23 წლის ახალციხელი გიორგი ჩილინგარაშვილი ამერიკული არმიის ოფიცერი გახდა
Read Time:1 Minute, 23 Second
გიორგი ჩილინგარაშვილი ამერიკული არმიის ქვეითთა ოფიცერია. 23 წლის ჯარისკაცს ლეიტენანტის წოდება მიენიჭა.
საზეიმო ღონისძიება კონექტიკუტის შტატში, ქალაქ New Haven-ში 21 მაისს გაიმართა.
„ვიქნები ქვეითთა ოცმეთაური. 27 ოქტომბრამდე ფორტ ბენინგში ქვეითთა ოფიცერთაგადამზადების კურსს გავივლი, შემდეგ რეინჯერთა სკოლას დავამთავრებ, ამის შემდეგგამამწესებენ ბაზაზე“, – ამბობს გიორგი ჩილინგარაშვილი.
მისივე თქმით, სამხედრო საინფორმაციო სააგენტოების მიერ გამოქვეყნებული ინფორმაციის მიხედვით, იგი ამერიკულ ჯარში რიგით მეხუთე ქართველი ოფიცერია.
ახალციხელი გიორგი ჩილინგარაშვილი ექვსი წელია კონექტიკუტის შტატში ცხოვრობს. უნივერსიტეტი ციფრული მარკეტინგისა და ანალიტიკის სპეციალობით რამდენიმე თვის წინ დაამთავრა. გიორგის მსგავსად მისი ძმაც ამერიკის ჯარში მსახურობს.
უნივერსიტეტი ციფრული მარკეტინგისა და ანალიტიკის სპეციალობით რამდენიმე თვის წინ დაამთავრა.
„მესხები ყოველთვის წინა ხაზზე ვიბრძოდით, ამიტომ გადავწყვიტე ჯარში წასვლა. 21 წლის ასაკში შევედი ამერიკის ნაციონალურ გვარდიაში რიგით ჯარისკაცად. ორმაგიმუშაობა გიწევს, როცა უცხო ქვეყნის მოქალაქე ოფიციერი ხდები. ნდობისმოპოვებისთვისაც მეტი ძალისხმევა გჭირდება. ამას დიდი შრომის შედეგად მივაღწიე“, – ამბობს გიორგი.
ამერიკაში მამამ წაიყვანა. ახალციხის პირველ საჯარო სკოლაში სწავლობდა, თუმცა იმის გამო, რომ საქართველოდან წასვლა მოუწია, მეთორმეტე კლასი ამერიკულ სკოლაში დაამთავრა. ამბობს, რომ ბევრი სირთულე გადალახა. სწავლის პარალელურად ყოველდღიურად მუშაობდა, ხან მაკდონალდსში, ხან სხვა კაფესა და მაღაზიაში. მიუხედავად იმისა, რომ დატვირთული დღის რეჟიმი ჰქონდა, ვარჯიშსაც ახერხებდა: „ახალციხეში კარატეზედავდიოდი, მეორე ადგილი მაქვს აღებული ევრაზიის ჩემპიონატში. საქრთველოსჩემპიონატზეც ყოველთვის პრიზიორი ვიყავი. ამერიკაში ვჭიდაობდი, შემდეგ გადავედიწესების გარეშე ბრძოლაზე, პირველივე ბრძოლაში 32 წლის საზღვაო ქვეითი დავამარცხე 38 წამში. შეჯიბრზე ქართული დროშით გამოვდივარ“.
„ოთხი წელი ვიმსახურებ ოფიცრის პოზიციაზე. სავარაუდოდ ევროპაში გამაგზავნიანსამშვიდობო მისიით, ბაზაზე გამამწესებენ და ქვეითთა ბრიგადაში ოცმეთაური ვიქნები. პარარელურად ვვარჯიშობ, მინდა სპეცრაზმის ოფიცერი გავხდე“, – ამბობს გიორგი და ამატებს, რომ მომავალში უფრო დიდი გეგმები აქვს, იცის რომ ამ გზის გავლა ადვილი არ იქნება, თუმცა დარწმუნებულია, რომ წარმატების მიღწევას შეძლებს: „ყოველთვისმადლობელი ვარ რაც მაქვს, მაგრამ კმაყოფილი არასდროს ვყოფილვარ მიღწეულით, სულწინ მინდა რომ ვიარო. ჩემი ოცნებაა პოლიტიკოსი და ბიზნესმენი გავხდე“.
http://reportiori.ge
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0