვირვალედ, ყველაფერი უნდა იყოს დასაბუთებული. არც ერთი თეთრი, არც ათი მილიონი და არც მილიარდი არ დაენანება არავის, როდესაც საქმე ეხება შედეგს. მთავარია, ყველაფერი იყოს გონივრულად გააზრებული. არ შეიძლება, ავყვეთ პოლიტიკურ სპეკულაციებს. განზოგადებულად ვსაუბრობ, არ შეიძლება, ავყვეთ ფარმაცევტული მაფიის ინტერესებს. ყველაფერთან დაკავშირებით ჯანდაცვის სამინისტრომ წარმოადგინა კონკრეტული ინფორმაცია საზოგადოების წინაშე. ამიტომ, დაელოდეთ ჯანდაცვის სამინისტროს პოზიციას. ყოველ ჯერზე მათ აქვთ ექსპერტული ცოდნა ამ ყველაფერთან დაკავშირებით. ამ და მსგავს თემებზე დისკუსიაშიც შეგიძლიათ შეხვიდეთ ჯანდაცვის სამინისტროსთან“, – განაცხადა კობახიძემ.

არცერთი მმართველის პირობებში ეკლესია ისე არ გაძლიერებულა, როგორც ჩემი პრეზიდენტობის დროს. რატომ აძლევთ საშუალებას, გამოგვაცხადონ, როგორც ურწმუნოები და ეკლესიის მტრები?, – ამის შესახებ საქართველოს ყოფილმა პრეზიდენტმა, მიხეილ სააკაშვილმა 7 ნოემბრის საქმეზე მიმდინარე სასამართლო პროცესზე განაცხადა.მისივე თქმით, ყველა გამოსვლაში ამაზე უნდა იყოს საუბარი.„რატომ არ ვსაუბრობთ ამაზე? არცერთი მმართველის პირობებში ეკლესია ისე არ გაძლიერებულა, როგორც ჩემი პრეზიდენტობის დროს. 300-მდე ტაძარი აღვადგინეთ. ეს არ იყო ივანიშვილის ფულით, როგორც გაავრცელეს ხმა, საქართველოს ბიუჯეტის ფული იყო. წმინდა გიორგის ძეგლი დავდგით მთავარ მოედანზე. რატომ აძლევთ მათ საშუალებას, გამოგვაცხადონ, როგორც ურწმუნოები და ეკლესიის მტრები? სუპზე ხომ საუბრობენ „ქოცები“. „ნაციონალების“ მმართველობის შემდეგ უხორცო სუპი ორ-ნახევარჯერ გაძვირდა. ბავშვთა კვება კი სამჯერ. რეპრესიული რეჟიმი იყოო და არც ერთი პოლიტიკური პატიმარი არ გვყავდა. ლევან ხაბეიშვილი ერთადერთი მიზეზის გამო დაამწყვდიეს, ხალხს დაუბრუნა იმედი, მისცა ორგანიზების სტიმული, ცემისა და მუქარების არ შეეშინდა, ბოლოს პოლიციის მოსყიდვის ბრალდებით დაიჭირეს. იგივე ეხება ელენე ხოშტარიას, რომელიც მხოლოდ იმიტომ დატოვეს ციხეში და ალბათ წლების დამატებას უპირებენ, რომ აჩვენა, არაფრისაც არ ეშინია. იგივე ეხება პაატა ბურჭულაძეს. თავისი უშიშარი ხასიათის გამო ამ საკანში ამოყო თავი. ნიკა მელიამ ვრცელი წერილი მოიწერა, საიდანაც, მართალი გითხრათ, ვერაფერი გავიგე. გავიგე ის, რომ მე არ მოვწონვარ, მაგრამ ამას თავი დავანებოთ. რატომ ჩატოვეს ციხეში? ივანიშვილმა ვერ აპატია, როცა აღსრულების სამსახურში იყო, უკანონო 70 მილიონი დაუყადაღა. ირაკლი ნადირაძეს ვერ აპატიეს, რომ საკრებულოში მრავალი მილიონი გააგდებინა ხელიდან კორუმპირებულ ბანდას. პაატა მანჯგალაძეს და მურთაზ ზოდელავას ვერ აპატიეს, რომ უბრალოდ წესიერები არიან. პოლკოვნიკი ლაშა ბერიძე, რომელსაც საუკეთესო ამერიკული სამხედრო აკადემია აქვს დამთავრებული, იმის ნაცვლად, რომ სამშობლოს იცავდეს, ციხეში გაამწესეს. საკმარისი საფუძველი აღმოჩნდა ის, რომ ამერიკის აკადემიაში სწავლობდა“, – განაცხადა სააკაშვილმა.ამასთან, მიხეილ სააკაშვილმა რუსეთ-უკრაინის ომთან დაკავშირებით ისაუბრა.„რამდენიმე კარგი ამბავი უნდა გითხრათ. პირველად შეფრინდნენ უკრაინის დრონები მოსკოვის ტერიტორიაზე, მათ შორის, ცენტრალურ ტერიტორიაზე. მესამე თვეა, რუსეთის არმია უფრო მეტ ტერიტორიას კარგავს უკრაინაში, ვიდრე იღებს. ეს არის ძალიან მაგარი შედეგი. ეს ნიშნავს, რომ მაგათი სიმღერა დამთავრებულია. რუსეთმა ათი მილიარდი დოლარი დაკარგა დარტყმების შედეგად“, – განაცხადა სააკაშვილმა.სააკაშვილი სასამართლო პროცესზე სიტყვით გამოსვლისას სომხეთში მიმდინარე ევროპის პოლიტიკური გაერთიანების სამიტსაც გამოეხმაურა.„კავკასიის ისტორიაში დღეს მნიშვნელოვანი დღეა. მთელი ევროპელი ლიდერები ჩამოვიდნენ კავკასიაში პირველად, ოღონდ იქ კი არა, სადაც ტრადიციული ცენტრი იყო. ყველამ იცის, რომ ეს არის თბილისი, მაგრამ ჩავიდნენ ერევანში. ივანიშვილმა 2013 წელს გამოგვიცხადა, რომ მისთვის მისაბაძი იყო მაშინდელი სომხეთის საგარეო პოლიტიკა. ახლა ჩვენ გადავიქეცით 2013 წლის სომხეთად და სომხეთი გადაიქცა 2012 წლამდე საქართველოდ. ვინმეს ეჭვი ხომ არ გეპარებათ, ჩემი კურსი რომ გაგრძელებულიყო, ყველა ეს ევროპელი ლიდერი თბილისში ჩამოვიდოდა?“, – აღნიშნა მიხეილ სააკაშვილმა.სააკაშვილის თქმით, ამაყობს თავისი პოლიტიკური წარსულით.„ამას წინათ, ერთმა პოლიტიკოსმა თქვა, სააკაშვილს წარსულის ტრავმები აწუხებსო. წარსულის ტრავმები აწუხებს იმას, ვისაც წარსულზე ლაპარაკი არ შეუძლია და ამას თავს არიდებს. მე კი ვამაყობ ჩვენი წარსულით. სულ ამას ტირაჟირებენ, 2008 წელს საქართველომ წააგო ომი, საქართველომ დათმო ტერიტორიები, სააკაშვილმა გაუფორმა ტერიტორიების 20 პროცენტიო. სინამდვილეში, ყველაფერი პირიქით იყო. „მაწვებოდნენ“, ხელი მომეწერა ცეცხლის შეწყვეტის ხელშეკრულებაზე და ჩვენი ტერიტორიების სტატუსი ღიად დამეტოვებინა. პუტინი და სარკოზი ერთად მაწვებოდნენ და მეუბნებოდნენ, მომკლავდნენ, თუ ამას ხელს არ მოვაწერდი. სარკოზი მეუბნებოდა პუტინის გადმოცემულს. ჩვენ ამას ხელი არ მოვაწერეთ.ხელი მოვაწერეთ ძალიან კარგ შეთანხმებას, რომლითაც რუსეთს ჯარი უნდა გაეყვანა ოკუპირებული ტერიტორიებიდან. მათ ეს არ შეასრულეს იმის გამო, რომ ჩვენ ამაზე არ ვლაპარაკობთ. ივანიშვილის რეჟიმს მიეცა საშუალება, საერთოდ აღარ ილაპარაკოს იმ ხელშეკრულების შესრულებაზე. პირიქით, აქეთ დაგვადანაშაულოს რაღაც მითიური ტერიტორიების დათმობაზე. სინამდვილეში, 2008 წელს რუსეთმა კატასტროფული მარცხი განიცადა“, – განაცხადა მიხეილ სააკაშვილმა.სააკაშვილმა პოლიტიკური განცხადებების გაკეთების შემდეგ სხდომათა დარბაზი დატოვა.