NDI-ს გაყალბებულმა კვლევის შედეგებმაც აჩვენა, რომ „ქართული ოცნება“ ლიდერობს, ის კი, რომ 61% თითქოს გადაუწყვეტელი ამომრჩეველია, ცოტა საეჭვოდ მიმაჩნია – ეკა სეფაშვილი
„როგორც წესი, ასეთი გამოკითხვები, თუ მაქსიმალურად ობიექტურად არ არის ჩატარებული, რეალურ სურათს ნაკლებად იძლევა“,- ამის შესახებ „ხალხის ძალის“ წევრმა, დეპუტატმა ეკა სეფაშვილმა განაცხადა მედიასთან, NDI-ს კვლევაზე კომენტირებისას, რომლის მიხედვითაც 61% გადაუწყვეტელი ამომრჩეველია.
როგორც ეკა სეფაშვილმა აღნიშნა, მმართველი პარტია მოსახლეობის მოთხოვნებს პასუხობს და ამომრჩეველი ამას ხედავს.
„NDI-ს კვლევა ჩემთვის ნაკლებად სანდოა, თუმცა, მიუხედავად ამისა, მათმა მაქსიმალურად გაყალბებულმა კვლევის შედეგებმაც კი აჩვენა, რომ პარტია „ქართული ოცნება“ ერთპიროვნულად ლიდერობს. ხოლო, ის, რომ მათ კვლევაში 61% თითქოს გადაუწყვეტელი ამომრჩეველია, ცოტა საეჭვოდ მიმაჩნია, რადგან მათ კითხვებს რომ ჩავხედე, ისეა შედგენილი, რომ რესპონდენტებს პასუხებს ნაწილობრივ კარნახობს. ეს კი სწორი არ არის. როგორც წესი, ასეთი გამოკითხვები, თუ მაქსიმალურად ობიექტურად არ არის ჩატარებული, რეალურ სურათს ნაკლებად იძლევა.
ასევე, ვუყურებ თუ როგორ ვითარდება ქვეყანა – ბიუჯეტი იზრდება; ეკონომიკური ზრდა არის – სულ უფრო მეტი ბიზნესი უფრო მეტ მოგებას ნახულობს, რაც ბიუჯეტის გაზრდილ შემოსავლებში აისახება; ეს კი სახელმწიფოს საშუალებას აძლევს, სოციალური პროგრამები გაზარდოს, მათ შორის – მასწავლებელთა, საჯარო მოხელეთა, სამართალდამცავთა ხელფასები; გაიზარდოს ჯანდაცვის ხელმისაწვდომობა (ცნობისთვის, საყოველთაო ჯანდაცვის პროგრამით მოსახლეობის 95% სარგებლობს), ასევე, დაფინანსდეს ქრონიკული დაავადებების მქონე პირთათვის მედიკამენტები; 18-20%-ით შემცირდეს წამლების ღირებულება და ა.შ.
რა თქმა უნდა, გამოწვევები ეკონომიკაში კვლავაც ბევრი რჩება, თუმცა, ეს არ ნიშნავს იმას, რომ მმართველი პარტია მოსახლეობის მოთხოვნებს ვერ პასუხობს“, – განაცხადა ეკა სეფაშვილმა.
About Post Author
ქეთევან ნინუა
Comments
გია მურღულია: გიყვარდეს – არ ითამაშო. მხოლოდ მაშინ შეიძლება, ყველაფერს აზრი მიეცეს
გიყვარდეს - არ ითამაშო. მხოლოდ მაშინ შეიძლება, ყველაფერს აზრი მიეცეს,- ამის შესახებ ფილოლოგი გია მურღულია სოციალურ ქსელში წერს. „ნაცნობი მელოდია...
დიმიტრი ხუნდაძე: ჩინეთთან ურთიერთობა არის ჩვენთვის მნიშვნელოვანი, როგორც შუა დერეფნის ერთ-ერთი აქტიური წარმომადგენლის და მნიშვნელოვანი აქტორის
საქართველოს ჩინეთთან ეკონომიკური თანამშრომლობის მნიშვნელობაზე ისაუბრა ჟურნალისტებთან „ხალხის ძალის“ გენერალურმა მდივანმა დიმიტრი ხუნდაძემ. როგორც მან აღნიშნა, საქართველო გეოგრაფიულად წარმოადგენს გზაჯვარედინს...
ნიკა გვარამია: ან გააუქმეთ ეს კანონი, ან ბოლომდე აიღეთ პასუხისმგებლობა – ესაა ზურაბიშვილის ვეტოს შინაარსი და ეს სწორი, გონივრული გადაწყვეტილებაა
„ოცნება“ ვერანაირ განხილვაში ვერ შევა, ვერც საზოგადოებას ვერ ჩაითრევს ფსევდოპროცესში და ვერც ევროპელებს მოატყუებს კანონის ფსევდოგამოსწორებით,- ამის შესახებ პარტია "ახალი"-ს...
ეს არის რუსული ვეტო, უარგუმენტო, არაფრის მთქმელი, უშინაარსო, ანტიეროვნული და საკუთარი ქვეყნის ინტერესების საწინააღმდეგო – დავით მათიკაშვილი
ეს არის რუსული ვეტო, უარგუმენტო, არაფრის მთქმელი, უშინაარსო, ანტიეროვნული და საკუთარი ქვეყნის ინტერესების საწინააღმდეგო, - განაცხადა პარლამენტის იურიდიულ საკითხთა კომიტეტის...
მიხეილ სააკაშვილი: თურქეთს, მხარდაჭერის იმედით, საქართველოს სახელისუფლებო დელეგაცია ეწვია – როგორც ადრე, თურქეთი ახლაც ისტორიის სწორ მხარეს დგას
“თურქეთს, მხარდაჭერის იმედით, საქართველოს სახელისუფლებო დელეგაცია ეწვია. მასპინძლების პასუხი იყო, რომ ყველაფერი მშვიდობიანად და ქართველი ხალხის ინტერესების სასარგებლოდ უნდა დამთავრდეს.”...
მარიამ ლაშხი 4 ქვეყნის საგარეო საქმეთა მინისტრებზე: ნებისმიერ სუვერენულ ქვეყანაში მსგავსი ტიპის აქტივობა არის დიპლომატიური სკანდალის საფუძველი – მოვუწოდებ, კიდევ ერთხელ გადაავლონ თვალი რა ტიპის მიტინგზე მიიღეს მათ მონაწილეობა
ნებისმიერ სუვერენულ ქვეყანაში მსგავსი ტიპის აქტივობა არის დიპლომატიური სკანდალის საფუძველი, - ამის შესახებ საგარეო ურთიერთობათა კომიტეტის თავმჯდომარის პირველმა მოადგილემ, მარიამ...