Google-ი ქმნის ვებგვერდს, რომელიც მომხმარებლებს კორონავირუსზე შეამოწმებს
Read Time:34 Second
კორპორაცია Google-ი მუშაობს ვებგვერდზე, რომლის მომხმარებლებიც დამოუკიდებლად დაადგენენ აქვთ თუ არა მათ კორონავირუსი. ამის შესახებ Deutshce Welle წერს.
გამოცემის ინფორმაციით, პროექტი მუშაობის ადრეულ სტადიაზეა. პირველ ეტაპზე ვებგვერდი ტესტირებას სან-ფრანცისკოსა და ახლომდებარე ქალაქებში ჩაუტარდება, შემდეგ კი პროექტი აშშ-ის სხვა რეგიონებზეც გავრცელდება. ინფორაცია ვებგვერდის შექმნის შესახებ აშშ-ის პრეზიდენტმა, დონალდ ტრამპმაც დაადასტურა, ქვეყნის ვიცე-პრეზიდენტმა მაიკ პენსმა კი დასძინა, რომ ვებგვერდის წარდგენა უკვე 15 მარტს შედგება.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0