დავით მათიკაშვილი – დიდ ბრიტანეთს პრეტენზია აქვს, დემოკრატიის ნათელი მაგალითი იყოს და როცა ამ ყველაფერს მრუდე გზით ახორციელებს, ეს კითხვებზე მეტს აჩენს

ხვიჩა კვარაცხელია ჩემპიონთა ლიგის პირველი მეოთხედფინალური შეხვედრების შემდეგ კვირის სიმბოლურ ნაკრებში მოხვდა, — რჩეულები უეფა-ს ოფიციალურმა გვერდმა დაასახელა.„პარი სენ-ჟერმენმა“ „ასტონ ვილა“ საკუთარ მოედანზე 3:1 დაამარცხა. საქართველოს ეროვნული ნაკრების ფეხბურთელმა ინგლისელთა კარში პსჟ-ს მეორე გოლი ეფექტურ სტილში გაიტანა.ხვიჩა კვარაცხელია ასევე იბრძვის კვირის საუკეთესო მოთამაშის წოდებისთვის. ამ ნომინაციაზე, მასთან ერთად, წარდგენილები არიან – დეკლან რაისი („არსენალი“), ალესანდრო ბასტონი („ინტერი“) და რობერტ ლევანდოვსკი („ბარსელონა“).

აშშ-ის პრეზიდენტი, დონალდ ტრამპი გამოეხმაურა ევროკავშირის გადაწყვეტილებას, რომლის მიხედვითაც, ევროკავშირმა აშშ-ის წინააღმდეგ ტარიფების დაწესება 90 დღით შეაჩერა.ტრამპის შეფასებით, ევროკავშირი არის „ძალიან მკაცრი, მაგრამ ძალიან ჭკვიანი“.ევროკავშირზე საუბრისას აშშ-ის პრეზიდენტმა ასევე განაცხადა, რომ მას შემდეგ, რაც ნახეს, როგორი საპასუხო ზომები მიიღო ტრამპმა ჩინეთის მიმართ, გადაწყვიტეს, „ცოტათი უკან დაიხიონ“ საპასუხო ზომების მიღებისას.„მათ გადაწყვიტეს, უკან დაიხიონ. ვფიქრობ, ძალიან ჭკვიანურად მოიქცნენ“, – აღნიშნა ტრამპმა.დონალდ ტრამპის თქმით, ტარიფებთან დაკავშირებით ევროკავშირი განიხილება, როგორც ერთიანი ბლოკი და არა როგორც ცალკეული ქვეყნები.

გიორგი ჩაკვეტაძემ, შესაძლოა, ზაფხულში „უოტფორდი“ დატოვოს, რადგან მას ინგლისის პრემიერლიგის სამი გუნდი – „ვულვერჰემპტონი“, „ლესტერ სიტი“ და ასევე „ევერტონი“ იწვევს, – ინფორმაციას გამოცემა FootballLeagueWorld-ი ავრცელებს.„ლი ჰენდრი“ (ინგლისის ნაკრების ყოფილი ფეხბურთელი და Sky Sports-ის ექსპერტი) ვარაუდობს, რომ გიორგი ჩაკვეტაძე ზაფხულში „უოტფორდს“ დატოვებს „ვულვერჰემპტონისა“ და „ლესტერ სიტის“ ინტერესის გამო. დეკემბერში ექსკლუზიურად შევიტყვეთ, რომ პრემიერლიგის ორივე გუნდი ქართველ ფეხბურთელს აკვირდებოდა. იმავე სიაში „ევერტონიც“ იყო მოხსენიებული.მიუხედავად იმისა, რომ ჩაკვეტაძე იანვრის სატრანსფერო ფანჯრის დროს „უოტფორდში“ დარჩა, ზაფხულში ამ კლუბებს შესაძლოა ფეხბურთელის მიმართ კვლავ გაუჩნდეთ ინტერესი. გუნდის მთავარი მწვრთნელი, ტომ კლევერლი კმაყოფილია 25 წლის ქართველი ნახევარმცველით, რომელმაც მიმდინარე სეზონში ჩემპიონშიფის 37 მატჩში ორი გოლი გაიტანა და ექვსი საგოლე გადაცემა შეასრულა.ჰენდრი მიიჩნევს, რომ ჩაკვეტაძეს პროგრესის გასაგრძელებლად კლუბის შეცვლა სჭირდება და ფიქრობს, რომ „ლესტერი“ შესაძლოა საუკეთესო ნაბიჯი იყოს მისი კარიერისთვის.„გიორგი ჩაკვეტაძეს „ლესტერი“ რამდენჯერმე დაუკავშირდა. ის „უოტფორდისთვის“ მნიშვნელოვანი მოთამაშეა და გამორჩეულად თამაშობს მრავალი მიზეზის გამო. მიმაჩნია, რომ ახალ გუნდში გადასვლა აუცილებელია, რათა უფრო მაღალ დონეზე ავიდეს.მე ის ბევრჯერ ვნახე. ბოლო პერიოდში „უოტფორდში“ რამდენჯერმე შეიცვალა მთავარი მწვრთნელი და ვფიქრობ, ჩაკვეტაძეს სტაბილურობა სჭირდება — მასზე ბევრს ლაპარაკობენ.მჯერა, შეუძლია თავისი სტატისტიკის (გოლებისა და საგოლე პასების) გაუმჯობესება, რადგან შესაბამისი უნარი ნამდვილად აქვს. ამიტომ, არ გამიკვირდება, თუ „ლესტერში“ გადავა. ეს იქნება წინ გადადგმული ნაბიჯი და მისი თავდაჯერებულობაც გაიზრდება, რადგან უფრო ძლიერ გუნდში, უკეთეს შემადგენლობაში ითამაშებს.მას დიდი პოტენციალი აქვს. ასე რომ, არავის უნდა გაუკვირდეს, თუ ზაფხულში უკეთესი შეთავაზების გამო „უოტფორდს“ დატოვებს“, – განაცხადა ჰენდრიმ FootballLeagueWorld-თან ინტერვიუში.„უოტფორდი“ ამჟამად ჩემპიონშიფში მე-10 ადგილზეა და სეზონის დასრულებამდე რვა ტურით ადრე პლეი ოფის ზონას მხოლოდ ხუთი ქულა აშორებს.„უოტფორდმა“ სეზონი იმაზე უკეთ დაიწყო, ვიდრე ბევრს ეგონა და ამაში გარკვეული წვლილი ჩაკვეტაძესაც მიუძღვის. თუმცა, სწორედ ეს ნიშნავს, რომ ზაფხულში მისი დაკარგვა გუნდისთვის სერიოზული დარტყმა იქნება — განსაკუთრებით, თუ მხოლოდ ჩემპიონშიფის კლუბ „ლესტერში“ მოხვდება, რომელიც პრემიერლიგიდან დაქვეითების რეალური კანდიდატია.ამავდროულად, „უოტფორდს“ მნიშვნელოვანი თანხა დასჭირდება იმისათვის, რომ ჩაკვეტაძის ტრანსფერზე დათანხმდეს. კლუბმა ბოლო წლებში ზაფხულის სატრანსფერო „ფანჯრის“ განმავლობაში არაერთი გახმაურებული გარიგება განახორციელა და მოთამაშეთა გაყიდვით მიღებულ შემოსავალს დიდ მნიშვნელობას ანიჭებს. ამიტომ, დიდი ალბათობით, ამ ზაფხულსაც დაგეგმილი იქნება ერთი მნიშვნელოვანი ტრანსფერი — ასეთად კი ჩაკვეტაძე განიხილება, რომელშიც შესაძლოა სოლიდური თანხა გადაიხადონ. ეს იქნება სამწუხარო, მაგრამ აუცილებელი გარიგება.ამ დროისთვის „ვულვერჰემპტონი“ პრემიერლიგაში მე-17 ადგილზეა (20 გუნდიდან), ხოლო „ლესტერი“ — მე-19-ზე. შესაბამისად, არც ისე დარწმუნებით შეიძლება ითქვას, რომ ჩაკვეტაძე ამ ვარიანტს დათანხმდება, რადგან ორივე გუნდი დაქვეითების რეალური კანდიდატია.საუკეთესო ვარიანტად ამ ეტაპზე „ევერტონი“ ჩანს — კლუბი მე-15 ადგილზეა და გავარდნის ზონას 15 ქულით უსწრებს“, – წერს გამოცემა.

აშშ მზადაა, დაიწყოს მოლაპარაკებები ტარიფებთან დაკავშირებით, მოიტანეთ თქვენი საუკეთესო შეთავაზება ვაშინგტონში, – ამის შესახებ აშშ-ის კაბინეტის სხდომაზე აშშ-ის ხაზინის მდივანმა, სკოტ ბესენტმა განაცხადა.ბესენტის თქმით, ამჟამად მიმდინარეობს მზადება სხვადასხვა ქვეყანასთან ვაჭრობისა და ტარიფების შესახებ მოლაპარაკებებისთვის.ბესენტმა განაცხადა, რომ სხვადასხვა ქვეყნიდან უკავშირდებიან და გამოხატავენ კმაყოფილებას, რომ სწორედ ის აწარმოებს მოლაპარაკებებს, თუმცა, აღნიშნა, რომ ამ პროცესში მონაწილეობას აშშ-ის პრეზიდენტი დონალდ ტრამპიც მიიღებს.„ასე რომ, მოიტანეთ თქვენი საუკეთესო შეთავაზება“, – განაცხადა ბესენტმა.აშშ-ის ხაზინის მდივანმა ხაზგასმით აღნიშნა, რომ აშშ კვლავ რჩება „საუკეთესო ადგილად ინვესტიციისთვის“.

სატარიფო პოლიტიკას გარდამავალი ხარჯები და პრობლემები მოჰყვება, მაგრამ საბოლოოდ ყველაფერი მშვენიერი იქნება, – ამის შესახებ აშშ-ის პრეზიდენტმა, დონალდ ტრამპმა კაბინეტის წევრებთან შეხვედრისას განაცხადა.აშშ-ის პრეზიდენტმა აღნიშნა, რომ გუშინ „ისტორიაში უდიდესი დღე“ იყო და „საქმეები ძალიან კარგად მიდის“.„იქნება გარდამავალი ხარჯები და პრობლემები, მაგრამ საბოლოოდ ეს მშვენიერ რამედ იქცევა. ჩვენ ვაკეთებთ იმას, რაც ბევრი წლის წინ უნდა გაგვეკეთებინა. ჩვენ დავუშვით ის, რომ სიტუაცია კონტროლს გასცდა და ზოგიერთ ქვეყანას საშუალება მივეცით, რომ ჩვენს ხარჯზე ძალიან დიდებული და ძალიან მდიდარი გამხდარიყო. მე არ ვაპირებ, რომ ეს დავუშვა“, – განაცხადა ტრამპმა.აშშ-ის პრეზიდენტმა შეაქო თავისი კაბინეტის წევრები და განაცხადა, რომ ვინც ამ მაგიდასთან სხედან, „ყველა არაჩვეულებრივ საქმეს აკეთებს“.„ყველას სურს, მოვიდეს და გარიგება დადოს ტარიფების შესამცირებლად“, – განაცხადა ტრამპმა.ჟურნალისტის კითხვაზე ჩინეთთან დაკავშირებით აშშ-ის შემდგომ ნაბიჯებზე, ტრამპმა უპასუხა, რომ ელოდება რამე სახის შეთანხმებას.„ვნახოთ, რა მოხდება ჩინეთთან. ჩვენ გვსურს, რამე შეთანხმების მიღწევა. მათ ნამდვილად ისარგებლეს ჩვენი ქვეყნით ხანგრძლივი პერიოდის განმავლობაში. მათ გაგვძარცვეს. ჩვენ მხოლოდ ყველაფერს ახალ ფორმას ვაძლევთ. ჩვენ ვაწესრიგებთ მაგიდას და დარწმუნებული ვარ, რომ შევძლებთ კარგად თანაცხოვრებას. მე დიდი პატივისცემა მაქვს პრეზიდენტ სი ძინპინის მიმართ. ის, ნამდვილი გაგებით, ჩემი მეგობარი იყო ხანგრძლივი დროის განმავლობაში. მე მჯერა, რომ საბოლოოდ რაღაცას მოვიფიქრებთ, რაც ორივე ქვეყნისთვის ძალიან კარგი იქნება. მოუთმენლად ველიდები ამას“, ​​​​​​​​​​​​​​​​- განაცხადა ტრამპმა.