როგორ უნდა ეძინოს პატარას, რომ საფრთხე არ შეექმნას მის სიცოცხლეს? – წესები მშობლებისთვის

ბევრი მშობელი ძილის დროს არასწორად აწვენს ახალშობილს, რაც საფრთხეს უქმნის მის სიცოცხლეს.
ექიმები გვარწმუნებენ, რომ მხოლოდ ასეთი პოზა არის უსაფრთხო ძილის დროს, რადგან ბავშვთა უეცარი სიკვდილის სინდრომი მინიმუმამდე მცირდება – გამოკვლევების თანახმად, ახალშობილებს და 6 თვემდე პატარებს უნდა ეძინოთ მხოლოდ ზურგზე. მკვლევარებმა გამოკითხეს 3000-ზე მეტი დედა, რომელთაც 2-დან 6 თვემდე ბავშვები ჰყავდათ. გამოკითხულთა 77,3%-მა განაცხადა, რომ ძილის დროს ბავშვებს ზურგზე აწვენენ. 43,7% კი აცხადებს, რომ უპირატესობას მუცელზე წოლას ანიჭებენ.
ჯერ კიდევ 1994 წელს პედიატრებმა დაამტკიცეს, რომ ზურგზე ძილი უსაფრთხოა ბავშვისათვის.

უეცარი სიკვდილიანობის თვალსაზრისით რისკის ძირითად ფაქტორად არის დასახელებული. წლების განმავლობაში იყო მოწოდებული, რომ ბავშვებს მუცელზე უნდა სძინებოდათ, რაც ეს ტაქტიკა შეიცვალა, დასავლეთ ევროპის ქვეყნებში 1992 წლიდან ჩვილთა სიკვდილიანობა 2-3-ჯერ შემცირდა, ანალოგიური მაჩვენებლებია აშშ-სა და სხვა ქვეყნებში. ვერ ვიტყვით, რომ უეცარი სიკვდილის სინდრომს ახალშობილებში მხოლოდ მუცელზე წოლა იწვევს – აქ გასათვალისწინებელია სხვა ფაქტორებიც: ზედმეტად ჩაფუთვნა, თბილი ტანსაცმელი, უკვე დაფიქსირებული საშიში სიმპტომები, დედის ავადმყოფობა ორსულობის დროს, მშობლების მწეველობა, ნარკოტიკებისა და ალკოჰოლის მოხმარება, ასევე ის ფაქტი, როდესაც ჩვილს სხვა ოთახში სძინავს.
ამ სინდრომის ძირითადი მიზეზი ჯერჯერობით არ არის დაზუსტებული, მაგრამ აუცლებელია გავითვალისწინოთ რომ ბავშვს აუცილებლად უნდა ეძინოს ზურგზე, ბალიშის გარეშე.
უეცარი სიკვდილის სინდრომი ძირითადად ვითარდება დაბადებიდან 4 თვემდე. თუმცა თავდაცვის მიზნით მიზანშეწონილია ბავშვს ზურგზე ეძინოს წლამდე.