ოპოზიცია კვლავ ვადამდელ არჩევნებს ითხოვს. რას ამბობენ პარტიების წარმომადგენლები
როდის შედგება დიალოგი მმართველ პარტიასა და ოპოზიციას შორის, ამ ეტაპზე უცნობია. ოპოზიციაში აცხადებენ, რომ დიალოგს პერსპექტივა არ აქვს, თუ ირაკლი ღარიბაშვილი იქნება მთავარი მომლაპარაკებელი. ოპოზიციის მოთხოვნები ისევ უცვლელია.
„ნაციონალურ მოძრაობაში“ აცხადებენ, რომ ნიკა მელიას გათავისუფლება მოლაპარაკებების ერთ-ერთი აუცილებელი წინაპირობაა.
„თუ ხელისუფლებას მოლაპარაკებების გახსნა სურს, მაგიდაზე დევს ის ექვსი პუნქტი, რომელიც შარლ მიშელმა დატოვა. იმისთვის, რომ წარიმართოს დიალოგი, აუცილებელია, პოლიტპატიმრებმა სასჯელაღსრულების დაწესებულებები დატოვონ. რა თქმა უნდა, უპირველეს ყოვლისა, ეს ეხება ნიკა მელიას, რომელიც არა ციხეში, არამედ – მოლაპარაკებების მაგიდასთან უნდა იჯდეს. ამასთან, განხილვის მთავარი თემა უნდა იყოს ვადამდელი არჩევნები“ – აცხადებს „ნაციონალური მოძრაობის“ წევრი ზაალ უდუმაშვილი.
კვლავ ვადამდელი არჩევნების შესახებ საუბრობენ „ევროპულ საქართველოშიც“.
„როდესაც ქართულმა ოცნებამ“ ხელისუფლება მიითვისა და არჩევნები გააყალბა, ამის შემდეგ, კომპრომისი სწორედ ისაა, რომ ვადამდელი არჩევნები ჩატარდეს. ხელისუფლებისთვის პლებისციტი არც არავის შეუთავაზებია. ჩვენი მოთხოვნა უცვლელია – პოლიტპატიმრების გათავისუფლება, პოლიტიკურად შეთითხნილი საქმეების შეჩერება და ვადამდელი საპარლამენტო არჩევნები“ – აცხადებს „ევროპული საქართველოს“ წევრი ლაშა დამენია.
„სტრატეგია აღმაშენებელში“ ამბობენ, რომ კომპრომისს მმართველი გუნდისგან ელიან.
„მოლაპარაკებაზე, კომპრომისული წინადადებით ვინც უნდა მოვიდეს, ესაა „ქართული ოცნება“. ჩვენი შეთავაზებაა ის ექვსი პუნქტი, რაზეც შევთანხმდით ევროპული საბჭოს პრეზიდენტთან. ან ამაზე ვისაუბრებთ, ან საერთოდ არ შედგება ეს მოლაპარაკებები“ – აცხადებს „სტრატეგია აღმაშენებლის“ წევრი, სერგო ჩიხლაძე.
ვადამდელ არჩევნებზე საუბრობენ „ლელოშიც“.
„კომპრომისი არის პაკეტური შეთავაზება, რომელიც განხილული იყო ევროპული საბჭოს პრეზიდენტთან. პლებისციტი განიხილებოდა მთავარ კონსენსუსად იმისთვის, რომ მივსულიყავით რიგგარეშე საპარლამენტო არჩევნებამდე. ხალხს უნდა ვკითხოთ, სურთ მათ არჩევნები თუ არა. თუ მდინარაძეს რაიმე სხვა განწყობა ან მოლოდინი ჰქონდა ოპოზიციისგან, ამაზე პასუხს ვერ გაგცემთ, – ამბობს პარტია „ლელო საქართველოსთვის“ წევრი, ლანა გალდავა.
About Post Author
ქეთევან ნინუა
Comments
გურამ მაჭარაშვილი: ამერიკაში თუ დასაშვებია პოლიციის ძალის გამოყენება, თუ მანიფესტანტები არღვევენ წესრიგს, საქართველოში სხვანაირად მოქმედებს დემოკრატია?
თბილისში მიმდინარე აქციების დროს მსოფლიოს სხვადასხვა ქვეყნიდან პოლიციის ქმედებების არაერთგვაროვან შეფასებაზე გააკეთა კომენტარი „ხალხის ძალის“ აღმასრულებელმა მდივანმა გურამ მაჭარაშვილმა. როგორც...
სოზარ სუბარი: ვერ მივიღებთ ორმაგ სტანდარტს, რომ სხვაგან, თურმე მიღებულია 5 პოლიციელი ურტყამდეს ერთ ქალს, რომელიც ზის და არც კი ინძრევა და ჩვენთან, თურმე პოლიციას უფლება არ აქვს აღკვეთოს პარლამენტის შტურმი
როცა ვლაპარაკობთ დასავლურ გზასა და დასავლურ ინტეგრაციაზე, ჩვენც უნდა ვიყოთ თანასწორუფლებიანი და არა კოლონია, როგორც ეს ვიღაცას წარმოუდგენია სადღაც დასავლეთში....
ნიკა გვარამია: ახალი ქართული საზოგადოება იშვა. ვინც ამას ვერ ხვდება – ცოდოა. ვინც ამას წინააღმდეგობას უწევს – ისტორიის სანაგვეზეა
"ახალი ქართული საზოგადოება იშვა. ვინც ამას ვერ ხვდება - ცოდოა. ვინც ამას წინააღმდეგობას უწევს - ისტორიის სანაგვეზეა (უკვე)." - ამის...
გიორგი ვოლსკი: გარკვეულ საკითხებთან დაკავშირებით რეალური დიალოგი არა თუ შესაძლებელია, არამედ პრემიერ-მინისტრის შეთავაზებაა
გარკვეულ საკითხებთან დაკავშირებით რეალური დიალოგი არა თუ შესაძლებელია, არამედ პრემიერ-მინისტრის შეთავაზებაა, - ამის შესახებ „ქრონიკაში“ ჩართვისას პარლამენტის პირველმა ვიცე-სპიკერმა, გიორგი...
რატი ბრეგაძე: ჩვენ მოვიგეთ აბსოლუტურად ყველა დავა რუსეთის წინააღმდეგ და თუკი ვინმეს დღეს შეუძლია თქვას, რომ რუსეთი არის ოკუპანტი და ამას სამართლებრივად წყალი აღარ გაუვა, ეს არის სწორედ „ქართული ოცნების“ დამსახურება
ჩვენ მოვიგეთ აბსოლუტურად ყველა დავა რუსეთის წინააღმდეგ და თუკი ვინმეს დღეს შეუძლია თქვას, რომ რუსეთი არის ოკუპანტი და ამას სამართლებრივად...
პრემიერი: შარლ მიშელთან საუბრისას, გამოვთქვი სინანული იმის გამო, რომ პარტნიორები არაერთი შეთავაზების მიუხედავად, გამჭვირვალობის კანონპროექტზე საგნობრივ დისკუსიას თავს არიდებენ
„უცხოური გავლენის გამჭვირვალობის შესახებ“ და „ოჯახურ ღირებულებათა და არასრულწლოვანთა დაცვის შესახებ“ კანონპროექტებზე ვესაუბრე ევროპული საბჭოს პრეზიდენტს, შარლ მიშელს, – ამის...